ህዝቡ በለጋስ ምድር በተሰበሰበበት ኢየሱስ ክርስቶስ ለኔፊ ህዝብ እራሱን ገለፀም፣ አስተማራቸውም፤ እናም በዚህ መንገድ ነበር እራሱን ያሳያቸው።
ምዕራፍ ፲፩ እስከ ፳፮ አጠቃሎ የያዘ።
ምዕራፍ ፲፩
አብ ስለተወደደው ልጁ መሰከረ—ክርስቶስ ተገለጠ፣ እናም ስለኃጢያት ክፍያው ተናገረ—ህዝቡም በእጁና በእግሩ፣ እናም በጎኑ ላይ የነበረውን የቁስሉን ምልክት ዳሰሱት—ሆሳዕና ብለውም ጮኹ—የጥምቀት ደንብና ስርዓት አስተማራቸው—የጸብ መንፈስ ከዲያብሎስ ነው—የክርስቶስ ትምህርት ሰዎች እንዲያምኑና፣ እንዲጠመቁ፣ እናም መንፈስ ቅዱስን እንዲቀበሉ ነው። ፴፬ ዓ.ም. ገደማ።
፩ እናም አሁን እንዲህ ሆነ የኔፊ ህዝብ የሆኑ በቁጥር ብዙ የነበሩት በለጋስ ምድር በነበረው ቤተመቅደስ ዙሪያ በአንድነት ተሰብስበው ነበር፤ እናም እርስ በርሳቸውም ተገርመውና ተደንቀው ነበር፤ እናም አንዳቸው ለሌላኛቸውም ሀታላቅና አስገራሚ የነበሩትን ለውጦች እያሳዩ ነበር።
፪ እናም ደግሞ ስለሞቱ የተሰጠውን ሀምልክት ተሰጥቶ ስለነበረው ስለዚህ ስለኢየሱስ ክርስቶስ በተመለከተ ይነጋገሩ ነበር።
፫ እናም እንዲህ ሆነ እርስ በርሳቸው በሚነጋገሩበትም ወቅት፣ ከሰማይ የመጣ የሚመስል ሀድምፅ ሰሙ፤ የሰሙትንም ድምፅ ለመረዳት ባለመቻላቸው ዙሪያውን ተመለከቱ፤ እናም ድምፁ ሻካራ አልነበረም፣ ወይም የጩኸት ድምፅም አልነበረም፤ ይሁን እንጂ፣ ለድምፁ አነስተኛ ቢሆንም እንኳን የሰሙት ውስጣቸውን ሰንጥቆ ገብቶ፣ በዚህም የተነሳ ከሰውነታቸው ያልተንቀሳቀሰ ክፍል አልነበረም፤ አዎን፣ እስከነፍሳቸው ድረስ ዘልቆ ገብቷል፣ እናም ልባቸውን እንዲቃጠል አድርጓል።
፬ እናም እንዲህ ሆነ በድጋሚ ድምፁን ሰሙት፣ እናም አልተረዱትም ነበር።
፭ እናም በድጋሚ ለሦስተኛ ጊዜ ድምፁን ሰሙትና፣ ለማዳመጥ ጆሮአቸውን ከፈቱ፤ እናም ዐይኖቻቸው ድምጹ ወደነበረበት እየተመለከቱ ነበር፤ ድምፁ ወደሚመጣበት ወደ ሰማይ አቅጣጫም በፅናት ተመለከቱ።
፮ እናም እነሆ፣ ለሦስተኛ ጊዜም የሰሙትን ድምፅ ተረዱት፤ እንዲህም አላቸው፥
፯ እነሆ ሀበእርሱ ደስ የሚለኝ፤ ስሜንም ያከበርኩበት፣ ለየምወደው ልጄ ይህ ነው—እርሱን ስሙት።
፰ እናም እንዲህ ሆነ በተረዱትም ጊዜ በድጋሚ በሰማይ ላይ ዐይናቸውን ጣሉ፤ እናም እነሆ፣ አንድ ሰው ከሰማይ ሲወርድ ሀተመለከቱ፤ እናም እርሱ ነጭ ልብስ ለብሶ ነበር፤ እናም ወረደና በመካከላቸው ቆመ፤ እናም የህዝቡም ዐይን ሙሉ በሙሉ በእርሱ ላይ ነበር፣ እናም እርስ በርሳቸውም ለመነጋገር አልደፈሩም ነበር፣ እናም መላዕክት እንደታያቸው በማሰባቸውም ምን ማለት እንደሆነ አላወቁም ነበር።
፱ እናም እንዲህ ሆነ እርሱም እጁን ዘረጋና፣ ወደ ህዝቡም እንዲህ ሲል ተናገረ፥
፲ እነሆ፣ እኔ ኢየሱስ ክርስቶስ ነኝ፣ ነቢያት ወደ ዓለም ይመጣል ብለው የመሰከሩልኝም።
