1 Pea ʻe tupu hake ha ^atokotoko mei he ^btefito ʻo ^cSesé, pea ʻe tupu ha vaʻa mei hono ngaahi aká.

2 Pea ʻe nofo ʻiate ia ʻa e ^aLaumālie ʻo e ʻEikí, ʻa e laumālie ʻo e ʻiló mo e faʻa ʻiló, ʻa e laumālie ʻo e akonakí mo e mālohí, ʻa e laumālie ʻo e potó pea mo e manavahē ki he ʻEikí;

3 Pea te ne ngaohi ia ke ne ʻiloʻilo ʻi he manavahē ki he ʻEikí; pea ʻe ʻikai te ne ^afakamaau ʻo fakatatau ki he meʻa ʻokú ne vakai ki aí, pe valoki ʻo fakatatau ki heʻene fanongó.

4 Kā ʻi he ^amāʻoniʻoni te ne fakamāuʻi ʻa e masivá, pea ^bfakamaau taʻe-filifilimānako maʻá e kau ^cangamalū ʻo e māmaní; pea te ne taaʻi ʻa māmani ʻaki ʻa e meʻa tā ʻo hono fofongá, pea te ne tāmateʻi ʻa e kau fai angahalá ʻaki ʻa e mānava ʻo hono loungutú.

5 Pea ʻe hoko ʻa e māʻoniʻoní ko e noʻo ʻo hono kongalotó, pea mo e tui faivelengá ko e nonoʻo ʻo hono ^anoʻotanga-valá.

6 Pea ʻe toki nofo fakataha ʻa e ulofí mo e lamí; pea ʻe tokoto fakataha ʻa e lēpatí mo e ʻuhikiʻi kosí, pea ko e ʻuhikiʻi pulú, mo e laione muí, mo e pulu sisinó, fakataha; pea ʻe tataki ʻa kinautolu ʻe ha tamasiʻi siʻi.

7 Pea ʻe kai fakataha ʻa e pulu fefiné mo e peá; pea tākoto fakataha ʻa hona ʻuhikí; pea ʻe kai ʻe he laioné ʻa e kauʻi mohuku mōmoá ʻo hangē ko e pulú.

8 Pea ko e tamasiʻi ʻoku kei huhú te ne vaʻinga ʻi he luo ʻo e ^angata koná, pea ko e tamasiʻi kuo mavaé te ne ʻai ʻa hono nimá ki he ʻana ʻo e ^bngata huhu koná.

9 ʻE ^aʻikai te nau fakamamahiʻi pe fakaʻauha ʻi hono kotoa ʻo hoku moʻunga toputapú; he ʻe fonu ʻa māmani ʻi he ^bʻilo ʻo e ʻEikí ʻo hangē ko hono fakafonu ʻe he ngaahi vaí ʻa e tahí.

10 Pea ʻi he ʻaho ^ako iá ʻe ʻi ai ha ^baka ʻo Sese, ʻa ia ʻe tuʻu ko e fuka ʻo e kakaí; ʻe kumi ^cki ai ʻe he kau ^dSenitailé; pea ʻe nāunauʻia ʻa hono mālōlōʻangá.

11 Pea ʻe hoko ʻo pehē ʻi he ʻaho ko iá ʻe toe ʻai ʻe he ʻEikí ʻa hono toʻukupú ko hono tuʻo ^aua ke toe fakahaofi ʻa e toenga ʻo hono kakai, ʻa ia ʻe fakatoe, mei ʻAsiliá, pea mei ʻIsipité, pea mei Pātolosí, pea mei Kusá, pea mei ʻIlamí, pea mei Sainá, pea mei Hamaté, pe mei he ngaahi motu ʻo e tahí.

12 Pea te ne fokotuʻu ha ^afuka maʻá e ngaahi puleʻangá, pea fakatahaʻi mai ʻa e kau ^bliʻekina ʻo ʻIsilelí; pea te ne ^ctānaki ʻa e kakai kuo fakamoveteveteʻi ʻo Siuta mei he ngaahi tuliki ʻe fā ʻo e māmaní.

13 ʻE mole atu foki ʻa e ^ameheka ʻa ʻIfalemí, pea ko e ngaahi fili ʻo Siutá ʻe motuhi atu ia; ʻe ʻikai ^bmeheka ʻa ʻIfalemi kia ^cSiutá, pea ʻe ʻikai fakamamahiʻi ʻe Siuta ʻa ʻIfalemi.

14 Kā te na ^apuna atu ki he ngaahi uma ʻo e kau Filisitia ki he hihifó; pea te na vete fakataha ʻa kinautolu ʻo e hahaké; pea te na hili hona nimá ki ʻĪtomi mo Mōape; pea ʻe talangofua ʻa e fānau ʻa ʻĀmoní kiate kinaua.

15 Pea ʻe ^afakaʻauha ʻo ʻosi ʻe he ʻEikí ʻa e vaʻa ʻo e tahi ʻIsipité; pea ʻi heʻene fuʻu matangi mālohí te ne luluʻi ʻa hono toʻukupú ki ʻolunga ʻi he vaitafé, pea taaʻi ia ʻi he ngaahi vaitafe iiki ʻe fitú, pea tuku ʻa e tangatá ke fononga ai kae ʻikai viviku hono vaʻé.

16 Pea ʻe ʻi ai ha ^ahala lalahi moʻó e toenga ʻo hono kakaí ʻa ia ʻe fakatoe, mei ʻAsiliá, ʻo hangē ko ia naʻe hoko ki ʻIsileli ʻi he ʻaho naʻá ne ʻalu atu ai mei he fonua ʻo ʻIsipité.