፩ እንግዲህ አልማ የንጉስ ኖህ ወታደሮች በእነርሱ ላይ እንደሚመጡ ከጌታ ማስጠንቀቂያ በማግኘቱ፣ እናም ህዝቡ እንዲያውቀው በማድረጉ፣ ስለዚህ መንጋዎቻቸውን በአንድነት ሰበሰቡና፣ እህላቸውን ወሰዱ፣ እናም ከንጉስ ኖህ ወታደሮች ፊት ወደ ምድረበዳው ሸሹ።

፪ እናም የንጉስ ኖህ ህዝብ እነርሱን ለማጥፋት ሊደርሱባቸው እንዳይችሉ ጌታ አበረታታቸው።

፫ እናም በስምንት ቀን ጉዞ ወደ ምድረበዳው ተሰደዱ።

፬ እናም ወደ ምድሩ ደረሱ፣ አዎን፣ በጣም ቆንጆና መልካም ምድር የንፁህ ውሃ ምድር ወደሆነች መጡ።

፭ እናም ድንኳናቸውን ተከሉና፣ ምድሪቱን ማረስ ጀመሩ፣ እናም ህንፃን መገንባት ጀመሩ፣ አዎን፣ ትጉህ ነበሩም፣ እጅግ ሰሩም።

፮ እናም አልማ በህዝቡ በመወደዱ የእነርሱ ንጉስ እንዲሆን ፈለጉ።

፯ ነገር ግን እርሱ እንዲህ አላቸው፥ እነሆ፣ ንጉስ ይኖረን ዘንድ አስፈላጊ አይደለም፤ ምክንያቱም ጌታ እንዲህ ብሏል፥ እናንተ አንዱን ሰው ከሌላው ^ሀአታስበልጡ፣ ወይም ማንም እራሱን ከሌላው በላይ ከፍ አያድርግ፣ ስለዚህ እንዲህ እላችኋለሁ ንጉስ እንዲኖራችሁ አስፈላጊ አይደለም።

፰ ይሁን እንጂ፣ የሚቻል ከሆነ ሁልጊዜ ፃድቅ ሰው የእናንተ ንጉስ ሊሆን ቢችል ንጉስ ለእናንተ መኖሩ መልካም ይሆናል።

፱ ነገር ግን የንጉስ ኖህንና የእርሱን ካህናት ^ሀክፋት አስታውሱ፣ እናም እኔ ራሴም በወጥመድ ^ለተይዤ ነበርና፣ በጌታ አመለካከት ርኩስ የሆኑ በብርቱ ንስሃ እንድገባ የሚያደርጉኝን ብዙ ነገሮች ፈፅሜአለሁ፤

፲ ይሁን እንጂ፣ ከብዙ ^ሀመከራና ችግር በኋላ፣ ጌታ ጩኸቴን ሰማና፣ ለፀሎቴ መልስን ሰጠኝ፣ እናም ^ለብዙዎቻችሁ የእርሱን እውነታ እንድታውቁ እኔን መሳሪያው አደረገኝ።

፲፩ ይሁን እንጂ፣ በዚህ አልኮራም ለመኩራት ብቁም አይደለሁምና።

፲፪ እናም አሁን በንጉስ ኖህ ተጨቁናችኋል፣ እናም በእርሱና በካህናቱ ባርነት ስር ሆናችኋል፣ በእነርሱም ወደ ጥፋት ተወስዳችኋል እላለሁ፤ ስለዚህ በኃጢያት ^ሀእስራት ታስራችሁ ነበር።

፲፫ እናም አሁን ከዚህ ሰንሰለት በእግዚአብሔር ኃይል ተለቅቃችኋል፤ አዎን፣ ከንጉስ ኖህና ከህዝቡ እጅ እንኳን፣ እናም ደግሞ ከክፋት ሰንሰለት ነፃ እንደወጣችሁ፣ እንዲሁም በእዚህ ^ሀነፃነት ^ለፀንታችሁ እንድትቆሙ ደግሞ እፈልጋለሁ፣ እናም ^ሐማንም ሰው በእናንተ ላይ ገዢ እንዲሆን አትፍቀዱ።

፲፬ እናም ደግሞ የእግዚአብሔር ሰው ሆኖ በእርሱ ጎዳና የሚራመድና ትዕዛዛቱን የሚጠብቅ ካልሆነ በቀር ማንም የእናንተ ^ሀመምህርም ሆነ አገልጋይ እንዲሆን አትፍቀዱ።

፲፭ ማንም ሰው ^ሀጎረቤቱን እንደራሱ አድርጎ እንዲወድ፣ በመካከላቸውም ምንም ^ለፀብ እንዳይኖር አልማ ህዝቡን እንዲህ አስተማረ።

፲፮ እናም አሁን፣ አልማ ^ሀሊቀ ካህንና የቤተክርስቲያናቸውም መስራች ነበር።

፲፯ እናም እንዲህ ሆነ በእርሱ በኩል ከእግዚአብሔር ካልሆነ በቀር ማንም ለመስበክም ሆነ ለማስተማር ^ሀስልጣንን አልተቀበለም ነበር። ስለዚህ ሁሉንም የእነርሱን ካህናትንና መምህራኖቻቸውን ሾመ፤ እናም ማንም ትክክለኛ ሰው ካልሆነ በቀር አልተሾመም ነበር።

