Pagpakaisog apan Dili Mapalabilabihon

Ipatin-aw

Itudlo ngadto sa mga estudyante nga si Apostol Pablo mitudlo uban sa kaisog, lig-on nga pagtuo, ug walay kahadlok, nagpahayag, “Wala ko ikaulaw ang maayong balita ni Kristo” (Mga Taga-Roma 1:16). Bisan pa niana, si Alma mitambag sa iyang anak nga lalaki nga si Shiblon nga “gamita ang imong kaisog, apan dili ang pagpalabi-labi” (Alma 38:12). Ang pagsunod sa ehemplo ni Jesukristo ug ang mga pag-aghat sa Espiritu Santo makatabang kanato nga mahimo sa angay nga paagi maisugon nga dili mapalabilabihon.

Ipakita ug basaha og kusog ang mosunod nga mga pasidaan:

• Kita manobra sa pag-angkon kon kita mamugos og kahibalo nga lapas sa unsay gipadayag sa Ginoo pinaagi sa karaan ug bag-ong mga propeta. Sa samang paagi, kinahanglan dili kita mopahayag sa atong mga opinyon ingon og kini mga tinuod o doktrina. Kita kulang sa pag-angkon kon kita nagpresentar sa sukaranang mga kamatuoran sa ebanghelyo sa paagi nga dili tino, dili siguro, o dili klaro. Kinahanglan nga kita andam sa pagbarog alang sa unsay atong nahibaloan nga tinuod.

• Kita mahimong mapugsanon kon kita mopahayag sa atong mga opinyon ingon og kini dili malalis nga mga kamatuoran ug kon kita dili masinabtanon sa pagkadaghan og kahulogan nga walay klaro nga mga tubag. Kita mahinadlokon kon mapakyas kita sa pagbarog alang sa unsay atong nahibaloan nga tinuod.

• Kon kita walay nahibaloan nga tubag ngadto sa usa ka pangutana, ang labing maayo nga tubag mao ang yano nga “Wala ako kahibalo” o “Maayong pangutana, magkat-on pa kita og dungan mahitungod niana.”

Modelo

Sa pagmodelo niini nga kahanas, hunahunaa ang paggamit sa usa sa mosunod nga mga ehemplo o usa nga imong kaugalingon. Rebyoha ang unang duha ka kolum diha sa mosunod nga tsart uban sa mga estudyante sa pagtabang kanila nga makakita sa mga problema sa nanobra sa pag-angkon, o kulang sa pag-angkon. Dayon gamita ang “Pag-usab” nga kolum aron sa pagpakita kon sa unsang paagi nga mahimo natong usbon ang pagpahayag sa problema nga mahimong maisugon apan dili mapalabilabihon.

