8. Selūsalema

Hanga fakatokelau. ʻOku ʻi he lotomālie ʻo e taá ha fale tapu ʻo e kau Mosilemí ʻoku fuopotopoto pea ʻato koula, pea ʻoku ui ia ko e Dome of the Rock. Naʻe lotu ʻa e kakai Siú ʻi ha ngaahi temipale ʻa ia naʻe tuʻu ʻi feituʻu ko ʻení. Naʻe hanga ʻe he ngaahi ʻā ofi ki he Dome of the Rock ʻo ʻaaʻi ʻa e kolo motuʻa ʻo Selūsalemá. ʻOku ʻi he toʻomataʻú ʻa e Teleʻa ʻo Kitiloní. ʻOku ʻi he tafaʻaki ki toʻomataʻu ʻaupitó ʻa e Moʻunga ʻo e ʻŌlivé. ʻOku pehē naʻe tuʻu ki he tokelau ʻo e Dome of the Rock ʻa Kolokota pe ko Kalevale.

Ngaahi Meʻa Mahuʻinga naʻe Hoko aí: Naʻe ui ʻa Selūsalema ko Sēlemi ʻi muʻa (Same 76:2). Naʻe totongi ʻe ʻĒpalahame ʻene ngaahi vahehongofulú kia Melekisēteki (Sēnesi 14:18–20). Naʻe haʻu ʻa ʻĒpalahame ke feilaulau ʻaki ʻa ʻAisake (Sēnesi 22:2–14). Naʻe kapa ʻe he Tuʻi ko Tēvitá ʻa Selūsalema mei he kakai Sēpusí (2 Sam. 5:4–9). Naʻe langa ʻe he Tuʻi ko Solomoné ha temipale (1 Ng. Tuʻi 6–7). Naʻe ʻalu atu mei ai ʻa Līhai ki ha fonua ʻo e talaʻofá (1 Nīfai 1:4; 2). Naʻe ngāue ai, mo fai ʻa e fakalelei ki he angahalá pea toe tuʻu ai ʻa e Fakamoʻuí (Mātiu 21–28). Naʻe fakaʻauha ʻa Selūsalema ʻi he hili ha taimi siʻi mei he pekia ʻa e Fakamoʻuí ʻo hangē ko ʻEne kikité (SS—M 1:3–20). ʻE toe kapa ʻa Selūsalema ʻi he ngaahi ʻaho fakaʻosí (ʻIsikeli 38–39; Sioeli 2–3; Fakahā 11; 16). ʻE hā mai heni ʻa e Fakamoʻuí ki muʻa ʻi he Hāʻele ʻAnga Uá (Sāk. 12–14; T&F 45:48–53). (Vakai ki he Fakahinohino ki he Ngaahi Folofolá, “Selūsalema,” “Sēlemi.”)