1. Bix bantzan tajtzn t-xiʼ tmaʼn Jesús kej yol ajo te Nefi bix cyekaj i txacet bix japantzan cab laj cyajlal ajke i txacet bix cyikʼ cyikatz bix cyipamal tuʼn cybiyan) lutzan luʼ, ncheʼx tkʼoʼn tkʼab cyibaj xjal cyakil, bix xiʼ tmaʼn, cyjaʼw: At tzalajbil cyucʼala ajke cbel cykʼon cynabila tiʼj cyyol cab laj maʼ chi jaw nsicʼoʼna cyxola tuʼn tbant cyakʼan te baʼn cyeya bix tuʼn cyajblan cyeyaí bix maʼ txiʼ nkʼona cyipamal tuʼn cybiyana cyuʼn tuj aʼ, lutzan luʼ, bix despwes chibyala cyuʼn tuj aʼ, oc chi biyala wuʼne tuʼn kʼakʼ bix tucʼ Xewbaj Sant. Cyjaʼtzan jluʼ, cyeʼyaxkaya ka ma tzʼocx cyocslaʼna wiʼja bix ma chi biyana, yajxa cyqueʼyina cynicyʼa tiʼj que a kina.

2. Bix juntlzan tuʼmal, bix más cyeʼyaxkaj aj cocax cyocslaʼn cyyola tuʼntzanj matak txiʼ cymaʼna que que ax toc oʼchin cyila bix loʼn cyuʼna que a kina. Ax toc cyeʼyaxka aj cocx ocslaʼn cyyola cyuʼn, bix ma cub cybecybiliʼn nim cywitz, bix ma chi biyan, tuʼnj oc chi xel labaj tucʼ kʼak bix tucʼ Xewbaj Sant, bix oc chicʼamol najsbil tiʼj twitz cyil.

3. Icytzanjo, cyeʼyaxkaj meba cyxew aj nchul wucʼala, tuʼnj te cyejo aj reyno tuj cyaʼj.

4. Bix icxjuntl, cyeʼyaxkaj cyakilkaj nchi okʼ, tuʼnj oc chocal xmoxat.

5. Bix cyeʼyaxkaj ntiʼ nchi jaw nim, tuʼnj akajo chi etzal tiʼj txʼotxʼ.

6. Bix cyeʼyaxkaj tzaʼnx cytenca nchi apan wi-ij bix txketan tiʼj xtis, tuʼnj oc chi nojal tuʼn Xewbaj Sant.

7. Bix cyeʼyaxkaj at xtalbil cyucʼal, tuʼnj oc chi cannel tiʼj xtalbil.

8. Bix cyeʼyaxkaj cyakil luxix cyanma, tuʼnj oc cocal cyqueʼyin Dios.

9. Bix cyeʼyaxkaj cyakilkaj cyajbil tiʼj tzalajbil, tuʼnj akajo chocal tcʼwaʼl Dios.

10. Bix cyeʼyaxkaj cyakilkaj nchi yajlanjtz nok tuʼn tlaj nbicyʼa, te cyejo etzbil tucʼ Dios tuj cyaʼj.

11. Bix cyeʼyaxkaya aj ka ma chi yajtza bix ma chi jaw lajoʼna bix ma txi kʼamaʼn nicyʼaj nach cyiʼja, nok tuʼn nlaja;

12. Tuʼnj ctel nim tchi-al bix nim chi jawal tzalaja, pwes matij ajchi cambala tiʼj tuj cyaʼj; tuʼntzanj ax icyx i oc cyyajlan cyiʼj profetas ojtxa.

13. Ax toc, bix ax toc cxel nmaʼna que cxel nmaʼna que cxel nkʼoʼna cyeya tuʼn cyoca atzʼan te twitz txʼotxʼ, per ka ma naj tcʼocʼjal atzʼan, ¿Tzaʼn tuʼn t-atzʼamix twitz txʼotxʼ? Tons atzan atzʼan ya ntiʼtl tajblan junmajx oʼcxtzan nok tuʼn tex xoʼt bix tuʼn tcuʼ waban cyuʼn xjal.