Eskriptuhanong Pagtudlo	Pagpahayag sa Problema	Pag-usab [Reframe]
Eskriptuhanong Pagtudlo Ang mga propeta nagsulti ug nagtudlo sa mga pulong nga gihatag sa Ginoo kanila (tan-awa sa Jeremias 1:7–9; Doktrina ug mga Pakigsaad 21:4–5).	Pagpahayag sa Problema “Ang mga lider sa Simbahan adunay balaan nga awtoridad, ug bisan unsa ang ilang gisulti mao ang opisyal nga doktrina sa Simbahan.” (Ang ulahi nga bahin niini nga pamahayag mao ang usa ka ehemplo sa pagkamahimong mapugsanon ug sa nanobra sa pag-angkon. Kon kita manobra sa pag-angkon, makamugna kita og sa hunahuna lamang nga mga gipaabot alang sa atong mga kaugalingon ug sa uban.)	Pag-usab [Reframe] Ang mga lider sa Simbahan adunay balaan nga awtoridad, ug kon sila mamulong ubos sa impluwensiya sa Espiritu Santo, kita makahibalo sa hunahuna ug kabubut-on sa Ginoo (tan-awa sa Doktrina ug mga Pakigsaad 68:3–4; 2 Pedro 1:21). Hinoon, dili tanang butang nga gisulti sa nangagi o sa bag-ong mga lider sa Simbahan makonsiderar nga “opisyal nga doktrina” alang sa Simbahan. Ang atong doktrina dili makaplagan diha sa dili masabtan o nag-inusara nga pamahayag. Hinoon, ang doktrina sa Simbahan gitudlo kasagaran ug sa tanang sakop sa Unang Kapangulohan ug sa Korum sa Napulog Duha ka Apostoles (tan-awa sa “How can I Know If Something I Hear is ‘Official Doctrine’?,” New Era, Feb. 2017, 41).
Eskriptuhanong Pagtudlo Kadto kinsa nagtuon sa Basahon ni Mormon ug nag-ampo makadawat og usa ka saksi gikan sa Espiritu Santo nga kini tinuod (tan-awa sa Moroni 10:3–5).	Pagpahayag sa Problema “Ako nagtuo nga ang Basahon ni Mormon tinuod. Kini adunay pipila ka maayo nga mga pagtulon-an, apan ang tanan adunay ilang kaugalingong mga kamatuoran. Busa ako dili mosulti nga kini mas bililhon kay sa bisan hain nga ubang basahon nga kamo makabasa.” (Kini nga pamahayag nagkulang sa mga pag-angkon sa kaimportante ug sa gahom sa Basahon ni Mormon. Kini nagpresentar sa Basahon ni Mormon sa walay kaisog nga paagi.)	Pag-usab [Reframe] Ang Basahon ni Mormon mao ang pulong sa Dios. Uban sa Biblia, kini usa ka gamhanang saksi ni Jesukristo ug nagtudlo sa mahangturong mga kamatuoran nga makapausab sa mga kinabuhi. Bisan kinsa makaabot sa kahibalo niining mga butanga alang sa ilang mga kaugalingon agi sa Espiritu Santo pinaagi sa pagtuon sa basahon ug sa pagpangutana sa Dios kon kini ba tinuod.

Pagpraktis

Pagpili ug usa ka tudling sa pagpraktis gikan sa pagbasa sa kasulatan niini nga semana, o pagpili gikan sa mga tudling nga gilista sa ubos. Dapita ang mga estudyante sa pagtuon sa tudling ug sa paghunahuna mahitungod kon unsaon kaha nila sa paggamit niini sa pagtudlo sa usa ka tawo sa Kristohanong paagi nga maisugon apan dili mapalabilabihon. Mahimong makigbahin ang mga estudyante kon unsaon nga makatudlo sila sa mga kamatuoran niini nga mga tudling sa maisugong paagi apan sa dili mapalabilabihong paagi.

Dugang nga mga tudling alang sa pagpraktis:

• Isaias 5:20. Dapita ang mga estudyante sa pagpraktis naggamit niini nga bersikulo sa pagtubag ngadto sa usa ka tawo kinsa nakiglalis nga ang pagtan-aw og pornograpiya naandan ug nabatasan.

• 1 MgaTaga-Corinto 11:11. Dapita ang mga estudyante sa pagpraktis naggamit niini nga bersikulo sa pagtudlo nga ang kaminyoon tali sa usa ka lalaki ug sa usa ka babaye usa ka sugo gikan sa Dios.

• 1 Nephi 13:26–29. Dapita ang mga estudyante sa pagpraktis sa paggamit niini nga mga bersikulo sa pagtudlo sa yano ug bililhon nga mga kamatuoran nga gikuha gikan sa Biblia atol sa Dakong Apostasiya (Pagbiya sa Kamatuoran).

• Doktrina ug mga Pakigsaad 1:30. Dapita ang mga estudyante sa pagpraktis og tudlo nga Ang Simbahan ni Jesukristo sa mga Santos sa Ulahing mga Adlaw “mao lamang ang tinuod ug buhi nga simbahan diha sa ibabaw sa tibuok yuta.”

Pagdapit ug Pag-follow Up

Awhaga ang mga estudyante nga magmaisog apan dili mapalabilabihon sa paagi nga sila makigbahin sa mga kamatuoran sa ebanghelyo. Hinumdomi ang pag-follow up sa mga estudyante sa umaabot nga mga klase pinaagi sa pagdapit kanila sa pagpakigbahin og mga kasinatian nga sila aduna sa pagtudlo sa mga kamatuoran sa ebanghelyo sa maisugong paagi apan dili mapalabilabihon. Mahimo nimong dapiton ang mga estudyante sa pagpakigbahin sa bisan unsa nga mga hagit nga ilang nasinati usab. Pangita og mga paagi sa pagpadayon sa pagpraktis niini nga kahanas diha sa klase.