1. Bix tiʼj ax toc cxel nmaʼna cyeya, oc cxel nkʼoʼna jun techaklil tuʼntzan tel cynicyʼa tiʼj tyemp ya lista tuʼn cybaj cosas ajo, cwando oc cyoc nchmoʼn nxjala cyuj ligar sipanka, aya ja te Israel, bix cbel nkʼoʼn juntl ela aj nSyona cyxol.

2. Bix lutzan luʼ, atzan jluʼ cxel nkʼoʼna te techaklil — tuʼnj ax toc cxel nmaʼna aj oc t-xiʼ yecʼat ke cosas aj nxiʼ ntxʼolbaʼna bix yajxatl cxel ntxʼolbaʼna wiʼjx wiba cyekej xjal miyaʼ teʼ tuj ja te Israel bix nok tuʼn tipamal Xewbaj Sant cye cxel kʼet tuʼn Mambaj, tuʼntzan tel cynicyʼ ajke miyaʼ teʼ tuj ja te Israel tuʼntzan tel cynicyʼ tiʼj tnam cye a chʼintl ttxaban tiʼj ja te Jacob, bix tiʼj tnam wecyʼ luʼ que cbajal sipj cyuʼn;

3. Ax toclen, ax toclen cxel nmaʼna cyeya, aj oc t-xiʼ yecʼan cye ajke cosas j-ajo tuʼn Mambaj, bix tiʼj Mambaj tzul cyiʼj asta cyucʼala.

4. Tuʼnj aj tuj yol nim baʼn tuʼn Mambaj, oc chi bel kʼotjo tzaluʼ twitz txʼotxʼ bix tuʼn cycyaj bant icytzan tnam libreka tuʼn tipamal Mambaj, tuʼntzan cyul cosas ajo cyiʼj asta tiʼj ttxʼabanke cycʼwaʼla cyjaʼ cytzaj, tuʼntzan tel twitz aj tziybil bant tuʼn Mambaj tucʼ tnam, aya ja te Israel;

5. Cyjaʼtzan jluʼ, octzun ajke binchben luʼ, bix ajke chi banteltl cyxola, cyel tuʼn cytzaj cyiʼj xjal miyaʼ teʼ tuj ja te Israel asta cyiʼj chelal itzʼj cyiʼja, que oc chi bel tzʼak tuj ntiʼ cyocslabil nok tuʼn tlaj aj tnachal;

6. Tuʼnj cyjaʼtzan tajbil Mambaj tuʼn ttzaj keʼ cyiʼj xjal miyaʼ teʼ tuj ja te Israel, noktzan tuʼnj tuʼn t-xiʼ yecʼat tipamal cyekej xjal miyaʼ teʼ tuj ja te Israel, tuʼntzan, ka mi ma cyuwax cyanma, baʼn tuʼn tajs tiʼj cyanma tiʼj tnachal bix tuʼn cyul wucʼala bix tuʼn cybiyan tuj nbiya bix tuʼn tel cynicyʼ tiʼj jun nxnakʼtzbila ax toc, tuʼntzan cyoc tajlal cyxol ntanma, aya ja te Israel -

7. Bix octzan cybant cosas ajo, tuʼntzan tkeʼ tuʼn tel cynicyʼ ajke elna itzʼj cyiʼj, tons atzan techaklil cxel kʼot cye, tuʼntzan tel cynicyʼ tiʼj que maʼ keʼ tbinchben Mambaj, tuʼntzan tel twitz aj yol bann tiʼj tucʼ tnam tej ja te Israel.

8. Bix octzan tpon kʼij ajo, cbanteltzan que ajke rey cmaksetal cytziʼ tuʼnj cocal cyqueʼyin aj minaʼxtak txiʼ kʼamaʼn cye, bix cocax cybiʼn aj naʼxtak cybinta.

9. Porque tuj kʼij ajo cbantel tuʼn Mambaj, nok tuʼn nlaja, jun binchben matij cbantel bix cyeʼyax cyxolke; bix at ke cyxol que miʼn tzʼocx cyocslaʼn, banwtla at jun ma txʼolban te cye.

10. Per lutzan luʼ, aj tankʼbil nmajana ctel tuj nkʼaba; cyjaʼtzan jluʼ, miʼ tzʼoc cyẍticana, banwtla ma naj tiblal nok tuʼn cylaj. Oʼcxtzan chʼin, oc ckʼanatel wuʼna, tuntzan t-xiʼ nyecʼana que aj nyola nim baʼn tuʼn más matij jo twitz te dyablo tmoybil.

11. Oc cbantel, pwes, que ajke miʼn tzʼocx cyocslaʼnke yol wecyʼ akine Jesucristo, ajke yol chi bantel tuʼn Mambaj tuʼn cyxiʼ tiʼnkʼa ke xjal miyaʼ teʼ tuj ja te Israel, bix cxel tkʼoʼn tipamal tuʼn t-xiʼ kʼit cyeke xjal miyaʼ teʼ tuj ocslabil (oc cbantel ictzan aj tmanta Moisés) oc chelal lajet cyxolkaj ntanmya que akajo teʼc tuj bant tiʼj.

