Mosaia 8
    Footnotes

    Wase 8

    Sa vakavulici ira na tamata i Limiai ko Amoni—Sa vulica ko koya me baleta na nodra ruasagavulu ka va na peleti na Jeretaiti—Sa rawa mera na vakadewataki na ivolatukutuku makawa mai vei ira na daurairai—Sa sega ni dua na isolisoli me cecere cake mai na daurairai. Rauta na 121 B.K.

    1 Ka sa yaco ni sa tinia na nona vosa vei ira na nona tamata ko Limiai na tui, ni a vosataka ko koya e vuqa na ka vei ira ka’u sa vola e vica wale ga ena ivola oqo, sa tukuna vei ira na nona tamata na veika kece sara me baleti ira na wekadra ka ra tiko ena vanua ko Saraemala.

    2 Sa qai vakarota me tucake ko Amoni e matadra na lewevuqa, ka talanoataka na veika kece e yacovi ira na wekadra mai na gauna ka biuta mai kina na vanua ko Senifi me yacova na gauna sa biubiu mai kina ko koya.

    3 A sa talanoataka talega na iotioti ni vosa ka a vakavulica vei ira ko Penijamini na tui, ka vakamacalataka vei ira na tamata i Limiai na tui, me ra kila kina vakavinaka na ibalebale ni vosa kece e a vosataka.

    4 Ka sa yaco ni sa vakayacora oti na veika kece oqo, sa qai vakasukai ira na lewevuqa ko Limiai na tui, ka vakarota me ra lesu tale na tamata yadua ki na nodra veivale.

    5 Ka sa yaco ni sa vakarota me kau mai vei Amoni na peleti ka tu kina na kedra aitukutuku na nona tamata mai na gauna era a biuta mai kina na vanua ko Saraemala, me wilika.

    6 Ia, ni sa wilika oti ga ko Amoni na itukutuku, sa tarogi koya sara na tui se rawa me vakadewataka na vosa tani e so, ka a tukuna vua ko Amoni ni sega ni rawa vua.

    7 A sa kaya vua na tui: Ena noqu a rui rarawataka na nodra vakararawataki tiko na noqu tamata, au a vakarota kina me ra lako yani ki na lekutu e lewe vasagavulu katolu na noqu tamata, de na rawa ni ra na kunea kina na vanua ko Saraemala, ka me keimami kerei ira kina na wekai keimami me ra mai sereki keimami mai na veivakabobulataki.

    8 Ka ra a lako sese voli ena lekutu ka vuqa na siga, ia era a sasaga vagumatua tiko ga, ka sega ga ni kunea na vanua ko Saraemala ia era a lesu tale mai ki na vanua oqo, ka ra a taleva mai e dua na vanua ni wai levu, ka a kunea e dua na vanua ka sinai tu ena sui ni tamata, kei na sui ni manumanu, ka sinai tale tu ga ena icaca ni veivale ena kena veimataqali, a ra sa kunea e dua na vanua era a tawana tu e dua na mata tamata ka ra a lewe vuqa sara me vaka na kedra lewevuqa na Isireli.

    9 Ia me ivakadinadina ni nodra itukutuku era a kauta mai e aruasagavulu kava na peleti ka ra sa sinai tu ena iceuceu, ka ra caka ena koula dina.

    10 Ka raica, era a kauta talega mai e so na apeleti-ni-sere, ka ra sa kalevu, ka ra caka ena bparasa kei na kopa, ka ra se vinaka sara tu ga.

    11 Era a kauta talega mai e so na iseleiwau, ka ca tu na diadra, ka veveka tu na yamedra; ka sa sega ni dua ena vanua me vakadewataka rawa na vosa se na ceuceu era tu ena peleti. O koya au sa kaya kina vei iko: E rawa li mo vakadewataka?

    12 Ka’u sa kaya tale vei iko: Ko kila li e dua ka rawa ni vakadewataka? Ni’u sa gadreva me vakadewataki na itukutuku oqo ki na neimami vosa; de na tukuna rawa vei keda me baleta e dua na ivovo ni mata tamata oqo ka ra sa vakarusai, ka sa vu mai vei ira na peleti oqo; se, ena tukuna beka vei keda me baleti ira sara mada ga ko ira na tamata oqo ka ra sa vakarusai; ka’u sa gadreva sara me’u kila na vu ni nodra vakarusai.

    13 Ia oqo sa kaya vua ko Amoni: Au sa rawa ni tukuna vakaidina sara vei kemuni, Oi kemuni na tui, ni tiko e dua na tamata ka rawa ni avakadewataka na itukutuku oqo; ni sa tiko vua e dua na ka me rai kina ka vakadewataka na itukutuku makawa kecega; ka sa isolisoli mai vua na Kalou. Ka ra sa vakatokai na ka oqori me ra bivakavakadewa, ia sa sega ni rai rawa kina e dua na tamata ka vakavo ke sa vakaroti vua, de na raica na ka sa sega ni dodonu me raica ka mate kina. Ia ko koya sa vakatarai me rai kina, sa vakatokai me cdaurairai.

    14 Ka raica, na nodra tui na lewei Saraemala, sai koya sa vakaroti me kitaka na veika oqo, ka sa tiko vua na isolisoli cecere oqo mai vua na Kalou.

    15 A sa kaya na tui ni sa uasivi cake na daurairai mai vua na parofita.

    16 A sa kaya ko Amoni ni sa dauvakatakila ka parofita talega ko koya na daurairai; ka sa sega ni tiko rawa vua na tamata e dua na isolisoli me cecere cake, ka vakavo ke sa tu vua na kaukauwa ni Kalou, ka na sega ni rawata e dua na tamata; e dina ga ni rawa ni tu vua na tamata na kaukauwa levu ka solia vua na Kalou.

    17 Ia sa rawa ni kila na daurairai na veika sa yaco oti, kei na veika talega ena qai yaco mai, ka na vakatakilai na veika kece mai vei ira, se, ena vakaraitaki kina na veika vuni, ka vakavotui kina na veika sa vunitaki tu, era na vakatakila talega mai na veika e sega tu ni kilai, ka ra na vakatakila talega na veika era a sega tu ni kilai rawa.

    18 Sa vakarautaka tu gona kina na Kalou na sala me vakayacora kina na tamata na vei cakacaka mana lelevu, ena vakabauta ga; me qai yaga vakalevu kina ko koya vei ira na wekana.

    19 Ia oqo, ni sa tinia na nona vosa ko Amoni sa marau vakalevu sara na tui, ka vakavinavinaka vua na Kalou, ka kaya: Sa sega sara ni vakatitiqataki ni dua dina na aitukutuku kurabuitaki e tiko ena peleti oqo, ka sa vakarautaki vakaidina tu na ivakavakadewa oqo ena inaki me tevukivotu kina na veika vuni vakaoqo vei ira na luve ni tamata.

    20 Sa ka talei dina sara na cakacaka ni Turaga, ka sa vosoti ira vakadede na nona tamata; io, sa mataboko ka sega ni vakararamataki rawa na mata ni yalodra na luve ni tamata; ni ra sa sega ni via vakasaqara na yalomatua, ka ra sa sega ni gadreva me liutaki ira ko akoya!

    21 Io, era sa vaka na qele ni manumanu kila sa dro tani mai vua na ivakatawa, era veiseyaki, ka vakasavi, ka ra kani ira ko ira na manumanu kila ni veikau.