Kyerɛwsɛm
Ether 3


Tsir 3

Jared no nuabanyin hu Ewuradze Ne nsatseaba dɛ Ɔdze rekã abo duesia no—Christ yi No sunsum bɔbea kyerɛ Jared no nuabanyin—Hɔn a wɔwɔ nyimdzee a odzi mu no biribiara nnkesiw hɔn kwan dɛ wɔbɛhɛn ntwamutam no mu—Wɔdze asekyerɛdze ma wɔdze Jared ne nsɛm no epue kan mu.

1 Na ɔbaa dɛ Jared no nuabanyin no, (afei ahɛn a woesiesie no yɛ awɔtwe) kɔr bepɔw no do, wɔfrɛ no Shelem, osiandɛ ɔwar ara yie, na ɔnaan abotan no bi yii mbobaa nkakraba duesia fii mu na wɔyɛ fitaa na ne hyerɛn tse dɛ ahwehwɛ na ɔtasee guu ne nsamu wɔ bepɔw no etsifi, na osũi frɛɛ Ewuradze, see dɛ:

2 O Ewuradze, ɔwo akã dɛ nsuyirii botwa hɛn ho ehyia. Afei hwɛ, O Ewuradze, mma wo bo mmfuw w’akowaa osian ne mberɛwyɛ wɔ w’enyim ntsi; osiandɛ yenyim dɛ ɔwo eyɛ krɔnkrɔn na etse sorsor, na yɛmmfata w’enyim; osian aasehwe no ntsi hɛn bawoo su abɛyɛ bɔn daadaa; naaso, O Ewuradze, ɔwo ama hɛn mbrasɛm dɛ yɛmfrɛ wo ama yeenya hɛn apɛdze efi wo nkyɛn.

3 Hwɛ, O Ewuradze, ɔwo atsẽa hɛn osian hɛn emumuyɛ ntsi, na edze hɛn aba ha, na mfe pii yi nyina yeedzi wɔ sar yi do; naaso, ɔwo ehu hɛn ambɔbɔr. O Ewuradze, hu me mbɔbɔr, na dan w’ebufuw fi wo nkorɔfo yi do, na mma nnhwɛ mma wɔmmfa sum nntwa dɛm nsu no bun yi; mbom hwɛ dɛm mbobaa yi a manan efi abotan yi mu yi.

4 Na minyim, O Ewuradze, dɛ ɔwo wɔ atum nyina, na itum yɛ biribiara a epɛ dze ma adasa wɔ ne yieyɛ ntsi, dɛm ntsi, fa wo nsa kã abo yi, O Ewuradze, fa wo nsatseaba kã, na siesie hɔn ama wɔaahyerɛn wɔ sum mu; na wɔahyerɛn wɔ ahɛn a yɛapam yi mu, ama yeenya kan wɔ ber a yerubotwa po yi.

5 Hwɛ, O Ewuradze, ɔwo ibotum ayɛ iyi. Yenyim dɛ ɔwo itum yɛ etumdze akɛse a aɔyɛ dɛ adze kakraba ma adasa hɔn ntseasee.

6 Na ɔbaa dɛ ber a Jared no nuabanyin kãa dɛm nsɛm yi wiei no, hwɛ, aEwuradze tseen ne nsa na ɔdze ne nsatseaba kãa abo no nkorkor. Na woyii bntwamutam no a ɔkata Jared no nuabanyin n’enyido no, na ohun Ewuradze ne nsatseaba; na ɔtse dɛ nyimpa ne nsatseaba, ɔtse dɛ honam na bɔgya; na suro kãa Jared no nuabanyin no ma otwae hwee famu wɔ Ewuradze enyim.

7 Na Ewuradze hun dɛ Jared no nuabanyin no etwa ahwe famu; na Ewuradze see no dɛ: Soɛr, ebɛnadze ntsi na ahwe famu yi?

8 Na ɔsee Ewuradze dɛ: Muhun Ewuradze ne nsatseaba, ntsi musuro dɛ annhwɛ a obotwa me; na minnyim dɛ Ewuradze wɔ honam na bɔgya.

9 Na Ewuradze see no dɛ: Osian wo gyedzi ntsi ehu dɛ mebɛfa ahonam na bɔgya ahyɛ; na ɔdasanyi biara mmbaa mo hɔ a ɔwɔ dɛm gyedzi mapa a ewɔ yi; na sɛ nnyɛ dɛm a nkyɛ ennhu me nsatseaba. Ana ehu biribi so akã iyi ho?

10 Na obuaa dɛ: Oho; Ewuradze, yi woho kyerɛ me.

11 Na Ewuradze see no dɛ: Ana ebɛgye nsɛm a mebɛkã yi edzi?

12 Na obuaa dɛ: Nyew, Ewuradze, minyim dɛ ɔwo ekã nokwar, osiandɛ ɔwo nye Nyame nokwafo no, na ainntum nndzi ator.

13 Na ber a ɔkãa dɛm nsɛm yi no, hwɛ, Ewuradze ayii noho kyerɛɛ no, na ɔsee dɛ: bOsiandɛ ehu dɛm ndzɛmba yi ntsi, wɔapon wo efi asehwe no mu; dɛm ntsi wɔdze wo asan aba m’enyim; dɛm ntsi na cmeyi moho akyerɛ wo no.

