1 Wiepen tohnpadahk kan, me malipilipieng wia elder kan en mwomwohdiso, kasarawihla samworo kan oh sounpadahk kan—

2 Mwurin arail pahn kapakap ong Sahmo ni mwaren Krais, irail pahn pwilikihdi pehrail kan pohrail, oh nda:

3 Sang ni mwaren Sises Krais I kasarawihukala en wia samworo (de ma e pahn wia sounpadahk men, I kasarawihukala en wia sounpadahk) en kalohngki koluhla oh kamwakelpen dihp akan sang rehn Sises Krais, sang ni dadaurete pwosono ni mware lao lel imwi. Ahmen.

4 Oh mwurin wiepe wet irail kin kasarawihla samworo kan oh sounpadahk kan, nin duwen kisakis oh malipilip en Koht ong aramas akan; oh irail kin kasarawihla sang ni manaman en Ngehn Sarawi, me mih rehrail.