Tsir 11
Nephi hu Ewuradze no Sunsum na onya nkwadua no ho enyido-adzehu—Ohu Nyankopɔn ne Ba no ne nã nye mbrɛ Nyankopɔn si kotow—Ohu Nyame Eguambaa no n’enuma, ne somdwumadzi na ne mbeamudua mu bɔ—Ohu Eguambaa no n’Asomafo Duebien no hɔn frɛ na hɔn som dwuma. Bɛyɛ mfe 600–592 Ansaana wɔbɔwo Christ.
1 Na ɔbaa dɛ ekyir yi a minyaa pɛ dɛ muhu ndzɛmba a m’egya hunii no; na minyaa gyedzi dɛ Ewuradze botum ada no edzi akyerɛ me; aber a metse hɔ arodwendwen ho wɔ m’akoma mu no, Ewuradze no Sunsum bhwiim me kɔree, nyew ɔdze me kɔr cbepɔw tsentsen bi a munnhun ne saso na m’anan so nsii bi do da do.
2 Na Sunsum no see me dɛ: Hwɛ, ebɛnadze na erohwehwɛ?
3 Na mesee dɛ mepɛ dɛ muhu dza m’egya ahunii no.
4 Na Sunsum no see me dɛ ana egye dzi dɛ w’egya hun adua no a ɔakã ho asɛm no?
5 Na mesee dɛ: Hwɛ ɔwoara inyim dɛ amegye m’egya ne nsɛm nyinara dzi.
6 Na ber a mekãa dɛm nsɛm yi no, Sunsum no dze ndze kɛse tseaa mu see dɛ: Hosanna nkã Ewuradze, ɔsorsor Nyankopɔn; osiandɛ Ɔno nye Nyame wɔ aasaase nyinara do, nyew, ɔbɔ adze nyinara do. Na nhyira akã ɔwo, Nephi, osiandɛ begye ɔsorsor Nyankopɔn ne Ba no dzi; dɛm ntsi, ibohu ndzɛmba a erohwehwɛ no.
7 Na hwɛ wɔdze dɛm asɛnkyerɛdze yi bɛma wo, dɛ ehu dua no a ɔsow eduaba no a w’egya dzii no, ibohu nyimpa bi a ofi sor risian, na no ho na ebɛgye dase; na agye no ho dase ewie no, bakyerɛw ato hɔ dɛ ɔno nye Nyankopɔn ne Ba.
8 Na ɔbaa dɛ Sunsum no see me dɛ: Hwɛ! Na mohwɛe na muhun dua no; na ɔtse dɛ adua no a m’egya hunii no; na ne fɛw wɔnnka, nyew, ɔsen adze fɛɛfɛw biara; na ɔyɛ bfitaayɛ bor esukwankyɛba ne fitaayɛ koraa.
9 Na ɔbaa dɛ aber a muhun dua no ekyir no mesee Sunsum no dɛ: Mehu dɛ edze dua no a aɔsombo kyɛn adze nyinara no akyerɛ me.
10 Na ɔsee me dɛ: Ebɛnadze na erohwehwɛ?
11 Na mesee no dɛ: Nkyɛ meehu dɛm adze yi ne ankyerɛase—na mekasaa kyerɛɛ no dɛ mbrɛ nyimpa rekasa; osiandɛ muhun dɛ ɔwɔ bnyimpadua su; naaso nna minyim dɛ ɔyɛ Ewuradze no Sunsum; na ɔkasaa kyerɛɛ me dɛ mbrɛ nyimpa kasa kyerɛ ne nyɛnko.
12 Na ɔbaa dɛ ɔsee me dɛ: Hwɛ! na meyɛɛ dɛ morohwɛ no, na mennhu no; nna ɔayew wɔ m’enyi do.
13 Na ɔbaa dɛ mohwɛe na muhun Jerusalem kuropɔn no na nkuropɔn binom so. Na muhun Nazareth kuropɔn no; na aNazareth kuropɔn no mu no muhun bɔbaabun bi a no ho yɛ fɛw na ɔyɛ fitaa so.
14 Na ɔbaa dɛ muhun dɛ aɔsorsor ebue; na sor ɔbɔfo siaan famu begyinaa m’enyim; na ɔsee me dɛ: Nephi, ebɛnadze na ehu yi?
15 Na mesee no dɛ: Ɔbaabun a, na no ho yɛ fɛw sen mbaabun nyinara.
16 Na ɔsee me dɛ: Ana inyim mbrɛ Nyankopɔn si kotow?
17 Na mesee no dɛ: Minyim dɛ ɔdɔ ne mba; na mbom minnyim ndzɛmba nyinara ase.
18 Na ɔsee me dɛ: Hwɛ, aɔbaabun no a ihun no no yɛ Nyankopɔn ne Ba ne bnã wɔ honam afamu.
19 Na ɔbaa dɛ muhun dɛ Sunsum no dze no kɔ; na aber a aSunsum no dze no kɔree ekyir ma mber kakra guu mu no, sor ɔbɔfo no kasaa kyerɛɛ me, see dɛ: Hwɛ!
