Zona e Missouri-t, Illinois dhe e Iowa-s në SHBA

Independence E përcaktuar si vendi qendror i Sionit (shih DeB 57:3). Një vend tempulli u përkushtua më 3 gusht 1831. Shenjtorët u dëbuan nga këtu në vitin 1833.

Lumi Fishing Joseph Smith-i dhe Kampi i Sionit udhëtuan nga Kirtland, Ohio, për në Missouri në vitin 1834 për të rivendosur shenjtorët e kontesë Jackson në tokat e tyre. DeB 105 u dha në brigjet e këtij lumi.

Far West Kjo ishte kolonia më e madhe mormone në Missouri. Një vend për një tempull u përkushtua në këtë vend (shih DeB 115). Më 8 korrik 1838, Kuorumi i Dymbëdhjetë Apostujve mori një thirrje nga Zoti për të shërbyer misione në ishujt Britanikë (shih DeB 118).

Adam-ondi-Ahman-i Zoti e përcaktoi këtë vend në Missouri-n e sipërm si vendi ku një grumbullim i madh i ardhshëm do të ndodhë, kur Jezu Krishti të vijë për t’u takuar me Adamin dhe pasardhësit e tij të drejtë (shih DeB 78:15; 107:53–57; 116).

Burgu Liberty Joseph Smith-i dhe të tjerët u burgosën padrejtësisht këtu nga dhjetor 1838 deri në prill 1839. Në mes të kohërave të shqetësuara për Kishën, Joseph-i iu drejtua Zotit për udhëheqje dhe mori DeB 121–123.

Nauvoo E vendosur mbi lumin Mississippi, kjo zonë ishte vendi i mbledhjes për shenjtorët nga viti 1839 deri në 1846. Këtu u ndërtua një tempull dhe ordinanca të tilla si pagëzimi për të vdekurit, indaumenti dhe vulosja e familjeve filluan. Këtu Shoqata e Ndihmës u organizua në vitin 1842. Zbulesat e marra përfshijnë DeB 124–129.

Carthage Këtu profeti Joseph Smith dhe vëllai i tij Hyrum u martirizuan më 27 qershor 1844 (shih DeB 135).

Winter Quarters Kolonia qendrore për shenjtorët (1846–48) në rrugë për në luginën e Salt Lake-ut. Kampi i Izraelit u organizua për udhëtimin drejt perëndimit (shih DeB 136).

Council Bluffs (Kanesville) Presidencia e Parë u mbështet këtu më 27 dhjetor 1847, me Brigham Young-un si President.