12. Ngoue ko Ketisemaní
Naʻe fai ʻa e tā ʻo e fuʻu ʻōlive motuʻa ko ʻení ʻi he fetuʻu naʻe tuʻu ai ʻa e Ngoue ko Ketisemaní. Naʻe lotu ʻa e Fakamoʻuí ʻi ha feituʻu ofi mai ki heni hili ʻene ʻalu atu mei he loki ʻi ʻolungá ʻi he pō naʻe lavakiʻi ai iá.
Ngaahi Meʻa Mahuʻinga naʻe Hoko aí: Naʻe kamata heni ʻa e mamahiʻia ʻa Sīsū Kalaisi koeʻuhi ko e ngaahi angahala ʻa e faʻahinga ʻo e tangatá (Mātiu 26:36–44; Maʻake 14:32–41; T&F 19:16–19). Naʻe lavakiʻi ia ʻe Siutasi ʻIsikāliote ʻi he hili ʻEne lotú, pea naʻe liʻaki ia ʻe heʻene kau ākongá ʻi ha kiʻi vahaʻataimi siʻi hili hono puke ia ʻi he ngoué (Maʻake 14:50). (Vakai ki he Fakahinohino ki he Ngaahi Folofolá, “Ketisemani.”)
12. Ngoue ko Ketisemaní Mahalo naʻe tupu ʻa e ngaahi fuʻu ʻōlive ko ʻení mei he ngaahi fuʻu ʻōlive ko ia ʻi he ngoué ʻi he potu naʻe lotu ai ʻa e Fakamoʻuí pea tautaʻa ko e taʻataʻa ʻi heʻene kamata ʻa e Fakaleleí.