፲፩ እናም እነሆ እኔ የዓለም ሀብርሃንና ህይወት ነኝ፤ እናም አብ ከሰጠኝ መራራ ለፅዋም ጠጥቻለሁ፣ እናም የዓለምን ኃጢያት በራሴ ላይ ሐበመውሰድም አብን አክብሬአለሁ፣ በዚህም ከመጀመሪያ ጀምሮ በሁሉም ነገሮች የአብን መፈቃድ ፈፅሜአለሁ።
፲፪ እናም እንዲህ ሆነ ኢየሱስም እነዚህን ቃላት በተናገረበት ጊዜ ሰዎቹ ሁሉ በመሬት ላይ ወደቁ፤ ምክንያቱም ክርስቶስ ወደ ሰማይ ካረገም በኋላ በመካከላቸው እራሱን እንደሚያሳይ በነቢያት ሀተተንብዮ እንደነበር አስታውሰዋልና።
፲፫ እናም እንዲህ ሆነ ጌታም እንዲህ ሲል ተናገራቸው፥
፲፬ ተነሱ እናም እጆቻችሁንም በጎኔ ሀእንድታስገቡና ደግሞ የችንካሬን ምልክት በእጆቼና በእግሮቼ ላይ ለትዳስሱት ዘንድ፣ እኔ የእስራኤል ሐአምላክ፣ እናም የምድር ሁሉ አምላክ መሆኔንና፣ መለዓለም ኃጥያቶችም መገደሌንም እንድታውቁ ዘንድ ወደ እኔ ኑ።
፲፭ እናም እንዲህ ሆነ ህዝቡም ሄዱና እጃቸውን በጎኑ አስገቡ፣ እናም ምስማር የተቸነከሩባቸውን እጆቹንና እግሮቹን ዳሰሷቸው፤ ሁሉም እስከሚደርሳቸው አንድ በአንድ እየሄዱ ይህን አደረጉ፣ እናም በዐይኖቻቸው ተመለከቱና፣ በእጆቻቸው ዳሰሱ፣ እናም በነቢያቱ ስለመምጣቱም የተነገረለት እርሱ ሀመሆኑን በእርግጥም አወቁና መሰከሩ።
፲፮ እናም ሁሉም በሄዱና ለየራሳቸውም በተመለከቱ ጊዜ በአንድነት እንዲህ ሲሉ ጮኹ፥
፲፯ ሆሳዕና! የልዑሉ አምላካችን ስም የተባረከ ይሁን! እናም በኢየሱስ እግር ስር ወደቁ፣ እናም ሀአመለኩት።
፲፰ እናም እንዲህ ሆነ እርሱም ሀለኔፊ ተናገረ (ኔፊ ከህዝቡ መካከል ስለነበር) እናም እርሱ ወደ ፊት እንዲመጣም አዘዘው።
፲፱ እናም ኔፊ ተነሳና፣ ሄደ እናም በጌታ ፊት አጎነበሰና፣ እግሮቹን ሳመ።
፳ እናም ጌታ እንዲነሳ አዘዘው። እናም እርሱም ተነሳና በፊቱ ቆመ።
፳፩ እናም ጌታ እንዲህ ሲል ተናገረው፥ በድጋሚ ወደ ሰማይ በማርግበት ጊዜም ይህንን ህዝብ ሀእንድታጠምቅ ለስልጣንን እሰጥሃለሁ።
፳፪ እናም በድጋሚ ጌታ ሀሌሎችን ጠርቶ በተመሳሳይ ተናገራቸው፤ እንዲያጠምቁም ስልጣንን ሰጣቸው። እናም እንዲህ አላቸው፥ በዚህ መንገድ ታጠምቃላችሁ፤ በመካከላችሁም ለምንም ፀብ አይኖርም።
፳፫ በእውነት እንዲህ እላችኋለሁ በእናንተ ሀቃላት አምኖ ለኃጢአቱ ንሰሃ የገባና በስሜም ለመጠመቅ ለየፈለጉትን በዚህ መንገድ አጥምቁአቸው—እነሆ፣ እናንተ ወርዳችሁ እናም በውሃው መካከል ሐትቆማላችሁ፣ እናም በስሜም ታጠምቁአቸዋላችሁ።
፳፬ እናም አሁን እነሆ በስማቸውም ጠርታችሁ የምትናገሩአቸው ቃላት እነዚህ ናቸው፥
፳፭ በኢየሱስ ክርስቶስ በተሰጠኝ ሀስልጣን መሰረት ለበአብ፤ በወልድ፤ እናም በመንፈስ ቅዱስ ስም አጠምቅሃለሁ። አሜን።
፳፮ እናም በውሃ ውስጥ ሀታጠልቋቸዋላችሁ፤ እናም ከውሃ ውስጥም በድጋሚ ታወጧቸዋላችሁ።
