1. Bix banttzan que nxiʼ tkʼamaʼn tuʼn cycub tzʼibat ajke yol otak txiʼ tkʼamaʼn Mambaj te Malaquías, que oc cxel tkʼamaʼn juntl el. Bix banttzan que aj cybajlen tzʼibat, ncheʼx ttxʼolbaʼn bix akatzan yol jluʼ aj ieʼx tkʼamaʼn, cyjaʼw: Cyjaʼtzan ten xiʼ tmaʼn Mambaj te Malaquías: Lutzan luʼ, cxel nsamaʼn nsanjela, que ajo oc cbantel ten be nwitza, bix te junnaʼwax tzul tuj ttemplo aj Kajaw alcyej nchijayontaya tiʼj, icytzanjo, aj sanjel tiʼj yol bann tiʼj, aj al iʼj cyeʼyax teʼya tiʼj; lutzan luʼ, tzultzan, chitzan Kajaw tej Ejército.

2. ¿Bix alcye cicyʼelax tuʼn aj kʼij oc tul? bix ¿Alcye cweʼbal aj oc tcub tyecʼan tib? Tuʼnj icytzan kʼakʼ txʼajol bix icytzanj jabón cyekej xinak nchi txʼajan tiʼj cyxbalan xjal tuʼn cycyaj sakxix.

3. Bix cbel tutzʼeʼ icytzan tzʼumsal te jun tiʼ tkal bix txʼajol tiʼj plata sak cʼuxbil bix cbajal ttxʼajón ajke tcʼwaʼl Levi, bix chi bajal txʼajón icytzan ẍkʼan cʼuxbil bix sak cʼuxbil tuʼntzan t-xiʼ cyoʼyan te Kajaw jun oyaj te xtis.

4. Tons aj oyaj te Judá bix te Jerusalén cyeʼyax celal tnaʼn Kajaw, icytzan cyuj kʼij te ojtxa ix abkʼi te tjakʼxa.

5. Bix chin nul lakʼeʼya cyiʼja tuj jwisyo; bix te joratx chin nocala stiwa cyiʼj ke cyʼaʼl bixke nbant tnachal cyuʼn tucʼ xuʼj nyaʼ t-txuʼjal bixmo xinak aj nyaʼ tchmil, bix cyiʼjkaj aj ntzaj cynaʼn Dios nok gan, bix cyiʼjkaj nchi moʼyan tiʼj twiʼ cycʼuʼj akʼnal, tiʼj meba xuʼj bix aj meba ntiʼ cyman, bix nnex cylajoʼn tuj stranjer, bix ntiʼ nchiylala tuj cywitz, chitzan Kajaw te Ejército.

6. Tuʼnj a kina aj Kajaw, que ntiʼ nchin meltzʼaja; tuʼntzanj ajo, miʼn chi cub baja, akaya cʼwaʼlbaj te Jacob.

7. Atxax tuj kʼij te cymana oʼ tzʼel cyiʼn cyiba cyiʼj nleya bix ntiʼ ma tzʼoc cycʼuna. Cyajtz maktzʼaja wucʼala, bix chin naʼjal maktzʼaj cyucʼala, chitzan Kajaw te Ejército. Per chichitzana cyjaʼw: ¿Al iʼj ucʼa ko aʼjal meltzʼaja?

8. ¿Cxel talkʼaʼn xinak tiʼj Dios? Mas akaya oʼchinx cyalkʼaʼna. Per chichitzana cyjaʼw; ¿al iʼj oʼtxiʼ kalkʼaʼna? Cyiʼj tlajiʼn pwak oyaj tiʼj aj nchi cambana bix ajke oyaj.

9. Nachkaya junmajx tucʼ tnachal, tuʼnj akaya, tzaʼnx cytenca nasyon, oʼchinx cyalkʼaʼna.

10. Cyiʼntza tzaʼnx cytenca tlajiʼnan pwak te oyaj tuj tcubil tuʼntzan ten waʼj tuj njaya; bix chin cyqueʼyintza tiʼj jluʼ, chitzan Kajaw te Ejército, ka mi ma chi jaketke bentanas te cyaʼj, bix cxel nkʼoʼna cyʼiwbil cyibaja que ntiʼ tuʼmal tuʼn ttzyet cyuʼna.

11. Bix cbajal wiʼlana tij jaj n kʼuchan cyeya, bix miʼn baj tkʼuchan twitz awal tej cytxʼotxʼajo; mix uva tuʼn takʼ naj twitz aj naʼxtak tpon tyemp te tuj campo, chitzan Kajaw te Ejército.

12. Bix cyuʼn cyakilka nasyon oc chi txaquetala cyeʼyaxkaya. Tuʼnj cyeʼyax cytxʼotxʼaya chitzan Kajaw te Ejército.

13. Nim taʼw cyyola wiʼja, chitzan Kajaw te Ejército. Oʼcxtzan chʼin, ncykʼamantiya: ¿Ti tkal oʼ txiʼ kmaʼna tiʼja?

14. Oʼ cykʼamantiya: Nokgana ntzaj ajben te Dios; ¿titzan tkalt baʼn kiʼja aj t-xiʼlen kcʼuʼna ke ley, bix aj kbetlena twitz Kajaw te Ejército?

15. Bix jaʼlatzan nkkʼamantiya cyeʼyax cyiʼjkaj nchi jaw nim, icytzanjo, ajkej nchi binchan tnachal oc chi jawal wabat; icytzanjo, ajke cocal cymoyan Dios oc chi tzakpetal.

16. Tons al cyekaj tzaj tchi Kajaw cyiʼj iyolan txiʼ, aj jun tucʼ juntl; bix ntbinta Kajaw; bix cubtzan tzʼibat jun uʼj te kiʼbil tajlal twitzkʼa cyekaj ntzaj tchi Kajaw cyiʼj bix nchi ximantak tiʼj tbi.

17. Bix weyajo, tuj kʼij oc cyjaw nchmoʼn juntl el njoyya chitzan Kajaw te Ejército; bix nim chocal ncwentana oc cyxiʼ ncʼuʼna, bix oc chin najsal tiʼj icytzan xinak nnajsan tiʼj tcʼwaʼl aj nnajben te.

18. Tons octzan chi maktzʼajel bix quelaltzan cynicyʼa tiʼj cyxolkej teʼ tuj xtis bix nachka, cyxolkej nchajben te Dios bix ntiʼ nchajben te Dios.