Tē vai ra ānei tō’u tā’amura’a ’ei melo nō te ’Ēkālesia ?

’Oia. Tītauhia ’oe e te mau melo o te ’Ēkālesia ’e ’ua hina’aro rātou ia ’oe. Mai te mea, tē parau nei ’oe ia ’oe ’ei ta’ata hi’o ’ē i tōna ’āpeni, ’ua ’ite mātou ē, tē fa’aruru nei ’oe i te mau tāmatara’a rau ato’a. ’Ua riro ’oe ’e tō ’oe ’utuāfare, tō ’oe mau hoa ’ei feiā tei fāna’o ato’a i te here o te Mesia mai te tahi ’o te mau tamari’i ’a te Atua, ’e e mea ti’a ’ia ravehia ’outou nā roto i te aupuru, te hāmani maita’i ’e te aroha.

’Ua riro te ’Ēkālesia nō « te fa’aau i te feiā mo’a » (Ephesia 4:12). ’Aore te mau melo i hope i te maita’i roa, tē tūtava nei rā rātou ’ia riro mai te Fa’aora ra te huru.

’Aore te feiā e ha’a’ati nei ia ’oe e maita’i roa atu ā nō te fa’a’ite i tō rātou here, te aroha, ’e ’aore rā te aupuru. I roto i teie nei ao i teie mahana, e mea ’ōhie te ’ino’ino ’ia tupu ’e ’ia fa’aino atu. E riro te mau tāmatara’a rahi i te fa’atupu i te mana’o pāruru ’ore i mua i te mau fa’ainora’a mana’o-’ore-hia, nō te hapera’a ānei te parau ’aore rā te hō’ē mana’o tano ’ore. Tātou te mau melo o te ’Ēkālesia, tē ha’api’i pā’āto’a nei tātou ’e tē tupu nei.