Mosaia 24
    Footnotes

    Wase 24

    Sa vakacacani Alama kei ira na nona tamata ko Emuloni—Era na vakamatei kevaka era masu—Sa vakamamadataka na Turaga na nodra icolacola—Sa sereki ira ena nodra vakabobulataki, era sa lako ki Saraemala. Rauta na 145–120 B.K.

    1 Ka sa yaco ni sa kune loloma ko Emuloni mai vua na nodra tui na Leimanaiti; o koya sa vakadonuya kina na tui me lesi ko koya kei ira na nona itokani me ra ivakavuvuli vei ira na nona tamata, io, vei ira talega era tiko ena vanua ko Semiloni, kei na vanua ko Sailomi kei na vanua ko Emuloni.

    2 Ni ra sa taukena tu na vanua kece oqori ko ira na Leimanaiti; o koya sa lesia kina na tui me ra lewa na veivanua oqori, na nodra tui na Leimanaiti.

    3 Ia oqo a yacana na nodra tui na Leimanaiti ko Leimani, ka vakayacani vei tamana; a sa kacivi kina me ko Leimani na tui. A sa tui vei ira e vuqa sara na tamata.

    4 Ka sa lesi ira kina na itokani i Emuloni me ra ivakavuvuli ena vanua kece era sa taukena tu na nona tamata; a sa tekivu me vakavulici kina na vosa vaka-Nifai vei ira kece na Leimanaiti.

    5 Ia era sa tamata dauveilomani vakaira; ia era sega ni kila na Kalou; era sega talega ni bau vakavulica vei ira e dua na ka me baleta na Turaga na nodra Kalou ko ira na itokani i Emuloni, se na lawa i Mosese; era sega talega ni vakavulica vei ira na vosa i Apinatai;

    6 Ia era sa vakavulici ira ga me ra vola na kedra itukutuku ka veivolavolai vakaira.

    7 Ia sa yaco kina me ra vutuniyau na Leimanaiti, ka tekivu me ra veivoli vakaira ka tubu vakalevu sara; a sa yaco ni ra sa qaseqase ka yalomatua ena veika ni vuravura, io, era sa qaseqase sara ka taleitaka na veimataqali caka ca kecega kei na kove iyau, ka ra sega ga ni kitaka vei ira na wekadra dina.

    8 Ia oqo sa yaco ni sa tekivu vakayacora ko Emuloni na nona alewa vei Alama kei ira na wekana; sa vakararawataki koya ka vakauqeti ira na luvena me ra vakararawataki ira na luvena.

    9 Ia sa kila ko Emuloni ni adua vei ira na bete ni tui ko Alama, ia sai koya ka vakabauta na vosa i Apinatai ka qai vakasavi koya tani na tui; a ka oqo sa cudruvi koya vakalevu kina; e dina ga sa vakarorogo ko koya ki na lewa i Leimani na tui, ia sa vakayacora ga na nona lewa vei ira ka bvakacakacakataki ira; a sa lesia e so me ivakatawa ni nodra cakacaka.

    10 Ka sa yaco ni sa levu sara na nodra vakararawataki ka ra sa tekivu tagi kina vagumatua sara vua na Kalou.

    11 Ia sa vakarota ko Emuloni me ra muduka na nodra tagi; a sa lesia e so na sotia me ra vakaraici ira tiko; o koya e kunei ni masu vua na Kalou me vakamatei.

    12 Ia sa sega ni tabalaka cake na domona ko Alama kei ira na nona tamata vua na Turaga na nodra Kalou; ia sa atagi vakaidina vua na yalodra ka sa kila ko Koya na gagadre ni lomadra.

    13 Ia sa yaco ni sa rogo mai vei ira na domo ni Turaga ni ra sa rarawa tiko ka kaya: Dou laveta cake na ulumudou ka vakacegu, ni’u sa kila tu na veiyalayalati dou a cakava vei au; ia au na veiyalayalati kei ira na noqu tamata, ka vueti ira mai na nodra vakabobulataki.

    14 Ia au na vakamamadataka na icolacola dou sa vakacolati kina, mo dou kakua ni vakila e dakumudou, ena nomudou tiko vakabobula; ia au na kitaka oqo mo dou kena aivakadinadina ka lako yani mo dou kila, ni koi Au na Turaga na Kalou, au sa dau sikovi ira na noqu tamata ena nodra bvakararawataki.

    15 Ia sa yaco me vakamamadataki na icolacola kece sa vakataqari vei Alama kei ira na wekana; io, a sa avakaukauwataki ira na Turaga me rawarawa vei ira na nodra bicolacola, ka ra soli ira ena yalomarau kei na cyalovosota ki na nona inaki na Turaga.

    16 Ia sa yaco ena levu ni nodra vakabauta kei na vosota, sa rogo tale kina vei ira na domo ni Turaga ka kaya: Dou vakacegu; ni ena mataka au na vueti kemudou kina mai na nomudou vakabobulataki.

    17 A sa kaya vei Alama: Mo liu vei ira na tamata oqo, au na salavata kei iko ka vueti ira na tamata oqo mai na nodra avakabobulataki.

    18 Ia sa yaco ni ena bogi a vakasoqona vata kina ko Alama kei ira na wekana na nodra qele ni manumanu lalai kei na kedra sila, ka ra sa vakasoqona tiko na nodra qele ni manumanu lalai ena bogi taucoko.

    19 Ia ena mataka sa vakayacora na Turaga me biti ira na Leimanaiti e dua na amoce lutu levu, io, era sa moce lutu kece na nodra ivakatawa.

    20 Sa qai cavutu ki na lekutu ko Alama kei ira na nona tamata; ni ra sa lako tiko ena siga taucoko e ra sa qai birika na nodra vale laca ena dua na buca; era sa vakatoka na buca ko ya ko Alama, baleta ni sa liutaki ira ko koya ena loma ni lekutu.

    21 Io, era sa sovaraka ena buca ko Alama na nodra avakavinavinaka vua na Kalou ni sa yalo loloma vei ira, ka vakamamadataka na nodra icolacola, ka vueti ira mai na nodra vakabobulataki; ni ra a vakabobulataki tiko ka sega e dua me vueti ira rawa, na Turaga na nodra Kalou duadua ga.

    22 Ia era sa ia na vakavinavinaka vua na Kalou, io, ko ira kece na nodra tagane kei na nodra yalewa kei na nodra gone ka rawa ni vosa era sa tabalaka cake na domodra ena veivakacaucautaki vua na nodra Kalou.

    23 Ia oqo sa kaya vei Alama na Turaga: Mo kusarawa ko iko kei ira na tamata ka lako tani ena vanua oqo, ni ra sa yadra na Leimanaiti ka cemuri kemuni mai; ia mo ni lako tani rawa e ke, ka’u na qai tarovi ira na Leimanaiti ena buca oqo me ra kakua tale ni cemuri ira yani na tamata oqo.

    24 Ia sa yaco mera sa biuta sara na buca ka lako yani ki na lekutu.

    25 Ia ni sa oti e tinikarua na siga na nodra lako tiko ena lekutu, era sa qai yaco ki na vanua ko Saraemala; a sa kidavaki ira ena marau ko Mosaia na tui.

    True