፲፰ ስለዚህ ህዝባቸውን ጠበቁ፣ እናም ከፅድቅነት ጋር የተገናኙ ነገሮችን ^ሀመገቧቸው።

፲፱ እናም እንዲህ ሆነ በምድሪቱ እጅግ መበልፀግ ጀመሩ፤ እናም ምድሪቱን ሔላም ብለው ጠሯት።

፳ እናም እንዲህ ሆነ በሔላም ምድር ተባዙ እጅግም በለፀጉ፤ እናም የሔላም ከተማ ብለው የሰየሟትን ከተማ ቆረቆሩ።

፳፩ ይሁን እንጂ ጌታ ህዝቡን ^ሀመግሰፅ ተገቢ መሆኑን አየ፣ አዎን፣ ^ለትዕግስታቸውንና እምነታቸውን ፈተነ።

፳፪ ይሁን እንጂ—^ሀእምነቱን በእርሱ ያደረገ በመጨረሻው ቀን ^ለከፍ ይላል። አዎን እናም ለዚህ ህዝብም እንደዚህ ነበር።

፳፫ እነሆም ወደ ባርነት እንደመጡ አሳያችኋለሁ፤ እናም ጌታ አምላካቸው፣ አዎን የአብርሃምና የይስሐቅ እናም የያዕቆብ አምላክ፣ ካልሆነ በቀር ማንም ሊያድናቸው አይቻለውም።

፳፬ እናም እንዲህ ሆነ፣ እርሱ አዳናቸው፣ ታላቁን ኃይሉንም አሳያቸው፣ እናም ደስታቸው ታላቅ ነበር።

፳፭ እነሆም፣ እንዲህ ሆነ በሔላም ምድር በነበሩበት ጊዜ፣ አዎን፣ በሔላም ከተማ፣ በዙሪያው ያለውን መሬት በሚያርሱበት ጊዜ፣ እነሆ የላማናውያን ወታደሮች በምድሪቱ ዳርቻ ነበሩ።

፳፮ አሁን እንዲህ ሆነ የአልማ ወንድሞች ከእርሻቸው ሸሹ፣ እናም በሔላም ከተማ እራሳቸውን በአንድ ላይ ሰበሰቡ፤ እናም በላማናውያን አቋም እጅግ ፈርተው ነበር።

፳፯ ነገር ግን አልማ ወደፊት ሔደና ከእነርሱ ጋር ቆመ፣ እናም እንዳይፈሩ፣ ነገር ግን ጌታ አምላካቸው ማስታወስ እንዳለባቸውና እርሱ እንደሚያድናቸው አበረታታቸው።

፳፰ ስለዚህ ፍርሃታቸውን ዋጡት፣ እናም እነርሱንና ሚስቶቻቸውን፣ እናም ልጆቻቸውን ያተርፉላቸው ዘንድ የላማናውያንን ልብ እንዲያራራ ወደ ጌታ መጮኽ ጀመሩ።

፳፱ እናም እንዲህ ሆነ ጌታ የላማናውያንን ልብ አራራ። እናም አልማና ወንድሞቹ ወደ እነርሱ ሔዱና፣ እራሳቸውን አሳልፈው ሰጡአቸው፤ እናም ላማናውያን የሔላምን ምድር ያዙ።

፴ አሁን ከንጉስ ሊምሂ በኋላ የሚሄዱት ላማናውያን ወታደሮች ለብዙ ቀናት በምድረበዳው ተሰወሩ።

፴፩ እናም እነሆ፣ የንጉስ ኖህን ካህናት አሙሎን በተባለ ስፍራ አገኙአቸው፤ እናም የአሙሎንን ምድር የራሳቸው አደረጉ፣ ምድሪቱንም ማረስ ጀመሩ።

፴፪ አሁን የካህናቱ መሪ ስም አሙሎን ነበር።

፴፫ እናም እንዲህ ሆነ አሙሎን ላማናውያንን ተማፀነ፣ እናም ደግሞ ^ሀየላማናውያን ሴት ልጆች የሆኑትን ሚስቶቻቸውን፣ ባሎቻቸውን እንዳያጠፉባቸው ከወንድሞቻቸው ጋር እንዲማፀኑ ላከ።

፴፬ እናም ላማናውያን በሚስቶቻቸው ምክንያት ለአሙሎንና ለወንድሞቹ ^ሀርህራሄ ነበራቸው፣ እናም አላጠፉአቸውም።

፴፭ እናም አሙሎንና ወንድሞቹ ከላማናውያን ጋር አንድ ሆኑና፣ የኔፊን ምድር ለመፈለግ በተጓዙበት ወቅት በአልማና በወንድሞቹ የተያዘውን የሔላምን ምድር አገኙ።

፴፮ እናም እንዲህ ሆነ ወደ ኔፊ ምድር የሚወስደውን መንገድ የሚያሳዩአቸው ከሆነ ህይወታቸውንና ነፃነታቸውን እንደሚሰጡአቸው ላማናውያን ለአልማና ለወንድሞቹ ቃል ገቡ።

፴፯ ነገር ግን አልማ ወደ ኔፊ ምድር የሚወስደውን መንገድ ካሳያቸው በኋላ ላማናውያን ቃላቸውን አልጠበቁም፤ ነገር ግን በአልማና በወንድሞቹ ላይ በሔላም ምድር ዙሪያ ^ሀጠባቂዎች አስቀመጡ።

፴፰ እናም የተቀሩት ወደ ኔፊ ምድር ሔዱ፤ እናም ግማሾቹ ወደ ሔላም ምድር ተመለሱ፣ ደግሞም ትተዋቸው የሄዱትን ጠባቂዎቹ ሚስቶቻቸውንና ልጆቻቸውን አመጡ።

፴፱ እናም የላማናውያን ንጉስ ለአሙሎን በሔላም ምድር በነበረው ህዝቡ ላይ ንጉስና ገዢ እንዲሆን ፈቀደለት፤ ይሁን እንጂ ከላማናውያን ንጉስ ፈቃድ የሚቃረን ምንም ነገር የማድረግ ስልጣን አይኖረውም።