12. Bix aj ntanmya que a chʼintl ttxʼaban tnam te Jacob oc ctel cymijke xjal miyaʼ teʼ tuj ja te Israel, icytzanjo, tuj cymijke lonxa icytzan jun balan cyxol alemaj tjakʼ chi cʼul, bix lonxa icytzan tal balan cyxol jun cʼloj neʼl, que aj ajo, ka ma tzicyʼ tuj tmij, cbajal tbetzʼan bix cbajal tluẍan, bix mijun jaʼca colan cyiʼj.

13. Aj cykʼab cjawal twitz cyaʼj cyiʼj cyajkʼoj, bix cyakil cyajkʼoj chi bajal kʼuchj.

14. Icytzanjo, ¡Becyʼbil cywitzkaj xjal miyaʼ teʼ tuj ja te Israel, ka mi ma tzʼajs tiʼj cyanma tiʼj tnachal! Porque atzan tuj kʼij ajo, chitzan Mambaj, chelal wiʼna ke tcheja t-xola, bix chi bajal nkʼuchanke tcarroya;

15. Bix chi bajal nkʼuchana ke tnam te nimak tnam bix chi bajal nkʼuchana cyakilkej tplasa cyuwxax;

16. Bix chi cʼwel naj tzaʼnx cytenca cyʼabil, bix mix tuʼn cytentl txkantl tajkʼija.

17. Bix ax chi bajal nkʼuchana tuj tmija ajke tiblala at bixke tbinchbena twitz jun ti tkal, bix mi jtoj tuʼn toc tcʼujlaʼna juntl ela ajke takʼanben tkʼaba;

18. Bix chi jawatz nbakoʼnke tchicʼula t-xola; bix cbel ntzkijsanke ttanmala tuʼn kʼij.

19. Bix cbantel que oc quelal baj twiʼ nicyʼca slaʼj, moybil, kʼoj, bix tuʼn tajblan nyola te tuʼn tcanet pwak bix tuʼn tbant tnachal tucʼ xuʼj miyaʼ t-xuʼjala bixmo tucʼ xinak miyaʼ tchmila.

20. Porque cbantel, chitzan Mambaj, que oc cbajal nkʼuchana cyxol ntanmya tuj kʼij ajo cyakilkaj mix ma tzʼajs tiʼj cyanma tiʼj tnachal bix mix ma tzul tiʼj aj nCʼwale nim wajbila tiʼj, akajo chi elil txʼemat cyiʼj nxjalile, aya ja te Israel.

21. Bix cbantel t-xel bix kʼoj cyiʼj bix tzanx cyxolkaj miyaʼ ocslaʼn Dios cyuʼn tuj tumal minaʼx tpon tuj cyẍcyin.

22. Per ka ma tzʼajs cyanma tiʼj tnachal bix ma txiʼ cybiʼn nyola, bix mi ma cyuwax cyanma, oc cbel nkʼoʼn nglesya cyxol; bix chocax tuj aj bann tiʼj bix chocaltzan tajlal cyxol chʼintl ttxʼaban Jacob, que oʼcyaj nkʼoʼna tnam ajo te cy-erens.

23. Bix chi onal tiʼj ntanmya aj chʼintl ttxʼaban Jacob, icyxtzaʼn nok jteʼx chul tiʼj ja te Israel, tuʼn tbant jun tnam que cocal tbi aj Acʼaj Jerusalén.

24. Bix tonstzan oc chi onal tiʼj ntanmya aj cysipan cyib tuj cyakil tnam, tuʼn cyoc tiʼj Acʼaj Jerusalén.

25. Tons aj tipamal cyaʼj tzul cyibaj, bix ax ajun kina tuj tmij.

26. Bix tujtzan kʼij ajo ckebil tbinchben Mambaj, icytzanjo, aj oc t-xiʼ pacbet bangelyo cyeke ttxʼaban tnam luʼ. Ax toc cxel nmaʼna que aj tuj kʼij ajo ckebal tbinchben Mambaj cyxolkaj tzaʼnx cytenca cysipan cyib tiʼj ntanmya, icytzanjo, cyxolkaj cʼloj xjal aj ochel naj ajke ijex tiʼn Mambaj tuj Jerusalén.

27. Icytzanjo, aj binchben ckebil cyxolkaj cysipan cyib tuj ntanmya tucʼ Mambaj, tuʼntzan tbant ten be aj tzaʼn tuʼn cyul wucʼala, tuʼntzan cynan Dios twitz Mambaj tuj nbiyʼa.

28. Icytzanjo, bix tons ckebaltzan, tucʼ Mambaj, aj binchben tuʼn tbant be, cyxol tzaʼnx cytenca nasyon, que tuʼnjo jaʼca tzʼajtz maktzʼaj tnam tuj país te t-erens.

29. Bix chelatz cyuj cyakil nasyon; bix miʼn chetz nok eʼla cyim, mix okenka tuʼn cyex, tuʼnj a kina chin xel nej cywitz, bix chitzan Mambaj, a kina chin xel lapeʼ cwental cyiʼj.