1 Cunan, Jacob parlarca tauca ashtaca cuzascunata ñuca llactapuracunaman chai punllacunapi; shina cajpipash cai cuzascunatalla ñuca quilcachishcani, cai quilcashcacunalla ñucapa ali can.

2 Cunan ñuca, Nefi, Isaíaspaj shimicuna ashtahuan quilcani, imashpa ñuca alma cushijun paipaj shimicunapi. Imashpa Ñuca paipaj shimicunata ñuca llactapuracunaman rurachun churasha, tucui ñuca huahuacunaman cachasha, pai ciertopacha ñuca Jatun Causachijta ricurca, imashna ñuca ricushca cani.

3 Ñuca huauqui, Jacob, paita ricushca can imashna ñuca ricushca cani; chaimanda, paicunapaj shimicunata ñuca huahuacunaman cachasha paicunaman tigrai ricuchingapa ñuca shimicunaca na llulla cajta. Chaimanda, quimsapaj shimicunahuan, Dios nirca, ñuca shimita churasha. Shina cajpipash, Dios cachamurca ashtahuan ricushca nijcunata, tucui paipaj shimicunata tigrai ricuchinpash.

4 Riqui, ñuca alma cushijun tigrai ricuchicunapi ñuca llactapuracunaman na llullata Cristopaj shamuica; caipami Moiséspaj catichunbacha saquishcacunataca cushca can; tucui cuzascunapash imata Dios runaman cushca cashcacuna cai alpa callarimandallata, pai imacanata ricuchijcuna can.

5 Ñuca almapash cushijun Apunchijpaj conveniocunapi imata pai ñucanchi punda taitacunaman rurashca can; ari, ñuca alma cushijun paipaj ninan juyaipi, paipaj alicaipipash, ushaipipash, jatun llaquinapipash mana tucurina imata rurana quishpigrina huañuimanda.

6 Ñuca alma cushijun ñuca llactapuracunaman tigrai ricuchinacunapi Cristo shamuimanda nacashpaca tucui runacuna tucuringapacha.

7 Imashpa Cristo na tiajpica Dios na tian; Dios na tiajpica ñucanchi na tianchiman, imashpa rurashca na tianmancarca. Ashtahuangari shuj Dios tian, pai Cristo can, pai shamun paipaj tucuilla punllacuna pactamujpi.

8 Cunan quilcani Isaíaspaj huaquin shimicunata, ñuca llactapuramanda picuna ricunga cai shimicunata jahuaman alsachun paicunapaj shungucunata, tucui runacunamanda cushijuchunbash. Cunan, shimicunaca caicuna can, cangunaman tucui runacunamanbash rurangapa churashca.