2. Tzuul Kumorah, ut li ch’och’ sa’ xweent Palmyra ut Manchester
Li jalam-uuch a’in, li yoo chi ilok sa’ xjayal lix nim li saq’e, naxk’ut li Tzuul Kumorah sa’ xweent Manchester, Nueva York. Li tzuul nak’utun sa’ li jalam-uuch sa’ laa nim, chalen taq’a toj ka’ch’in chik chirix lix yi. Li saqi eetalil pek li nak’utun sa’ xjayal lix nim li saq’e sa’ li tzuul naxye resil li anjel Moroni ut lix k’utunik lix Hu laj Mormon. Li tzuul Kumorah wan na 5 kiloom rik’in li loq’laj k’iche’, sa’ xjayal lix tz’e li saq’e ut li releb’aal saq’e. Sa’ xtaqenaqil li jalam-uuch nak’utun li k’aleb’aal Palmyra, 6½ kiloom xnajtil. Li awimq reheb’ laj Smith ut li loq’laj k’iche’ wan sa’ xtaqenaqil li jalam-uuch sa’ laa tz’e.
K’a’ru kik’ulman: Lix junkab’al li Profeet aj Jose Smith kiwan sa’ li ch’och’ a’in sa’ xkutankil li Xb’een K’utb’esink (JS—R 1:3). Sa’ 421 chihab’ chirix li Kristo, laj Moroni kixmuq jun li hu re perel ch’iich’, tz’iib’anb’il wi’ resil lix tenamit (R laj M 1:1–11; Morm. 6:6; Moro. 10:1–2). Laj Moroni a’in kixye re laj Jose Smith b’ar tixtaweb’ li perel ch’iich’ sa’ li tzuul. Laj Moroni kixq’axtesiheb’ li perel ch’iich’ re sa’ 1827 (Tz. ut S. 27:5; 128:20; JS—R 1:33–35, 51–54, 59).