14. Ax toc, ax toc cxel nmaʼna que cxel nkʼoʼna cyeya tuʼn cyoca te spicyʼan te tnam. Aj jun tnam twiʼ jun witz taʼ milay bant tewanjtz.

15. Lutzan luʼ ¿Ncʼantpa jun candel cyuʼn xinak, ocx tuʼn tcux tjakʼ canast? Min, sino que tcux taj tcubil candel, bix nkoptzʼaj cye cyakilka ctecʼ tuj ja.

16. Cyjaʼtzn, i tspicyʼ aman cyeya cyluz cywitz xjal, tuʼntzan toc cyqueʼyin cybinchbina tbanil, bix tuʼn ttzalaj aj cy Mana at tuj cyaʼj.

17. Min chi ximana ka inula tuʼn cykʼuchat aj ley bixmo aj ke profeta. Min inula tuʼn tnaj, sino que tuʼn cyel twitz;

18. Tuʼnj lutzan luʼ, mijun titkal ley sicyʼ, mas cyakil el pan twitz wuʼne.

19. Bix lutzan luʼ, oʼ cheʼx nkʼoʼna ke tley bix tmandamyent nMana cyeya, tuʼntzan cyocslana wiʼja, tuʼntzan taj tiʼj cyanma tiʼj twitz cyila bix tuʼn cyula wiʼja tucʼ jun anma becyʼbil bix jun xewbaj bistak tiʼj tnachal. Lutzan luʼ, atke mandamyent cywitza, bixke ley maʼ tzʼel pan twitz.

20. Cyjaʼtzan jluʼ, cytzaja wiʼja bix chi coletala; tuʼnj ax toc aj cxel nmaʼna cyeya que ka mi ma txiʼ cycʼuʼna ajke nmandanyentya maʼ txiʼ nkʼoʼna cyeya jaʼla, mix tiʼ jun tuʼmal tuʼn cyocxa tiʼj etzbil tuj cyaʼj.

21. Bala o cybintaya que o kʼunj cyuʼn ojtxa xjal, bix ax tzʼiban maj cywitza luʼ: Miʼn chi biyona; bix alcyej ma biyon oc cxeʼl tuj jwisya tuʼn Dios.

22. Per a kina cxel nmaʼna cyeya alcyej ma jaw kʼojl tucʼ termano, oc tzul sentens tibaj, bix alcyej ma txiʼ tmaʼn, Raca, te termano, oc ctel tuj sanjelal; bix alcyej ma txi tman mintiʼx tnabl terman taʼ tuj tnachal jaca bant tuʼn txiʼ max kʼakʼ tuj infierno.

23. Cyjaʼtzan jluʼ, kama tzaja wiʼja bixmo tajbila tzaja wiʼja, bix loʼn tuʼna que at chʼin tnachal tiʼja tucʼ termaniya.

24. Txiʼya tucʼ termaniya, bix cykʼukbam cycʼuʼja tnejal tucʼal, tons tzajtzana wiʼja tuʼn jun tanmya ax toc, bix ccʼametala wuʼna.

25. Kʼukbam tcʼuʼja tnejal tucʼ tajkʼoja, myentras taʼya tujbe tucʼal nyaʼ yaj que nokx nicyʼx or cocal etzana tuʼn, bix cxel kʼoʼna txe tzeʼ.

26. Ax toc, ax toc cxel nmaʼna teya que mi jun tuʼmal tzaʼn tuʼn tetza tuj, maxa oc tchjet aj cyakilxa tcʼasa. Bix myentras taʼya txe tzeʼ, ¿Jaʼca chjet chʼin tcasa? Ax toc, ax toc cxel nmaʼna teya que milay.

27. Lutzan luʼ, o cub tzʼiban cyuʼn ojtxa xjal: Miʼn bant il tuʼna tucʼ xuʼj ka miyaʼ t-xuʼjala, bix icx te xuʼj ka miyaʼ tchmil.

28. Bix a kina chin xel kʼamante tiʼj alcye ma txiʼ tqueʼyin jun xuʼj bix nnel tkʼajba tiʼj tuʼn tbant il tuʼn tucʼal, ya maʼ bant il tuʼn tuj tanma.

