1 He vakai, ko e ʻEikí, ʻa ia ko e ʻEiki ʻo e Ngaahi Kau Taú, ʻokú ne toʻo atu mei Selūsalema, pea mei Siuta, ʻa e poupoú mo e tokotokó, ʻa e tokoni kotoa pē ʻo e meʻakai, mo e tokoni kotoa pē ʻo e vaí—

2 ʻA e tangata mālohí, mo e tangata taú, ʻa e fakamāú, mo e palōfitá, mo e tangata potó, pea mo e mātuʻá;

3 ʻA e ʻeikitau ʻo e toko nimangofulú, pea mo e tangata anga-fakaʻeiʻeikí, mo e tangata faleʻí, mo e tangata fie mana kākaá, pea mo e tangata lea mālié.

4 Pea te u tuku ʻa e tamaikí kiate kinautolu ke hoko ko honau kau pilinisi, pea ʻe pule kiate kinautolu ʻa e fānau valevalé.

5 Pea ʻe fengaohikoviʻiʻaki ʻa e kakaí ʻiate kinautolu, pea mo e tangata taki taha ʻe hono kaungāʻapí; pea fai taʻe-fakaʻapaʻapa lahi ʻe he tamasiʻi ki he mātuʻá, mo e tangata taʻe-fakaʻapaʻapá ki he tangata anga-fakaʻeiʻeikí.

6 ʻO ka puke ʻe ha tangata ʻa hono tokouá ʻi he fale ʻo ʻene tamaí, ʻo ne pehē: ʻOkú ke maʻu ha kofu, ke ke hoko ko homau pule, pea ʻoua naʻa tuku he hoko ʻa e ^afakaʻauhá ni ʻi ho nimá—

7 ʻI he ʻaho ko iá te ne fuakava, ʻo pehē: ʻE ʻikai te u hoko ko e fai ^afakamoʻui; he ʻoku ʻikai ha mā pe ha kofu ʻi hoku falé; ʻoua naʻa fokotuʻu au ko e pule ʻo e kakaí.

8 He kuo ^amaumau ʻa Selūsalema, pea kuo ^btō mo Siuta, he ko ʻenau ngaahi leá mo ʻenau ngaahi angafaí ʻoku fakafili ia ki he ʻEikí, ke fakatupu-houhau ki he fofonga ʻo hono nāunaú.

9 ʻOku hanga ʻe he anga ʻo honau fofongá ʻo talatalaakiʻi ʻa kinautolu, pea fakahā ai ʻoku tatau ʻa ʻenau angahalá mo ^aSōtoma, pea ʻoku ʻikai te nau lava ʻo fufuuʻi ia. Malaʻia ki honau laumālié; he kuo nau fakatupu ʻa e kovi kiate kinautolu pē.

10 Mou pehē ki he kau māʻoniʻoní te nau ^ahao; he te nau kai ʻa e fua ʻo ʻenau ngaahi ngāué.

11 Malaʻia ki he kau fai angahalá, he te nau ʻauha; koeʻuhi ʻe tō kiate kinautolu ʻa e totongi ʻo ʻenau ngaahi ngāué!

12 Pea ko hoku kakaí, ko e fānaú ʻa honau kau pule fakamālohí, pea ʻoku pule kiate kinautolu ʻa e kau fefiné. ʻE hoku kakai, ʻoku fakahalaʻi koe ʻe kinautolu ʻoku ^atataki koé pea ʻoku nau maumauʻi ʻa e anga ho ngaahi halá.

13 ʻOku tuʻu hake ʻa e ʻEikí ke ^ataukapoʻi, pea ʻoku tuʻu ia ke fakamāuʻi ʻa e kakaí.

14 ʻE fakamāuʻi fakataha koe ʻe he ʻEiki mo e mātuʻa ʻo hono kakaí pea mo honau kau ^apilinisí; he kuo mou ^bkai ʻo ʻosi ʻa e ^cngoue vainé mo e ngaahi ^dmeʻa kuo mou kaihaʻasi mei he ^emasivá ʻi homou ngaahi falé.

15 Ko e hā homou lotó? ʻOku mou fuʻu haha lahi ʻa hoku kakaí, ʻo laiki ʻa e mata ʻo e masivá, ʻoku folofola ʻe he ʻEiki ko e ʻOtua ʻo e Ngaahi Kau Taú.

16 Pea ʻikai ia ko ia pē, ka ʻoku folofola ʻe he ʻEikí: Koeʻuhi ʻoku fuʻu pōlepole ʻa e ngaahi ʻofefine ʻo Saioné, pea nau ʻaʻeva fakamāfutofuta mo e mata holi-kovi, ʻo ʻalu ^afakatekiteki mo fie hā, pea mo e ngaahi ukamea ʻi honau vaʻé ʻoku tatangi heʻenau ʻalú—

17 Ko ia, ʻe taaʻi ʻe he ʻEiki ʻa e tumuʻaki ʻo e ngaahi ʻofefine ʻo Saione ʻaki ʻa e pala, pea ʻe ^afakatelefuaʻi ʻa kinautolu ʻe he ʻEikí.

18 ʻI he ʻaho ko iá ʻe toʻo ʻe he ʻEikí meiate kinautolu ʻa e fakaʻofoʻofa lahi ʻo honau ngaahi teunga tatangí mo e ^ameʻa-faʻu siueli ʻo e ʻulú, mo honau ngaahi ^bkahoa fuopotopoto ʻoku hangē ko e māhiná;

19 ʻA e ngaahi kahoá mo e ngaahi vesá, pea mo e ngaahi ^apūloú;

20 ʻA e ngaahi tataá mo e ngaahi teuteu ki he vaʻé, pea mo e ngaahi meʻa-haʻi ʻulú, mo e ngaahi ʻaiʻanga kakalá pea mo e ngaahi hau ki honau telingá;

21 ʻA e ngaahi mamá mo e teuteu ki he ihú;

22 Mo honau ngaahi ^akofu ngingilá, pea mo e ngaahi kofu tuʻá, pea mo e ngaahi pulupulú, pea mo e ngaahi kato paʻangá;

23 ʻA e ngaahi teunga ^aaatá, pea mo e līneni tuʻovalevalé, pea mo e ngaahi puloú, pea mo e ngaahi holoholo pūloú.

24 Pea ʻe hoko ʻo pehē, ʻe fetongi ʻa e namu kakalá ʻaki ʻa e namukū; pea ko e noʻó ^aʻaki ʻa e pulupulu noa pē; pea ko e ʻulu lau leleí ʻaki ʻa e tula; pea fetongi ʻa e ngaahi ^bteunga fakaʻofoʻofá ʻaki ʻa e tauangaʻa; ko e hoihoifuá ʻaki ʻa e ^cfohia.

25 ʻE tō ʻa ho kau tangatá ʻi he heletā mo hoʻo kau mālohí ʻi he tau.

26 Pea ʻe tangilāulau mo tangi ʻa hono ngaahi matapaá; pea te ne lala, pea nofo hifo ki he kelekelé.