1 Oh met I pahn koasoia duwen papidais. Kilang, elder kan, samworo kan, oh sounpadahk kan papidaislahr; oh irail sohte kin papidaisla lao irail kasalehda wah me irail warohngehr.

2 Irail pil sohte kin alehda emen ong papidais lao irail pahn kohkihdo mohngiongarail karakarahk oh ngehn peik, oh kadehdehiong mwomwohdiso me irail koluhkihla mehlel diparail akan koaros.

3 Oh sohte emen irail alahlda nan papidais lao irail alehda mwaren Krais, oh koasonehdi me re pahn papah ih lao lel imwi.

4 Oh mwurin arail kin alahlda nan papidais, oh manaman en Ngehn Sarawi sair irail oh kamwakeleirailda, irail iang wadawadieng rehn aramas en mwomwohdiso en Krais; oh adarail akan kin alahldi, pwe tohn mwomwohdiso en kak tamataman irail oh apwalihkin irail mahsen en Koht mwahuo, en kolokol irail nan ahl pwungo, en kin kapakapkin irail ahnsou koaros, koapwkoapwoaroapwoarikihte kapai kan me kohsang wiewia pwung kan en Krais me wia tepin atail pwoson oh kaunsekpen atail pwoson.

5 Oh mwomwohdiso kin kalapw tuhpene, kaisihsol oh kapakap, oh koasoiapene duwen arail momour kan.

6 Oh irail kin kalapw tuhpene tungoale pilawa oh waino, ong katamanpen Kauno Sises.

7 Oh irail kin kanaiehng mehlel en dehr mie wiewia suwed rehrail; oh mehmen me kin dierek wiadahr wiewia suwed, oh soun kadehdeh silimen en mwomwohdiso ahpw pahn kedipa irail mwohn elder kan, oh ma irail sohte koluhla, oh sohte wehkada, edarail kan kin kohsang, oh irail sohte kin wadawadiong rehn aramas en Krais.

8 Ahpw ahnsou koaros me irail koluhla oh peki mahk, ni mehlel, irail kin alehdi mahk.

9 Oh arail wielamalam kan kin wiawi pahn kaweid en mwomwohdiso ni wiepen doadoahk kan en Ngehno, oh sang manaman en Ngehn Sarawi; pwe manaman en Ngehn Sarawio kin kaweid kin irail ma irail pahn padahk, de wia kaweid en kangong, de kapakap, pekipek sawas, de koul, a e kin pweida.