Pagpakigbahin sa mga Kamatuoran sa Ebanghelyo uban sa Gugma ug Kadali nga Mobati

Ipatin-aw

Hunahunaa ang pagpakigbahin sa mosunod nga pamahayag ni Presidente M. Russell Ballard:

Dili kita kinahanglan mangayo og pasaylo alang sa atong mga pagtuo o mosibog sa atong nahibaloan nga tinuod. Apan kita makapakigbahin niini diha sa espiritu sa mahigugmaong pagsabot. (M. Russell Ballard, “How Is It with Us?,” Liahona, May 2000, 33)

I-apud-apod ang mosunod nga handout, ug basaha ang naggiya nga mga baroganan alang sa pagpakigbahin sa mga kamatuoran sa ebanghelyo uban sa gugma ug pagkadali nga mobati.

Pagpakigbahin sa mga Kamatuoran sa Ebanghelyo uban sa Gugma ug Kadali nga Mobati

Itudlo ang kamatuoran uban sa gugma. Bisan tuod kita dili kinahanglan nga mangayo og pasaylo o mobati og pagkadili komportable sa pagpakigbahin sa atong mga pagtuo, sa atong tinguha nga maisog kita usahay mahimong makigsulti sa dili mahigugmaong mga paagi. Mahimo ikaw nga mag-ampo alang sa tabang sa pagsulti sa imong gugma alang sa uban samtang nakigbahin sa mga kamatuoran sa ebanghelyo. Makapangutana ka sa imong kaugalingon, Unsaon ko sa pagpakigbahin niini nga kamatuoran uban ang pagkamaloloy-on ug gugma?

Paminaw aron makasabot. Sa mahunahunaong paagi tinguhaa ang pagsabot sa mga kahimtang, mga panghunahuna ug mga panlantaw sa uban. Ilha nga sila mahimong motan-aw sa usa ka pagtulon-an sa ebanghelyo, pangutana, o isyu pinaagi sa ilang mga kasinatian nga lahi gikan sa inyong kaugalingon. Mahimong pangutan-on nimo ang imong kaugalingon, Unsay akong nahibaloan mahitungod niini nga tawo nga makaimpluwensiya kon sa unsang paagi ako makigbahin niini nga kamatuoran?

Pagpaubos ug pagmatinahuron. Ilha ug dawata ang mga limitasyon sa imong kaugalingong pagsabot. Hunahunaa unsay napadayag sa Dios ug unsay wala. Tugoti ang nagkalainlaing mga paagi sa paggamit sa tinuod nga mga baroganan. Pagpakita og pagtahod alang sa uban kinsa adunay laing kapilian nga mga pagtuo ug mga panghunahuna. Hunahunaa ang pagpangutana sa imong kaugalingon, Unsaon ko nga mahimong matinahuron sa uban kinsa adunay laing kapilian nga mga panan-aw ug mga paagi sa paghunahuna mahitungod niini nga kamatuoran sa ebanghelyo?

Modelo

Hunahunaa ang paggamit sa mosunod nga ehemplo o usa nga imong kaugalingon sa pagmodelo niini nga kahanas.

Ipasabot nga usa ka kamatuoran nga atong makat-onan gikan sa Doktrina ug mga Pakigsaad 21:4–5 mao nga ang Ginoo nagsugo kanato sa pagdawat sa mga pulong sa mga propeta sa pailob ug hugot nga pagtuo. I-modelo kon unsaon sa pagpakigbahin niini nga kamatuoran uban sa gugma ug pagkadali nga mobati diha sa mosunod nga talan-awon: Imong mamatikdan nga usa ka igsoon kinsa sa makausa namulong mahitungod sa propeta sa matinud-anong paagi karon namulong nga masinawayon kaniya ug pipila sa iyang mga pagtulon-an.

