E aha te ’ohipa tā’u e rave mai te mea, tei roto vau i te ’aravī ’e ’aore rā te mana’o ’ōnohi ?

Te mau rēni tauturu taime fifi

Mai te mea tē mana’o nei ’oe i te hāmani ’ino ia ’oe iho, ’a pi’i ’oi’oi i te tauturu. ’A niuniu atu i te tahi pū tauturu rū ’e ’aore rā, i te tahi atu rēni tauturu taime fifi i tō ’outou fenua.

E nehenehe te tahi mau rēni tauturu taime fifi e ’itehia i ni’a i te « Tei roto i te fifi ? Paraparau i teienei »(ChurchofJesusChrist.org).

E mea pāpū te mau mana’o ’aravī, ’e, e riro te reira ’ei mea teimaha mau ’e te ha’aparuparu. Mai te mea ē, tē tupu ra tō ’oe mana’o ’aravī ’e ’aore rā te mau mana’o hāmani ’ino ia ’oe iho, e paraparau atu i te tahi ta’ata ’o tā ’oe e ti’aturi pāpū ra. Mai te mea, tei te Fenua Marite ’oe, ’a niuniu atu i te National Suicide prevention Lifeline. ’A hi’o i te mau rāve’a tauturu a te ’Ēkālesia i ni’a i te ’ōnohira’a, mai te mau mana’o ’ōnohi, in Life Help and Self-Reliance i ni’a ia ChurchofJesusChrist.org ’aore ra i roto i te fa’anahora’a afa’ifa’i nō te vaira’a buka. E nehenehe ato’a te mau fa’aa’o ’aravihi ’e te mau utuutura’a e tauturu mai.

Te ’aravī ’e te ’ōnohi

Tē fa’a’ite ra te mau pū mā’imira’a ē, mai te mea e tupu noa atu tō ’oe mau mana’o mai te ta’ata hi’o ’ē i tōna ’āpeni, e riro paha ’oe i te tāfifi rahi roa i te ’aravī ’e ’aore rā te ’ōnohi. Mai te mea, e ’aravī ’oe ’e ’aore rā e hi’o tūtonu i te ’ōnohi, ’a ’imi i te tauturu i te hō’ē taote ’aravihi i te pae o te ea nō te ferurira’a.D ’e te tahi atu mau rave’a tauturu e nehenehe e itehia i roto i te tuha’a ’ōnohi o te Tauturura’a i te orara’a’e te fa’arava’ira’a iāna iho i ni’a i Te parau ha’api’ira’a ’e te mau parau tumu ’aore rā i roto i te fa’anahora’a vaira’a buka ’evanelia.ChurchofJesusChrist.org

I roto i te ’āmuira’a rahi nō ’Ātopa 2019, ’ua fa’a’ite mai te tuahine Reyna I. Aburto i te ’ohipa i tupu i roto i tōna iho orara’a, te fa’aūra’a ’oia i te mauiui nō te ’aravī ’e te ’ōnohi. ’Ua fa’ata’a mai ’oia ē, « e nehenehe te ’aravī, te ahoaho ’e te tahi atu ā mau fifi o te roro ’e o te manava, e fa’ahuru ’ē i tō tātou hīro’a i te hi’ora’a ia tātou iho, ia vetahi ē, ’e tae roa i te Atua…

« Mai te mau melo tāta’itahi o te tino nei, e ro’ohia te roro i te mau ma’i, te ahoaho ’e te ’aifāito-’ore-ra’a o tō te reira mau tao’a himio.

« ’Ia au i te tahi mau hi’ora’a, e ’itehia te tumu o te ’aravī ’e te ahoaho, i te tahi atu rā mau taime, e ’ere i te mea ’ohie… E tītauhia te arata’ira’a a te feiā ’aravihi nō te rapa’āura’a e te rā’aura’a.

« Te mau ma’i ’aravī ’e te mau ma’i manava, e riro ïa te reira ’ei ’ati rahi, ’e e rahi roa atu te mo’emo’era’a, te hāro’aro’a ’ore, te mutura’a te autaea’era’a, te tū’inora’a iāna iho, ’e tae roa atu i te ’ōnohi…

« Te fifi rā, e rave rahi ta’ata e māuiui nei i te ’aravī ’ū’ana, e fa’aātea rātou ia rātou i tō rātou mau hoa o te ’ēkālesia nei nō te mea, tē mana’o ra rātou ē, ’aita roa atu rātou e tuea i te hō’ē hōho’a tā rātou e mana’o nei. E nehenehe ia tātou e tauturu ia rātou ’ia ’ite ’e ’ia mana’o ē, tē vai mau nei tō rātou tā’āmura’a ia tātou nei. E mea faufa’a roa ’ia ’ite ē, e ’ere te ’aravī i te tāpa’o nō te paruparu, e ’ere ato’a i te tāpa’o nō te hara. E ‘’ū’ana [te reira] i roto i te pōuri terā rā e mōrohi ïa i roto i te here’ [Jane Clayson Johnson, Silent Souls Weeping (2018),197] » (« I roto i te ata ’e te mahana, e pārahi te Fatu i pīha’i iho iā’u ! », Liahona, Novema 2019, 57–58).

Ti’aturi i te Atua

’Ua paraparau ’o Elder Jeffrey R. Holland nā roto i te aumihi nō ni’a i te feiā ’o e tauto’o nei i roto i te ’aravi : « Noa atu ā tō ’outou mau fifi, tō’u mau taea’e ’e mau tuahine—i te ferurira’a ānei ’e ’aore rā i te manava ’e ’aore rā i te tino ’e ’aore rā i te tahi atu huru fifi—’eiaha e ma’iti ’ia pāto’i i te faufa’a rahi o te orara’a nā roto i te fa’ahopera’a i te reira ! ’A ti’aturi i te Atua. ’A tāpe’a tāmau i tōna here. ’Ia ’ite ’outou ē, tē vai ra te mahana e hiti mai te po’ipo’i ’ana’ana, ’e e ma’ue ’ē atu te mau ata rumaruma o te tāhuti nei » (« Mai te ’āu’a i parari ra », Liahona, Novema 2013, 42).