6. Xna’aj li rochoch laj Peter Whitmer, yuwa’b’ej
Li ochoch a’in re yok’b’il toon che’ wan choq’ reetalil li ochoch re laj Peter Whitmer, yuwa’b’ej, sa’ Fayette, Nueva York.
K’a’ru kik’ulman: Laj Jose Smith arin kixchoy xjaltesinkil ru lix Hu laj Mormon sa’ xraqik Junio 1829. Sa’ li k’iche’ moko najt ta rik’in li ochoch a’in, eb’ li Oxib’ chi aj Yehol Nawom ke’ril li anjel Moroni ut eb’ li perel ch’iich’ oor. Lix ch’olob’ahomeb’ a’an wan chi tz’iib’anb’il sa’ li junjunq chi hu wan wi’ lix Hu laj Mormon. Sa’ 6 Abril 1830, ke’ch’utla 60 tana’ chi winq ut ixq sa’ rochoch laj Peter Whitmer re rilb’al naq kik’uub’aman chi tz’aqal lix Iglees li Jesukristo (Tz. ut S. 20). Li xb’een ch’utam ut ch’utub’aj-ib’ re li ak’ Iglees ke’wan arin. Junmay reheb’ li k’utb’esinb’il na’leb’ sa’ li Tzol’leb’ ut Sumwank ke’k’ule’ sa’ rochoch laj Peter Whitmer.