Jebta 23
Jisōs ej kam̧ool naan ko an Aiseia—E ej jiron̄ armej ro n̄an etale rikanaan ro—Naan ko an Samuel riLeman eo kōn Jerkakpeje rej kobaikļo̧k n̄an ļo̧o̧k ko aer. Iturinļo̧k Ā.K. 34.
1 Im kiiō, lo, Ij ba n̄an kom̧, bwe kom̧ij aikuj aetali men kein. Aaet, juon kien Ij lewōj n̄an kom̧ bwe kom̧in etale men kein ilo niknik; bwe reļļap naan ko an bAiseia.
2 Bwe em̧ool eaar kōnono kōn aolep men ko kōn armej ro Aō ro rej jān m̧weo im̧ōn Israel; kōn menin ej aikuj bwe e en kōnono barāinwōt n̄an ro riAelōn̄ ko.
3 Im men otemjej eaar kōnono raar im arenaaj kūrm̧ool, em̧ool ekkar n̄an naan ko eaar kōnono.
4 Kōn menin eo̧ron̄ naan ko Aō; kom̧in jeje men ko Iaar ba n̄an kom̧; im ekkar n̄an iien eo im ankilaan Jemān renaaj ilo̧k n̄an ro riAelōn̄ ko.
5 Im jabdewōt eo enaaj eo̧ron̄ naan ko Aō im ukeļo̧k im peptaij, ejja in wōt enaaj mour. Kom̧in etale arikanaan ro, bwe elōn̄ ro renaaj kam̧ool kōn men kein.
6 Im kiiō ālikin men kein ke Jisōs eaar ba naan kein Eaar bar ba n̄an er, ālikin An kar tipdiki aolep jeje ko rekwōjarjar n̄an er ko raar būki, Eaar ba n̄an er: lo, bar jet jeje ko rekwōjarjar I kōņaan bwe kom̧in jeje, bwe ejjeļo̧k ippemi.
7 Im ālikin men kein Eaar ba n̄an Nipai: Kwōn bōktok ļo̧o̧k ko kom̧ ar kōm̧m̧ani.
8 Im ke Nipai eaar bōktok ļo̧o̧k ko, im likūt i im̧aan, Eaar to̧o̧r mejān ioer im ba:
9 Em̧ool Ij ba n̄an kom̧, Iaar jiron̄ eo karejera aSamuel, riLeman eo, bwe e en kam̧ool n̄an armej rein, bwe ilo raan en Jema en aiboojoj etan ilo N̄a bwe ekar wōr belōn̄ ro crekwōjarjar ro ren djerkak jān ro remej, im ren waļo̧k n̄an elōn̄, im ren jipan̄ er. Im Eaar ba n̄an er: Eaar jab āindein ke?
10 Im ro rikaļooran raar uwaak E im ba: Aaet, Irooj, Samuel eaar kanaan ekkar n̄an Am̧ innaan, im raar aolep kūrm̧ool.
11 Im Jisōs eaar ba n̄an er: Ekōjkan bwe kom̧in kar jar jeje men in, bwe elōn̄ ro rekwōjarjar raar jerkak im waļo̧k n̄an elōn̄ im kar jipan̄ er?
12 Im ālikin men kein Nipai eaar keememej bwe men in eaar jab jeje.
13 Im ālikin men kein Jisōs eaar jiron̄ er bwe e en kar jeje; kōn menin eaar jeje ekkar n̄an āinwōt An kar jiron̄ er.
14 Im kiiō ālikin men kein ke ar m̧ōj an Jisōs atipdiki aolep jeje ko rekwōjarjar ilo juon, ko rekar jeje, Eaar jiron̄ er bwe ren katakin men ko Eaar tipdiki n̄an er.