14 Hwɛ, emi nye onyia no a woesiesie no fitsi wiadze ne fapem dɛ amembɔpon mo nkorɔfo no. Hwɛ, Emi nye Jesus Christ. Emi nye bEgya nye Ɔba no. Mo mu na adasamba nyinara benya cnkwa, na woenya no onnyiewiei mu, na hɔn a wɔbɛgye me dzin edzi no mpo, hɔn na wɔbɛyɛ me dmbabanyin nye me mbabaa.

15 Na minnyii moho nnkyerɛɛ ɔdasanyi a mabɔ no da, na ɔdasanyi biara so anngyee me nndzii dɛ mbrɛ ɔwo ayɛ yi. Ehu dɛ wɔbɔɔ wo dɛ mankasa me saso? Nyew, wɔbɔɔ nyimpa nyina ahyɛse no wɔ mankasa me bsaso.

16 Hwɛ, bɔbea yi a ehu no seseiara yi, yɛ mo asunsum no bɔbea; na mabɔ nyimpa wɔ mo sunsum do; na dɛ mbrɛ meyi moho akyerɛ wo wɔ sunsum mu yi; dɛmara so mpo na mibeyi moho akyerɛ mo nkorɔfo wɔ honam mu.

17 Na afei, dɛ mbrɛ emi, Moroni, mekãe no, murunntum nnkyerɛw dɛm ndzɛmba yi nyinara a wɔakyerɛw no, dɛm ntsi oye ma me dɛ mebɛkã dɛ Jesus yii noho wɔ sunsum mu kyerɛɛ dɛm ɔbarimba yi wɔ dɛm kwan yi ara do na wɔ dɛm anyimpadua kor yi ara so mu dɛ mbrɛ oyii noho kyerɛɛ Nephifo no.

18 Na ɔsoom no dɛ mbrɛ ɔsoom Nephifo no mpo; na iyi nyinara sii, ama ɔbarimba yi eehu dɛ ɔyɛ Nyame, osian ndwuma akɛse pii a Ewuradze yii kyerɛɛ no no ntsi.

19 Na osian ɔbarimba yi ne nyimdzee ntsi biribiara nnkotum esiw no kwan ma ɔahwɛ antwamutam no mu; na ohun Jesus ne nsatseaba, na ber a ohunii no, ɔdze suro twae hwee famu; osiandɛ nna onyim dɛ ɔyɛ Ewuradze ne nsatseaba; na onnhia gyedzi biara bio, osiandɛ ɔnoara oehu, na ekyingye biara nnyi mu.

20 Na dɛ ɔwɔ Nyame noho nyimdzee mapa ntsi biribiara annkotum esiw no kwan dɛ ɔbɛhɛn ntwamutam no mu; dɛm ntsi ohun Jesus; na ɔsoom no.

21 Na ɔbaa dɛ Ewuradze see Jared no nuabanyin no dɛ: Hwɛ, mma nnda ndzɛmba yi a ehu na atse yi edzi nnkyerɛ wiadzemba, akesi dɛ mber no bɛba ma mahyɛ me dzin enyimnyam wɔ honam mu; dɛm ntsi ma ndzɛmba a ehu na atse yi nsom wo bo, na mma mmfa nnkyerɛ ɔdasanyi biara.

22 Na hwɛ, ber a ebɛba me nkyɛn no, ebɛkyerɛw na asɔw ano, amma obiara enntum annkyerɛ ase; osiandɛ ebɛkyerɛw no wɔ kasa bi mu a worunntum nnkenkan.

23 Na hwɛ, aabo ebien yi na medze bɛma wo, na edze no so bɛkã ndzɛmba a ebɛkyerɛw no ho na asɔw ano.

24 Na hwɛ, kasa a edze bɛkyerɛw no mebɛtõtõ no; dɛm ntsi mankasa me mber no du a mebɛma dɛm abo yi ebue adasamba enyiwa dze ama ndzɛmba a ebɛkyerɛw yi.

25 Na ber a Ewuradze kãa dɛm nsɛm yi wiei no, oyii anyimpa nyinara a wɔwɔ asaase yi do, nye hɔn so a wɔbɛba do dze kesi asaase n’ano n’ano no kyerɛɛ Jared no nuabanyin no; na ɔammfa ennsuma no.

26 Nna ɔakã akyerɛ no dada wɔ mber bi a ɔabɛsen kɔ dɛ a bɔgye no dzi a obeyi cndzɛmba nyinara akyerɛ no—ɔsɛ dɛ wɔdze kyerɛ no; dɛm ntsi Ewuradze ammfa biribiara ennsuma no, osiandɛ nna onyim dɛ Ewuradze botum dze biribiara akyerɛ no.

27 Na Ewuradze see no dɛ: Kyerɛw dɛm ndzɛmba yi na asɔw ano; na mibeyi akyerɛ adasamba wɔ mankasa me mber mu.

28 Na ɔbaa dɛ Ewuradze hyɛɛ no dɛ ɔnsɔw aabo ebien no a ne nsa akã no ano na mma ɔmmfa nnkyerɛ, kesi dɛ Ewuradze noara beyi akyerɛ adasamba.