1 Na ɔbaa dɛ mekãa kyerɛɛ mo nuanom no dɛ: Hom mma yɛnsan nkɔ Jerusalem bio, na hom mma yenya ^agyedzi wɔ Ewuradze ne mbrasɛm no mu; na hwɛ ɔbɔ adze nyinara do, na ɔyɛ dɛn ntsi na no ho nnkɛyɛ ^bdzen asen Laban na n’eduonum no, nyew anaadɛ ne mpempem?

2 Dɛm ntsi, hom mma yɛnkɔ; hom mma yenya ^aahoɔdzen dɛ ^bMoses; na nokwar, ɔkasaa kyerɛɛ nsu a ɔwɔ ^cPo Memen no mu no ma no mu paa ebien, kor wɔ afã na kor so wɔ afã, na hɛn egyanom duaa mu, wɔ asaase kɛsɛɛ do, fii ndɔmmum mu, na Pharoah no nsordaafo no kãa hɔn do na Po Memen no mu nsu meem hɔn.

3 Afei hwɛ, hom nyim dɛ iyi yɛ nokwar; na hom nyim so dɛ ^aɔbɔfo akasa akyerɛ hom; ebɛn ntsi na hom begye kyim? Hom mma yɛnkɔ; Ewuradze botum agye hɛn dɛ mbrɛ ɔgyee hɛn egyanom no, na ɔasɛɛ Laban dɛ mbrɛ ɔdze yɛɛ Egyptfo no.

4 Mekãa dɛm nsɛm yi wiei no, hɔn bo fuwii na wɔkɔr do hwinhwinii, naaso wɔkãa mo do kodur dɛ yɛbaa Jerusalem afasu ekyir.

5 Nna adze asã; na memaa wosumaa afasu no ekyir. Na wosumaa hɔnho no, emi, Nephi, moweaweaa kɔr kurow kɛse no mu na misii mu dɛ morokɔ Laban ne fie.

6 Na Sunsum no ^agyaa me kɔr hɔ a nna ^bminnyim dza merekɛyɛ.

7 Naaso mokɔr m’enyim, na ber a mebɛɛn Laban ne fie no, muhun banyin bi dɛ ɔda famu wɔ m’enyim na ɔabow.

8 Na mokɔr ne nkyɛn no muhun dɛ Laban a.

9 Na muhun ne ^ankrantsee, na motwee fii no bɔha mu; na bea a wosuo mu no yɛ sika mapa, na no ho edwindze so yɛ fɛw, na muhun dɛ n’ano no dadze a ɔsom bo ara yie na wɔdze yɛe.

10 Na ɔbaa dɛ Sunsum no ^ahyɛɛ me dɛ munku Laban; mbom mekãa wɔ m’akoma mu dɛ: mennkãa nyimpa no bɔgyaa nnguu da. Na mepeem adze na mammpɛ dɛ muboku no.

11 Na Sunsum no kasaa kyerɛɛ me bio dɛ: Hwɛ ^aEwuradze eyi no ahyɛ wo nsa. Nyew, na mo so minyim dɛ ɔpɛɛ dɛ oyi mankasa mo nkwa fi hɔ; nyew, na oenntsie Ewuradze ne mbrasɛm; na ^bɔafa hɛn ahodze so.

12 Na ɔbaa dɛ Sunsum no kasaa kyerɛɛ me bio dɛ: Ku no, na Ewuradze eyi no ahyɛ wo nsa.

13 Hwɛ Ewuradze ^aku ^bomumuyɛnyi ama ne nhyehyɛɛ tsenenee aada edzi. ^cOye dɛ nyimpa kor bɛhera sen dɛ ɔman bɔwodow wɔ gyedzi mu na wɔahera.

14 Na afei, ber a emi, Nephi, metsee dɛm nsɛm yi no, mekaa nsɛm a Ewuradze kãa kyerɛɛ me wɔ sar no do, dɛ: ^aSusuampaara dɛ w’asefo bedzi me ^bmbrasɛm do no, wɔbɛyɛ ^cprɔmprɔm wɔ ^danohoba asaase no do.

15 Nyew, na mo so modween dɛ worunntum nndzi Ewuradze ne mbrasɛm do dɛ mbrɛ Moses ne mbra tse, gyedɛ wonya mbra no ana.

16 Na minyim so dɛ ^ambra no woekrukye no wɔ ayewa mprɛtse do.

17 Na bio, minyim dɛ Ewuradze eyi Laban ahyɛ me nsa wɔ dɛm kwan yi do—ama me nsa aakã kyerɛwsɛm no dɛ mbrɛ ne mbrasɛm tse.

18 Dɛm ntsi, mitsiee Sunsum no ne ndze, na musuoo Laban ne tsinhwi mu, na medze nankasa ne ^ankrantsee twaa ne tsir fii do.