20 Na mohwɛe na muhun ɔbaabun no bio, na otur aabofra wɔ n’abaw mu.
21 Na sor ɔbɔfo no see me dɛ: Hwɛ Nyame aEguambaa, nyew, Onnyiewiei bEgya ne cBa no! Ana ddua no a w’egya hunii no inyim ase?
22 Na miyii no ano see dɛ: Nyew, ɔyɛ Nyame no adɔ no a ɔhɛnhɛn adasamba akoma mu no; dɛm ntsi ɔyɛ adze pa a ɔsom bo kyɛn adze nyinara.
23 Na ɔkasaa kyerɛɛ me see dɛ: Nyew, na ɔma ɔkra aenyigye mbordo.
24 Na ɔkãa dɛm nsɛm yi ekyir no, ɔsee me dɛ: Hwɛ! Na mohwɛe, na muhun Nyankopɔn ne Ba no dɛ aorisian adasamba mu; na muhun dɛ dodowara etwa ahwe n’ananadze na wɔrosom no.
25 Na ɔbaa dɛ muhun dɛ adadze poma no a m’egya hunii no yɛ Nyame n’asɛm a ɔkɔbɔ bnkwa nsunyiwa no mu, anaaso n’ano pem nkwadua no a dɛm nsu no gyina hɔ ma Nyame no dɔ no; na muhunii so dɛ cnkwadua no gyina hɔ ma Nyame no dɔ.
26 Na sor ɔbɔfo no see me bio dɛ: Hwɛ na hu mbrɛ Nyankopɔn asi kotow!
27 Na mohwɛe na amuhun wiadze Pomfo no, nyia m’egya akã noho asɛm no; na afei so muhun bnkɔnhyɛnyi no a ɔrebɛba ebesiesie n’akwan no. Na Nyame Eguambaa no kɔree ma conumaa no; na onumaa no wiei no, muhun dɛ sor ebue, na Sunsum Krɔnkrɔn no fi sor ba besi no do wɔ debubur su do.
28 Na muhun dɛ ɔnam nyimpa no mu resom hɔn wɔ atum nye enyimnyam kɛse mu; na dɔm pii etwa no ho ehyia ritsie no; na muhun dɛ woeyi no edzi efi hɔn mu.
29 Na muhun afofor aduebien bi so a wodzi n’ekyir. Na ɔbaa dɛ Sunsum no bɛfaa hɔn fii m’enyido kɔree. Na mennhu hɔn bio.
30 Na ɔbaa dɛ sor ɔbɔfo no kasaa kyerɛɛ me bio, see dɛ: Hwɛ! na mohwɛe, na muhun dɛ sor ebue bio, na muhun sor aabɔfo dɛ worisian ba adasamba do; na wɔsoom hɔn.
31 Na ɔkasaa kyerɛɛ me bio dɛ: Hwɛ! Na mohwɛe na muhun Nyame Eguambaa no dɛ orisian adasamba mu. Na muhun dɔm pii a wɔyar, na hɔn a yarba ahorow, na ambɔnsam na besunsum fĩ rehaw hɔn; na sor ɔbɔfo no kasae na ɔdaa iyi nyinara edzi kyerɛɛ me. Na Nyame Eguambaa no tum no csaa hɔn yarba; na wotuu mbɔnsam na sunsum fĩ nyinara fii hɔn mu.
32 Na ɔbaa dɛ sor ɔbɔfo no kasaa kyerɛɛ me bio dɛ: Hwɛ! Na mohwɛe na muhun Nyame Eguambaa no, dɛ dɔm no akyer no; nyew, Nyame a ɔwɔ hɔ daapem ne Ba no, wiadze abuu no atsɛn; na muhunii na midzii ho dase.
33 Na emi, Nephi, muhun dɛ wɔama no do asɛn ambeamudua do na bwoeku no ama wiadze bɔn.
34 Na wokum no wiei no, muhun asaase no do dɔmtutuw dɛ wɔaboa hɔn ano dɛ wɔrokõ tsia Eguambaa n’asomafo no; na dɛm na Ewuradze no sor ɔbɔfo no dze frɛɛ duebien no.
35 Na asaase no do dɔmtutuw no boaboaa hɔn ano; na muhun dɛ wɔwɔ adan kɛse pontonn bi mu, tse dɛ dan no a m’egya hunii no Na Ewuradze no sor ɔbɔfo no kasaa kyerɛɛ me bio dɛ: Hwɛ wiadze na no mu nyansa nyinara; nyew, hwɛ Israel fifo aboaboa hɔn ano dɛ wɔrobɔkõ etsia Eguambaa n’asomafo duebien no.
36 Na ɔbaa dɛ muhunii na midzii ho dase dɛ dan kɛse pontonn no yɛ wiadze aahantan; na ɔhwee ase, na n’asehwe no yɛɛ kɛse. Na Ewuradze no sor ɔbɔfo no kasaa kyerɛɛ me bio dɛ: Dɛm na wɔbɛsɛɛ aman, ebusuafo nyina, kasa horow, na nyimpa a wɔbɔkõ etsia Eguambaa n’asomafo duebien no.