፳፯ እናም በዚህም መንገድ በስሜ ታጠምቃላችሁ፤ እነሆም፣ በእውነት አብና፣ ወልድ፣ እናም መንፈስ ቅዱስ ሀአንድ ናቸው እላችኋለሁ፤ እናም እኔ በአብ እንዳለሁ አብም በእኔ ነው፣ እናም አብና እኔም አንድ ነን።
፳፰ እናም በዚህ በማዛችሁ መሰረትም እንደዚህ አጥምቁ። እናም ከዚህ በፊት እንደነበረውም በመካከላችሁ ሀፀብ አይኖርም፤ ከዚህ በፊት እንደነበረው በትምህርቴ ነጥቦችም ምክንያት በመካከላችሁ ፀብ አይኖርም።
፳፱ እውነት፣ እውነት እላችኋለሁ፣ የፀብ ሀመንፈስ ያለበት፣ የፀብ አባት ከሆነ እናም የሰዎችን ልብ እርስ በርስ ለእንዲጣሉ በቁጣ ከሚያነሳሳው ከዲያብሎስ እንጂ፤ ከእኔ አይደለም።
፴ እነሆ፣ ሰዎችን አንዳቸውን ከሌላኛው ልባቸውን ለቁጣ የሚያነሳሳ ይህ የእኔ ትምህርት አይደለም፤ ነገር ግን እንደነዚህ ያሉ ነገሮች እንዲወገዱ ማድረግ ይህ የእኔ ትምህርት ነው።
፴፩ እነሆ፣ እውነት፣ እውነት እላችኋለሁ፤ ሀትምህርቴን ለእናንተ አውጃለሁ።
፴፪ እናም ይህ የእኔ ሀትምህርት ነው፤ ይህም አብ ለእኔ የሰጠኝ ትምህርት ነው፤ ስለአብ ለእመሰክራለሁ፣ እንዲሁም አብ ስለእኔ ይመሰክራል፤ ሐመንፈስ ቅዱስም ደግሞ ስለእኔና ስለአብ ይመሰክራል፤ በማንኛውም ስፍራ አብ ሰዎች በሙሉ ንሰሃ እንዲገቡና በእኔ እንዲያምኑ አዞአቸዋል።
፴፫ እናም በእኔ ያመነና ሀየተጠመቀ ለይድናል፤ እና እነርሱም የእግዚአብሔርን መንግስት ሐየሚወርሱ ናቸው።
፴፬ እናም በእኔ የማያምን ቢኖርና ካልተጠመቅ እርሱ ይኮነናል።
፴፭ እውነት፣ እውነት እላችኋለሁ፣ ይህ የእኔ ትምህርት ነው፣ ከአብ መሆኑንም እመሰክራለሁ፤ በእኔ ሀየሚያምንም ቢኖር ደግሞም በአብ ያምናል፤ ለእርሱም ስለእኔ አብ ይመሰክርለታል፤ አብም ለበእሳት እንዲሁም ሐበመንፈስ ቅዱስ ይጎበኘዋል።
፴፮ እናም አብ ስለእኔ ይመሰክራል፣ መንፈስ ቅዱስም ስለአብና ስለእኔ ይመሰክራል፤ ምክንያቱም አብ እኔና መንፈስ ቅዱስ አንድ ነን።
፴፯ እናም በድጋሚ እንዲህ እላችኋለሁ፣ ንሰሃ ግቡና እንደ ህፃናት ሀሁኑ፤ በስሜም ተጠመቁ፣ አለበለዚያ እነዚህን ነገሮች በምንም መንገድ ልትቀበሉ አትችሉም።
፴፰ እናም በድጋሚ እንዲህ እላችኋለሁ፣ ንሰሃ ግቡና በስሜም ተጠመቁ፣ እናም እንደህፃናት ሁኑ፣ አለበለዚያ በምንም መንገድ የእግዚአብሔርን መንግስት ልትወርሱ አትችሉም።
፴፱ እውነት፣ እውነት እላችኋለሁ፣ ይህ የእኔ ትምህርት ነው፣ እናም በዚህም ሀየሚገነባ በእኔ አለት ላይ መሰረቱን የገነባ፣ እናም ለየሲዖል ደጆችም አያሸንፋቸውም።
፵ እናም ከዚህ የበለጠ ወይንም ያነሰ የሚናገርና፣ ይህን እንደ ትምህርቴ የሚመሰርት ቢኖር፣ እርሱ ከክፉ ነው፤ እናም በዓለት ላይ የገነባ አይደለም፤ ነገር ግን ሀበአሸዋው ላይ መሰረቱን የገነባው ነው፣ የጥፋት ውሀ ሲመጣና፣ ነፋስ ሲመታው የገሃነም ደጆችም እርሱን ለመቀበል ክፍት ሆነው ይጠብቃሉ።
፵፩ ስለዚህ ወደእነዚህ ህዝቦች ሂዱ፤ እስከአለም ዳርቻም የተናገርኳቸውን ቃላት አስተምሩአቸው።