8. Rochoch laj John Johnson
Li rochoch laj John ut li xAlice Johnson kitawman sa’ Hiram, Ohio. Li warib’aal a’in wan sa’ li xkab’ xk’ojaril.
K’a’ru kik’ulman: Li Profeet aj Jose Smith ut li xEmma li rixaqil ke’wan sa’ li ochoch a’in. Laj Jose ut laj Sidney Rigdon ke’xk’ul li chaq’al ru k’utb’esinb’il matk’ chirix lix tasalil li loq’alil, chi wankeb’ aran junjunq chik li winq sa’ 16 Febrero 1832 (Tz. ut S. 76). Li Profeet aj Jose kik’anjelak ajwi’ rik’in li Santil Hu li jaltesinb’il xb’aan laj Jose Smith (JJS) sa’ li ochoch a’in. Chiru q’ojyin sa’ 24 Marzo 1832, naq ke’wan laj Jose ut li xEmma arin, jun ch’uut chi aj rahob’tesinel xkomoneb’ li xe’kanab’ank re li paab’aal ut li xik’ neke’ilok reheb’ laj Mormon ke’xraple laj Jose ut laj Sidney chi kaw ut ke’xb’oneb’ rik’in tiqwal q’ol ut rismal kaxlan.