29. Lutzan luʼ, cxel nkʼoʼna mandamyent cyeya tuʼn mi tcʼamet aj cosas ajo tuj cyanmiya.

30. Tuʼnj más baʼn tuʼn tcub cytzinan cyiba cyiʼj cosas ajo, tuʼntzan t-xiʼ cyiʼna cycruza, bix miʼntzan chex xoʼta tuj infierno.

31. Oʼ cub tzʼibat tiʼj, alcyej ma tzʼel ticʼan t-xuʼjal, txiʼ cypan cyib junmajx.

32. Ax toc, ax toc cxel nmaʼna cyeya que alcyej ma tzʼel ticʼan t-xuʼjal, oʼcxtzala ka tuʼn tlaj il nbant tuʼn tucʼ juntl nyaʼ tchmil, nbant tuʼn tbant il tuʼn tucʼ juntl; bix alcyej ma najan tucʼ aj ju xuʼj otak cub tpan tib, nbant il tuʼn tucʼal.

33. Icxju tzʼiban maj: Miʼn schana tuj, sino que cʼepanela twitz aj xiʼ ttziʼyana tucʼ Kajaw;

34. Bix ax toc, ax toc aj cxel nmaʼna cyeya: Miʼn tzaj cyjurarana tuj mi jun tuʼmal; mix tiʼj cyaʼj, tuʼnj a tkʼukbil Kman Dios.

35. Mix tiʼj txʼotxʼ, tuʼnj atzan nchi ujlan tkan;

36. Mix tuʼn ttzaj cynaʼn tiʼj cywiʼya, tuʼnj milayx bant jun tzmal wibaj sak bixmo kʼek tuʼna;

37. Tnejal atzn cyyola: icytzanjo, icytzanjo; miʼn, miʼn; tuʼnjtzanj aj mástl tiʼj jluʼ nachjo.

38. Bix lutzan luʼ, tzʼiban maj: witzbaj tiʼj witzbaj, bix ebaj tiʼj ebaj;

39. Bix cxel nmaʼna cyeya que min tuʼn tcub cymakona tnachal, más ban, te xjal toc tchlokan twitza tuj bankʼaj, cajal tmojtzaʼna juntl.

40. Bix ka at jun ma txiʼ samaʼna tuʼn twitz ley, bix ma tzʼel kʼiʼn t-ẍjoʼwa tuʼn, ax kʼoʼn cyaj tcapiya.

41. Bix alcyej ma tzʼoc ilxix tiʼja tuʼn t-xiʼya tuj jun ujlab (milla), txiʼya tuʼcʼal cab milla.

42. Alcyej ma kanan jun ti tkal teya, kʼonxa; bix alcyej taj tuʼn tikʼ jun ti tkal tmajan teya miʼn cub t-xcʼaʼyana.

43. Bix lutzan luʼ, ax tzʼiban maj: cocal tcʼujlaʼn tucʼla, bix chocal tkʼojleʼna ajke miyaʼ tucʼla;

44. Bix lutzan luʼ, cxel nmaʼna cyeya: Cycʼujlaʼn oca ajke miyaʼ cyucʼla, cycyʼiwlama ajke icʼana cyuʼn, cybinchama tbanal cyekej nchoc txʼuj cyiʼja, bix chi nana Dios tuʼn cylaj ke cyoc te patrón cyiʼja bix nchi yason chiʼja;

45. Tuʼn cybjoca te tcʼwal jax toc te cyMana taʼ tuj cyaʼj; tuʼntzanj tuʼnkʼa njaw kʼij cyibaj ke baʼn xjal, jax cyibaj ke ploj xjal.

46. Cyjaʼtzan, aj ke tuʼmal te tyemp ojtxa, i ten tjakʼ aj ley, wuʼne cyakilka el pan baj twitz.

47. Ke cosa fij, n chi naj baj, bix cyakilx ma choc te acʼaj.

48. Cyjaʼtzn, wajbila tuʼn cyoca te tzʼaklxix wena icytzan te wecʼy, bixmo cyMana at tuj cyaʼj, tzʼaklxix wena tten.