19 Na aber a medze nankasa ne nkrantsee twaa ne tsir fii do wiei no, mefaa ne ntar no na mehyɛe; nyew, ne nyina mpo, na medze n’akodze no bɔɔ m’asen do.

20 Na meyɛɛ iyi ekyir no, mokɔr Laban ne sikakorabea hɔ. Na aber a morokɔ Laban ne sikakorabea hɔ no, hwɛ, mohun Laban ^an’akowaa a sikakorabea no ne saafee wɔ no hɔ no. Na medze Laban ne ndze hyɛɛ no dɛ ɔnye me nkɔ sikakorabea hɔ.

21 Na osusuu dɛ meyɛ no wura Laban, osiandɛ ohun n’atar na ne nkrantsee dɛ ɔbɔ m’asen do.

22 Na ɔkãa Jewfo mpanyimfo ho nsɛm kyerɛɛ me, nna onyim dɛ no wura, Laban, akɔ hɔn nkyɛn anafua no.

23 Na mekasaa kyerɛɛ no dɛ Laban ara pɛr.

24 Na mekãa so kyerɛɛ no dɛ medze kyerɛwsɛm a woekrukye no wɔ ^aayewa mprɛtse do no rekɛma mo nuanom mpanyimfo no a wɔwɔ afasu no ekyir no.

25 Na mesee no so dɛ ɔnka mo do.

26 Na ɔno, osusuu dɛ merekã enuanom no a wɔwɔ asɔr no mu no ho nsɛm, na dɛ ampaara dɛ meyɛ dɛm Laban a mekum no no, dɛm ntsi ɔkãa mo do.

27 Na ɔkãa Jewfo mpanyimfo no ho nsɛm pii kyerɛɛ me wɔ ber a morokɔ mo nuanom no nkyɛn wɔ afasu no ekyir no.

28 Na ɔbaa dɛ Laman hun me no n’akoma tuu kɛsenara, Lemuel na Sam so dɛmara. Na woguanee fii m’enyim kɔree; osiandɛ wosusũu dɛ ɔyɛ Laban, na dɛ woeku me na ɔrohwehwɛ hɔn so eyi hɔn nkwa efi hɔ.

29 Na ɔbaa dɛm no, mefrɛɛ hɔn na wɔtsee me ndze; no wogyaa dɛ woruguan efi m’enyim.

30 Na ɔbaa dɛ aber a Laban n’akowaa no hun mo nuanom no, no ho hyɛɛ ase dɛ ɔropopo, na ɔhyɛɛ ase dɛ oruguan efi m’enyim asan n’ekyir akɔ Jerusalem kurow kɛse no mu.

31 Na afei, emi, Nephi, meyɛ nyimpa a mo sõ, na menya Ewuradze hɔ ^aahoɔdzen kɛse so, dɛm ntsi musuoo Laban n’akowaa no mu, na medze no gyinaa hɔ, amma oennguan.

32 Na ɔbaa dɛ menye no kasaa, dɛ, sɛ otsie me nsɛm a, dɛ Ewuradze tse ase yi, na mo so metse ase yi, dɛmara so na sɛ otsie hɛn nsɛm a, yɛdze no nkwa bɛkyɛ no.

33 Na mekasaa kyerɛɛ no, na midzii ^ansew mpo dɛ mma onnsuro; na sɛ ɔnye hɛn bɔkɔ sar no do a obenya ahotɔ dɛ hɛnara so.

34 Na mekasaa kyerɛɛ no bio dɛ: Nokwar, Ewuradze na ^aɔhyɛɛ hɛn dɛ yɛnyɛ dɛm; ana ɔnnsɛ dɛ yedzi Ewuradze ne mbrasɛm do? Dɛm ntsi, sɛ ebɔkɔ m’egya nkyɛn wɔ sar no do a, ɔno ibenya tsenabew wɔ hɛn nkyɛn.

35 Na ɔbaa dɛ ^aZoram nyaa akokodur wɔ nsɛm a mekãa no ho. Zoram nye akowa no ne dzin; na ɔbɔɔ anohoba dɛ ɔbɔkɔ sar no do wɔ m’egya nkyɛn. Na odzii nsew so dɛ ɔnye hɛn bɛtsena, fitsi dɛm da no dze kɔ nyinara.

36 Na yɛpɛɛ dɛ ɔnye hɛn tsena wɔ dɛm saintsir yi ho ntsi amma Jewfo no ennhu dɛ yeguan kɔ sar no do, ɔno bɛyɛ na woetsiw hɛn na wɔabɛsɛɛ hɛn.

37 Na ɔbaa dɛ Zoram dzii ^ansew kyerɛɛ hɛn wiei no, hɛn suro wɔ noho bɔɔ adze.

38 Na ɔbaa dɛ yɛfaa ayewa mprɛtse no na Laban n’akowaa no, na yesii mu kɔr sar no do, na yetuu kwan kɔr hɛn egya ne ntamadan no mu.