9. Santil ochoch re Kirtland
Li santil ochoch re Kirtland wan sa’ Kirtland, Ohio.
K’a’ru kik’ulman: Li Santil ochoch re Kirtland a’an li xb’een santil ochoch li kikab’laman sa’ li jun k’ojlajik a’in (Tz. ut S. 88:119; 95) Sa’ li santil ochoch a’in, laj Jose Smith kiril jun k’utb’esinb’il matk’ chirix li choxahil awa’b’ejihom (Tz. ut S. 137). Ki’osob’tesiman sa’ 27 Marzo 1836 (Tz. ut S. 109). Sa’ 3 Abril 1836, li Kolonel kixk’ut rib’ ut kixk’ulub’a li santil ochoch jo’ li na’ajej tixk’utb’esi wi’ li raatin chiruheb’ lix tenamit (Tz. ut S. 110:1–10). Chirix li k’utunik a’in, laj Jose Smith ut laj Oliver Cowdery ke’ula’aniik xb’aan laj Moises, laj Eliyah, ut laj Elias, ut chixjunqaleb’ ke’xk’e junjunq xlaawil li tijonelil ut li xninqal ru na’leb’ (Tz. ut S. 110:11–16). Li santil ochoch a’in kik’anjelak chiruheb’ laj santil paab’anel chiru wiib’ chihab’, toja’ naq ki’ajman ru naq te’eeleliq chaq Kirtland xb’aan li rahob’tesiik.