1 Ia oqo, sa nanuma ko Penijamini na tui ni sa tinia na nona vosa vei ira na tamata, ni dodonu me ^avola na yacadra kece era sa veiyalayalati kei na Kalou me ra muria na nona ivakaro.

2 Ka sa yaco ni sega sara ni dua na tamata, ka vakavo ga ko ira na gonelalai, era sa curu kecega ki na veiyalayalati ka taura me nodra na yacai Karisito.

3 Ka sa yaco ni sa vakacavara ko Penijamini na tui na veika kece oqo, ka buli ^aMosaia na luvena me nodra iliuliu ka nodra tui na nona tamata, ka solia vua na lewa taucoko ni matanitu vakatui, ka ^blesi ira talega na bete me ra ^cvakavulici ira na tamata, me ra rogoca ka kila kina na ivakaro ni Kalou, ka me vakayavalati ira me ra nanuma tiko ga na ^dbubului era sa cakava, sa qai vakasukai ira na lewevuqa, ka ra sa qai lesu tale, na tamata yadua kei na nona vuvale, ki na nodra dui veivale.

4 A sa tekivu me veiliutaki ko ^aMosaia me isosomi kei tamana. Ka sa tekivu me veiliutaki ena ikatolusagavulu ni nona yabaki, ka rauta ni sa oti e va na drau vitusagavulu kaono na yabaki mai na ^bgauna ka biuti Jerusalemi mai kina ko Liai.

5 Ka sa bula tiko ga me tolu na yabaki ko Penijamini na tui, sa qai mate.

6 Ka sa yaco ni sa lako voli ko Mosaia na tui ena sala ni Turaga, ka sa rokova na nona lewa kei na nona lawa, ka muria na nona ivakaro ena ka kecega sa vakarota vua.

7 Ka sa vakaroti ira na nona tamata ko Mosaia na tui me ra teivaka na qele. A sa teivaka talega na qele, ko koya, me ^akakua kina ni vakaogai ira na nona tamata, me vakayacora vakakina na veika a dau vakayacora ko tamana. A sa sega kina na veileti ena kedra maliwa na nona tamata ena loma ni tolu na yabaki.