1 Phulaphulani kwaye nive oku, Owu ndlu kaYakobi, ababizwa ngegama likaSirayeli, kwaye nabathi beza ngaphambili bephuma kumanzi akwaYuda, okanye bephuma kumanzi ^aobhaptizo, abafunga ngegama leNkosi, baze bamkhankanye uThixo kaSirayeli, kanti abangafungi nganyaniso nangabulungisa.

2 Nangona kunjalo, bazibiza ngokuba ^abangabesixeko esingcwele, kodwa ^babahlelanga bona kuye uThixo kaSirayeli, oyiNkosi yeMikhosi; ewe, iNkosi yeMikhosi ligama lakhe.

3 Qaphelani, ndizivakalisile ^aizinto zangaphambili kwasekuqaleni; kwaye zaphuma zeza ngaphambili ngomlomo wam, kwaye ndazibonakalisa. Ndaye ndazibonakalisa ngesaquphe.

4 Kwaye ndazenza ngenxa yokuba ndandikwazi ^aukuba uneenkani, yaye intamo yakho ingumsipha wesinyithi, kwaye nebunzi lakho lilubhedu;

5 Kwaye ndivakalisile kuwe kwa ukusuka ekuqalekeni; ngaphambi kokuba kwenzeke ndakubonisa kuwe; kwaye ndakubonisa ngoloyiko lokuba hleze uthi—^aIsithixo sam sizenzile, kwaye umfanekiso wam oqingqiweyo, nomfanekiso wam onyityilikisiweyo ubayalele.

6 Ukubonile kwaye ukuvile konke oku; kwaye ke ingaba akusayi kukuvakalisa? Kwaye nokokuba ndikubonise izinto ezintsha ukususela kweli lixa, kwanazo izinto ezifihlakeleyo, kwaye wawufudula ungazazi.

7 Zidaliwe ngoku, kwaye zingasuki ekuqaleni, kwanangaphambi komhla owathi wangaziva zazivakalisiwe kuwe, hleze uthi—Qaphela bendizazi.

8 Ewe, kwaye akuzange uve; ewe, wawungazazanga; ewe, ukususela ngelo lixa indlebe yakho yayingavulekanga; kuba ndandisazi ukuba uya kuziphatha ngokungathembakali, kwaye wawubizwa ngokuba ^aungumoni kwasesizalweni.

9 Nangona kunjalo, ngenxa ^ayegama lam ndiya kuwurhoxisa umsindo wam, kwaye ukuze ndibongwe ndiya kuzibamba ngakuwe, ukuze ndingakusikeli ngaphandle.

10 Kuba, qaphela, ndikucokisile, ndikonyule ezikweni ^alenkxwaleko.

11 Ngenxa yam, ewe, ngenxa yam ndiya kukwenza oku, kuba andisayi kuyekela ukuba ^aigama lam lingcoliswe, kwaye ^bandisayi kunikezela uzuko lwam komnye.

12 Ndiphulaphule, Owu Yakobi, noSirayeli babiziweyo bam, kuba ndinguye; ^andingowokuqala, kwaye ndingowokugqibela kanjalo.

13 Isandla sam ^asisibekile kanjalo isiseko somhlaba, kwaye isandla sam sokunene siwangxabalazile amazulu. Ndiyawabiza aze aphakame kunye.

14 Nonke nina, zihlanganiseni, nize nive; ngubani phakathi kwabo ozivakalisileyo ezi zinto kubo? Uthandiwe yena yiNkosi; ewe, kwaye iya ^akulizalisekisa ilizwi layo ethe yalivakalisa ngabo; kwaye uya kwenza intando yakhe ^bngeBhabhilon, kwaye ingalo yakhe iya kufikelela phezu kwamaKaledi.

15 Kanjalo, itsho iNkosi; mna Nkosi, ewe, ndithethile; ewe, ndimbizile ukuba avakalise, ndimzisile, kwaye uya kuyenza indlela yakhe iphumelele.

16 Yizani nina kufuphi nam; andithethanga ^aemfihlakalweni; ukususela ekuqalekeni, ukusuka ngelixa eyathi yavakaliswa ndiyithethile; kwaye iNkosi uThixo, noMoya wayo, undithumile.

17 Kwaye itsho njalo iNkosi, ^auMkhululi wakho, oNgcwele kaSirayeli; ndimthumile, iNkosi uThixo wakho ekufundisa ukunceda, ^bokukhokelela kuyo indlela ofanele ukuhamba ngayo, uyenzile.

18 Owu akwaba wawuyiphulaphule ^aimiyalelo yam—njalo uxolo lwakho obeluya kuba njengomlambo, kwaye nobulungisa bakho bube njengamaza olwandle.

19 ^aNembewu yakho kanjalo ibiya kuba njengentlabathi; inzala yombilini wakho ibe njengamahlalutye ayo; igama lakhe alifanelanga ukuba libe lasikelwa ngaphandle nakutshatyalaliswa phambi kwam.

20 ^aPhumani ngaphandle kweBhabhilon, wabalekeni amaKaledi, ngelizwi lengoma vakalisani, nixele oku, nithethe kwisiphelo somhlaba; yithini: INkosi isikhulule ^bisicaka sayo uYakobi.

21 Kwaye ^aabazange banxanwa; wabakhokelela ngaphandle kweentlango; wabenzela ukuba amanzi ampompoze ephuma ^beliweni; waliqhekeza iliwa kanjalo aze amanzi atsaza ukuphuma.

22 Kwaye nangona konke oku akwenzileyo, kwakunye nokungaphezulu akubikho ^aluxolo itsho iNkosi, kwabo bakhohlakeleyo.