1 At milyari a migsalita ku karing kakung kapatad, a sasabing: Munta tamung pasibayu king Jerusalem, at maging matapat tamu king pamanupad karing kautusan na ning Guinu; uling lawan mas mayupaya ya kesa king anggang yatu, anya bakit eya mayupaya kesa kang Laban at ding keang limangpulu, wa, o anggiyang kesa karing keang apulung libu?

2 Nung makanian mibalik tamu; maging masikan tamung anti kang Moises, uling ya tutu yang migsalita karing danuman ning Dayatmalat a Malutu at ita mepitna ya misusumangid at keni, at ding kekatamung ninunu dinalan la, at meging malaya, king malanging gabun, at ding kawan ning Paraon tinuki la at melumud king danuman ning Dayatmalat a Malutu.

3 Ngeni lawan, balu yu a iti tutu; at balu yu naman a ing anghel migsalita ya kekayu; anya pin makananu ko pang magduda? Mibalik tana; ing Guinu agiu nang iligtas na katamu, anti ding kekatamung ninunu, at bang paten i Laban, anti ring tau Ehipto.

4 Ngeni anyang asabi ku nala dening amanu, mua la pa, at bubulung la pa, makanian man tinuki la kaku angga king miras kami lual ning pader ning Jerusalem.

5 At kanita bengi na; at pepalyarian kung ila salikut la lual ning pader. At kaibat dang misalikut, aku, i Nephi, ginapang kung palub king siudad at minta king bale nang Laban.

6 At petnubayan naku ning Espiritu, king umpisa eku la pa balu ding bage dapat kung gawan.

7 Makanian man minta ku, at kabang lalapit ku king bale nang Laban, menakit kung tau, at makakera ya king gabun arapan ku, uling malasing ya king alak.

8 At anyang linapit ku kea ikit ku a ya i Laban.

9 At ikit ke ing keang ispada, begut ke king kaluban na; at ing sepu na niti puru yang gintu, at ing pangagawa na niti lubus yang masanting, at ikit ke ing taram na niti gawa ya king pekamal a bakal.

10 At milyari a masikan na kung apilit ning Espiritu a dapat keng paten i Laban; dapot sinabi ku king kakung pusu: E kapilanman aku pepatulu kung daya ning tau. At aku melungkut ku at aburi kung eke paten.

11 At ing Espiritu sinabi na kakung pasibayu: Lawan ing Guinu biniye ne karing kekang gamat. Wa, at balu ku naman a pignasan nakung paten; wa, at eya mekiramdam karing kautusan na ning Guinu; at kinua nala naman ding kekaming pibandian.

12 At milyari a ing Espiritu sinabi na kakung pasibayu: Paten me, uling ing Guinu biniye ne karing kekang gamat.

13 Lawan ing Guinu papaten nala ding marok bang agawa nala ding keang mayap a kapagnasan. Mas mayap ing mete ya ing metung a tau kesa king ing metung a bansa misadlak ya king kelan kapaniwalan.

14 At ngeni, anyang aku, i Nephi, dimdam kula dening amanu, aganaka kula ding amanu na ning Guinu a sinabi na kaku king ilang, a sasabing: Nung ding kekang bini tuparan da ing kakung kautusan, munlad la king labuad ning pangaku.

15 Wa, at inisip ku naman a e dala atupad ding kautusan na ning Guinu agpang king kautusan nang Moises, maliban nung atiu karela ing batas.

16 At balu ku naman a ing batas makasulat ya karing laminang tansu.

17 At pasibayu, balu ku a ing Guinu biniye ne i Laban karing kakung gamat para king sangkan a ini — bang akua kula ding kasulatan agpang king keang kautusan.

18 Nung makanian, pamintuan ke ing siwala ning Espiritu, at telan ke i Laban king buak ning keang buntuk at pinutut ke ing keang buntuk king keang sariling ispada.

19 At kaibat keng pinutut ing keang buntuk king keang sariling ispada, kinua ku ing imalan nang Laban at sinulud kula king sarili kung katawan; wa, anggiyang ing pekamalating imalan, at tinali ku ing keang balutan king kakung balakang.

20 At kaibat kung agawa ini, minta ku king simpanan bandi nang Laban. At kabang papunta ku king pikamaligan nang Laban, lawan, ikit ke ing alipan nang Laban a makisusi ning pikamaligan. At inutus ke king siwala nang Laban a dapat yang tuki kaku king pikamaligan.

21 At inisip na aku ing keang amu, i Laban, uling ikit na ing imalan at ing ispada mu naman a makatali king kakung balakang.

22 At migsalita ya kaku agpang karing mangatua da ring Judio, uling balu na ya ing keang amu, i Laban, linual ya anyang bengi kayabe da.

23 At migsalita ku kea balamu i Laban.

24 At migsalita ku kea a dapat na lang dalan ding kasulatan, a atiu karing laminang tansu, karing kakung mangatuang kapatad, a atiu lual ding pader.

25 At inutus ku mu naman kea a dapat yang tuki kaku.

26 At uling isipan nang tinungge ku karing kapatad na ning pisamban, at inisip na a akung tutu i Laban a pete ku, anya pin tinuki ya kaku.

27 At migsalita ya kakung dakal a besis tungkul karing mangatua da ring Judio, anyang papunta ku karing kakung kapatad a atiu lual ning pader.

28 At milyari a anyang i Laman ikit naku mitakutan yang lubus, at makanian mu naman i Lemuel at i Sam. At milayi lang palaut king kakung arapan; uling isipan da aku i Laban, at ya pete naku at pagnasan nang paten nala mu naman.

29 At milyari a inaus kula, at dimdam daku, anya pin tinuknang lang mamulayi palaut kaku.

30 At milyari a anyang ing alipan nang Laban ikit nala ding kakung kapatad megumpisa yang ginalgal, at makasadia neng mulayi palaut kaku at mibalik king siudad ning Jerusalem.

31 At ngeni aku, i Nephi, bilang metung a lalaking maragul a katawan at makanian mu naman uling mekatanggap sikanan ibat king Guinu, nung makanian, singgaban ke ing alipan nang Laban, at telan ke, bang e mitakas.

32 At milyari a migsalita ku kea, nung pakiramdaman nala ding kakung amanu, kabang mabie ya ing Guinu, at kabang mabie ku, nung makiramdam ya karing kekaming amanu, paburen miyang mie.

33 At migsalita ku kea, a maki pamaniumpa, a eya dapat tumakut; a maging malaya yang tau anti ikami nung tuki ya kekami king ilang.

34 At migsalita ku kea, a sasabing: Tune ing Guinu inutus na kekami a gawan mi ing bage ini; at dapat ke waring e maging masikap king pamanupad karing kautusan na ning Guinu? Nung makanian nung tuki ka king ilang kang tata ku ika mikalugal ka kekami.

35 At milyari a i Zoram mesikan ya lub karing amanung kakung sinabi. Ngeni Zoram ing lagiu na ning alipan; at mengaku yang tuki king ilang papunta king kekaming tata. Wa, at ginawa ya namang sumpa kekami a ya manatili ya kekami manibat kanita.

36 Ngeni pignasan mi a dapat yang manatili kekami uli ning sangkan a ini, bang ding Judio eda abalu ing kekaming pamanakas king ilang, pota tagalan da kami at paten.

37 At milyari a anyang i Zoram ginawa yang sumpa kekami, mewala ing takut mi tungkul kea.

38 At milyari a kinua mila ding laminang tansu at ing alipan nang Laban, at minta papunta king ilang, at miglakbe papunta king tolda nang tata mi.