1 En in dié dag sal jy sê: O Here, ek sal U loof; alhoewel U toornig was op my, is u toorn afgewend, en U vertroos my.

2 Kyk, God is my heil; ek sal ^avertrou, en nie bevrees wees nie; want die Here ^bJehova is my krag en my lied; Hy het ook my heil geword.

3 Daarom, met vreugde sal julle ^awater skep uit die fonteine van heil.

4 En in daardie dag sal julle sê: ^aLoof die Here, roep sy Naam aan, verklaar sy dade onder die volke, vermeld dat sy Naam verhewe is.

5 ^aSing tot die Here; want Hy het uitstekende dinge gedoen; dit is bekend op die hele aarde.

6 ^aJuig en jubel, julle inwoners van Sion; want groot is die Heilige Een van Israel in julle midde.