Pagpakigbahin og mga kamatuoran sa ebanghelyo nga kulang sa gugma ug pagkadali nga mobati	Mga pangutana nga hunahunaon	Pagpakigbahin sa mga kamatuoran sa ebanghelyo uban sa gugma ug pagkadali nga mobati
Pagpakigbahin og mga kamatuoran sa ebanghelyo nga kulang sa gugma ug pagkadali nga mobati “Ikaw wala magsunod sa sugo sa Ginoo sa pagdawat sa mga pulong sa propeta diha sa tanang pailob ug hugot nga pagtuo.”	Mga pangutana nga hunahunaon Unsaon ko sa pagpakigbahin kini nga kamatuoran uban sa pagkamaloloy-on ug gugma?	Pagpakigbahin sa mga kamatuoran sa ebanghelyo uban sa gugma ug pagkadali nga mobati “Naghunahuna ako karong buntag mahitungod sa usa ka butang nga atong giistoryahan sa miaging adlaw. Mahimo bang makigbahin ako kaninyo og kasinatian nga ako aduna nga mitudlo kanako sa importansya sa pagsunod sa propeta diha sa pailob ug hugot nga pagtuo?”
Pagpakigbahin og mga kamatuoran sa ebanghelyo nga kulang sa gugma ug pagkadali nga mobati “Ang pagsunod sa propeta diha sa pailob ug hugot nga pagtuo nagpasabot nga ikaw dili manaway kaniya o sa iyang mga pagtulon-an.”	Mga pangutana nga hunahunaon Unsa ang akong nahibaloan mahitungod niini nga tawo nga makaimpluwensiya kon unsaon nako sa pagpakigbahin kini nga kamatuoran? Unsaon nako nga mahimong matinahuron sa uban kinsa adunay laing kapilian nga panan-aw ug mga paagi sa paghunahuna mahitungod niini nga mga kamatuoran sa ebanghelyo?	Pagpakigbahin sa mga kamatuoran sa ebanghelyo uban sa gugma ug pagkadali nga mobati “Kita dihay daghang mga panag-istoryahanay sa milabay nga panahon diin ikaw nakapahayag sa imong gugma ug pasalamat alang sa propeta. Bag-ohay akong namatikdan nga ikaw ingon og mas masinawayon kaniya ug sa pipila sa iyang mga pagtulon-an. Matabangan ba ko nimo sa pagpasabot kon unsa ang nausab?”

Pagpraktis

Pagpalambo og talan-awon pinasikad sa usa ka eskriptuhanong kamatuoran gikan sa mga panaghisgotan sa klase niini nga semana, o gamit og usa sa mga ehemplo nga gihatag sa ubos. Ang mga estudyante makagamit sa naggiya nga mga baroganan gikan sa handout sa paghisgot o pag-drama-drama [role play] diha sa gagmay nga mga grupo kon unsaon nila nga makapakigbahin og usa ka kamatuoran sa ebanghelyo uban sa gugma ug pagkadali nga mobati.

Dugang nga mga tudling alang sa pagpraktis niini nga kahanas:

• Kamatuoran: Tungod kay ang Dios nahigugma sa tanang katawhan, tanan nga Siya naghimo alang sa ilang kinataposang kaayohan (tan-awa sa 2 Nephi 26:24).

  • Talan-awon: Usa ka kauban sa trabaho kinsa bag-ohay may trahedya sa pamilya nagduda sa gugma sa Dios ug gani tingali sa Iyang pagkaanaa.

• Kamatuoran: Kaminyoon tali sa usa ka lalaki ug sa usa ka babaye gi-orden sa Dios (tan-awa sa Genesis 2:18–24; 1 Mga Taga-Corinto 11:11; Doktrina ug mga Pakigsaad 49:15–17).

  • Talan-awon: Usa ka silingan, kinsa giila isip nagbinabaye, nangutana kanimo kon ngano ang imong simbahan nagtudlo nga ang kaminyoon kinahanglan lamang tali sa usa ka lalaki ug sa usa ka babaye.

• Kamatuoran: Ang Simbahan ni Jesukristo sa mga Santos sa Ulahing mga Adlaw mao lamang ang tinuod ug buhi nga simbahan dinhi sa yuta (tan-awa sa Doktrina ug mga Pakigsaad 1:30).

  • Talan-awon: Usa ka higala, kinsa aktibo kaayo sa laing simbahan, nagbutang sa mosunod nga pangutana sa social media: “Ngano nga ang mga Mormon nag-ingon nga ang ilang simbahan mao lamang ang tinuod?”

Pagdapit ug Pag-follow Up

Dapita ang mga estudyante sa pagpakigbahin sa mga kamatuoran sa ebanghelyo uban sa gugma ug pagkadali nga mobati diha sa ilang pakig-istoryahanay ngadto sa uban. Hinumdomi ang pag-follow up sa umaabot nga mga semana pinaagi sa pagdapit sa mga estudyante sa pagpakigbahin sa ilang mga kasinatian diha sa klase. Mahimo nimong pangutan-on ang mga estudyante kon unsay maayon nga nahitao ug unsa ang malisod. Pangita og mga oportunidad sa pagpadayon sa pagpraktis niini nga kahanas diha sa klase.