Mga Banal na Kasulatan
Moroni 1


Ang Aklat ni Moroni

Kabanata 1

Sumusulat si Moroni para sa kapakanan ng mga Lamanita—Pinapatay ang mga Nephita na hindi nagtatatwa kay Cristo. Mga A.D. 401–421.

1 Ngayon, ako, si Moroni, matapos na magawa ang pagpapaikli ng ulat ng mga tao ni Jared, hindi ko naisip na magsulat pa, ngunit ako ay hindi pa nasasawi; at ako ay hindi nagpapakita sa mga Lamanita sapagkat baka patayin nila ako.

2 Sapagkat dinggin, ang kanilang mga digmaan sa pagitan nila ay lubhang malupit; at dahil sa kanilang pagkapoot ay pinagpapapatay nila ang bawat Nephita na hindi nagtatatwa kay Cristo.

3 At ako, si Moroni, ay hindi itatatwa ang Cristo; kaya nga, ako ay nagpapagala-gala sa kung saanmang dako maaari para sa kaligtasan ng sarili kong buhay.

4 Anupa’t ako ay susulat pa ng ilang bagay, salungat doon sa yaong aking naisip; sapagkat naisip kong hindi na ako magsusulat pa; ngunit ako ay susulat ng ilan pang bagay, na marahil ang mga yaon ay magiging mahalaga sa aking mga kapatid, na mga Lamanita, sa mga darating na araw, alinsunod sa kalooban ng Panginoon.