1. Kua tuatua maira te Atu kiaku, ka rave koe i tetai pokaikai maata, ka tata ki runga ki te peni a te tangata ra, no runga ia Mahera-salala-hasa-baza.

2. Kua rave atura au i nga kite pikikaa kore ra, ko Uria taunga ra, e ia Zekaria te tamaiti o Ieberekia ra.

3. Kua aere atura au ki te peroveta vaine, e nui iora aia, e anau maira tana e tamaiti. Kua tuatua maira te Atu kiaku, ko Mahera-salala-hasa-baza taau ingoa ka tapa iaia.

4. Kare oki taua tamaiti e kite i te tuatua e, e toku papa e, e toku mama e, ka apai keia te apinga nui o Damaseko, e te apinga nui o Samaria mei mua atu i te aroaro o te ariki no Asura ra.

5. Kua tuatua akaou mairai te Atu kiaku, na ko maira,

6. No te mea kua akaruke teianei aronga i te vai i Siloa tei tae marie ra, e kua paapaa ia Rezina, te tamaiti a Remalia ra.

7. E teianei, i na, te apai maira te Atu ki rungao ia ratou, te vai o te kauvai ra, tei ririnui, e tei viviki, koia te ariki no Asura, e tona katoa ra kakā; e puke aia na runga i tona au kauvai rikiriki katoa ra, e e maringi katoaia na rungao i tona au nia ra.

8. E na roto aia ia Iuda i te aere, i te puke anga oki ki runga i te au nia ra, e taea roaia i te kaki; e tae te totoa anga o ona peau ki te pararauare roa o toou enua, e Imanuela e!

9. E taokotai mai kotou, e te au tangata na, e ka atiatiia kotou; e ariu mai i te taringa, e to te pa enua mamao katoa ra; e rakei ia kotou, e ka atiatiia kotou, e rakei ia kotou e ka atiatiia kotou.

10. E uriuri kotou i te tuatua, e riro ïa ei mea puapinga kore; e tuatua mai kotou i te tuatua, kare rai e mou; tei ia matou oki te Atua.

11. Kua na ko maira oki te Atu kiaku ma te rima ririnui, e kua ako maira kiaku e, auraka au e aere na te arataa o teianei aronga, na ko maira.

12. Auraka kotou e karanga e, e taokotaianga, ki te au mea ta teianei aronga e karanga mai e, E taokotaianga; auraka oki kotou e mataku i ta ratou e mataku ra, auraka oki e ngarangara.

13. Ko te Atu Sabaota ra, ta kotou e akatapu; koia oki ta kotou e mataku e ta kotou ïa e ngarangara.

14. E riro oki aia e akapuanga; ei toka turorianga ra, e ei punanga ki nga ngutuare e rua o Iseraela ra, ei maunu e ei ereere i to Ierusalema.

15. E manganui ratou te ka turori, e ka inga, e e atiatiia, e e ii, e e apainaia.

16. Ka ruru ana i te tuatua akakite, ka topiri ana i te ture i roto i taku au pipi.

17. E tatari oki au i te Atu, ko tei uuna i tona mata i te ngutuare no Iakoba, e kimi rai au iaia.

18. I na, ko au e te au tamariki ta te Atu i oronga mai naku ra, ei au akairo oki ïa e ei umere anga i Iseraela nei, na te Atu Sabaota ra, ko tei noo i te maunga ra i Ziona.

19. E kia tuatua mai ratou kia kotou, E kimi atu i te au vaerua i matauia, e ki te au purepure, kia ratou oki tei kiokio mai e ko tei mutamuta ra; kare ainei te tangata e kimi tika atu ki to ratou Atua kia akarongo tei ora i tei mate?

20. Ei te ture e i te tuatua akakite; kia kore ta ratou tuatua e tau ki te reira tuatua, kare atura e mārama i roto ia ratou.

21. E aere ra ratou na rotopu i te enua nei, ma te tinai mate i te pongi; e kia mate ratou i te pongi ra e maki takita ratou ia ratou uaorai, ka tao ei ratou i to ratou ariki, e to ratou Atua; e ka akara oki ki runga.

22. E ka akara oki ratou ki te enua nei, e i na, e tumatetenga e te poiri, e poiri taitaia oki, e ka tuaruia ki roto i te poiri.