Pwuhk en Moronai
Iralaud 1
Moronai nting ong kamwahupen Mehn Leimen kan—Mehn Nihpai kan me sohte kahmahmki Krais kamakamala. Ele Sounpar 401–421 Mwurin Ipwidi en Krais.
1 Met ngehi, Moronai, mwurin ei kaimwisekalahr oaralapiadahr poadoapoad en nein Sared aramas akan, I sohte medewe I pil ntingih ekei, ahpw I saikinte mehla; oh I sohte pwarohng Mehn Leimen kan pwe irail de kemeiehla.
2 Pwe kilang, arail mahwin kan me keper mehlel nanpwungarail; oh pwehki arail kailok irail kemehla Mehn Nihpai koaros me sohte pahn kahmahmkihla Krais.
3 Oh ngehi, Moronai, sohte pahn kahmahmkihla Krais; eri, I kin kokohseli wasa I kak kohla pwe en mie perepen pein ei mour.
4 Eri, I pahn ntingih ekeite mehkot, me I medewe I sohte pahn wia; pwe I medewe me I pahn solahr nting; ahpw I pahn ntingih ekeite mehkot, pwe ele e pahn kak mie katepe ong riei kan, Mehn Leimen kan, ehu rahn me pahn kohdo, nin duwen kupwur en Kauno.