Pagsupak nga dili Mahimong Masinupakon

Ipatin-aw

Ipakita ug ipakigbahin ang mosunod nga pamahayag ni Elder Quentin L. Cook:

Kadaghanan niini nga kalibotan mahadlokon ug masuk-anon sa usag usa. Samtang nakasabot kita niini nga mga pagbati, kita kinahanglang magbaton og pamatasan sa atong pakigsulti ug matinahoron sa atong mga pakig-uban. Tinuod kini ilabi na kon dili kita magkauyonay. Ang Manluluwas nagtudlo kanato sa paghigugma bisan sa atong mga kaaway. … Akong dapiton ang matag usa kanato, sa indibidwal nga paagi sa pagkaila nga ang atong pagsupak maoy usa ka tinuod nga sukdanan kon kinsa kita ug kon tinuod ba kitang mosunod sa Manluluwas. Mahimo ra nga dili mouyon, apan dili maayo nga dili ka kauyonan. … Kon kita magpakita og gugma ug pagtahod bisan sa mga malisod nga kahimtang, nahimo kitang mas labaw ka sama ni Kristo. (Quentin L. Cook, “Kita Nagsunod ni Jesukristo,” Liahona, Mayo 2010, 84–85)

Ipasabot nga usa ka paagi nga kita makasupak nga dili mahimong masinupakon mao ang paghatag og mga tubag sa paagi nga nag-awhag og maayong pamatasan kay sa panagbingkil.

Modelo

Ipakita ang mosunod nga tsart, ug hisgoti isip usa ka klase ang mga kalainan tali sa mga pamahayag diha sa duha ka kolum.

Mga Tubag nga Nagdapit og Panagbingkil	Mga Tubag nga Nagdapit og Maayong Pamatasan
Mga Tubag nga Nagdapit og Panagbingkil Ako mosupak kanimo tungod kay ikaw yano lamang nga sayop.	Mga Tubag nga Nagdapit og Maayong Pamatasan Salamat sa pagpakigbahin sa imong mga hunahuna. Samtang managlahi kita sa atong mga pagtuo, mapasalamaton ako nga kitang duha mibati nga komportable sa pagpakigbahin …
Mga Tubag nga Nagdapit og Panagbingkil Ikaw ignorante. Wala ikaw kahibalo kon unsa mahitungod ang imong gisulti.	Mga Tubag nga Nagdapit og Maayong Pamatasan Makatabang ba ikaw kanako nga mas makasabot og maayo kon unsay imong hunahuna mahitungod sa …?
Mga Tubag nga Nagdapit og Panagbingkil Ako masaligon nga ako nagbaton sa kamatuoran ug nga unsay akong gituohan husto.	Mga Tubag nga Nagdapit og Maayong Pamatasan Ako nagtahod sa imong mga pagtuo ug nakakita kon unsa ka importante kini nganha kanimo. Tugoti ako nga makigbahin kon ngano ang akong mga pagtuo mga importante ngari kanako.
Mga Tubag nga Nagdapit og Panagbingkil Ikaw usa ka tawo nga dili modawat og ubang mga ideya [bigot].	Mga Tubag nga Nagdapit og Maayong Pamatasan Dili ako komportable sa unsay bag-o lamang nimo nga gisulti. Husto ba ang akong pagsabot nga kini mao ang unsay imong gipasabot, nga … ?

Pagpraktis

Dapita ang mga estudyante sa pagbuhat uban sa usa ka pares ug sa pagpraktis nga magpuli-puli sa paghimo og matinahuron nga mga tubag ngadto sa mosunod nga mga talan-awon:

1. Si Alfonso nagsakay sa eroplano nga nagbasa sa Basahon ni Mormon. Ang tawo nga iyang tupad nangutana kon unsa ang iyang gibasa. Sa dihang si Alfonso nagsulti kaniya mahitungod sa Basahon ni Mormon, nag-ingon siya, “Akong nadunggan nga kana nga basahon pulos tumotumo. Kini labing maayo nga mopabilin lamang sa Biblia.” Si Alfonso mitubag, …

2. Ang klase ni Julie sa institute naghisgot mahitungod sa mga tahas sa mga lalaki ug mga babaye. Usa ka batan-on nga lalaki, ginganlan og Logan, namahayag gamit ang kusog ug dili matinahuron nga tono, “Tungod kay ang lalaki ang naghupot sa pagkapari, siya ang may kataposang pulong kon unsay mahitabo sa iyang panimalay.” Gibati ni Julie ang komentaryo ni Logan nga may pagdapig og sekso ug makapalagot. Iyang gipataas ang iyang kamot ug miingon, …

3. Ang kauban ni Marda sa kwarto nanghinaway sa mga sumbanan sa Simbahan. Nakita ni Marda sa iyang kauban sa kwarto nga ang panan-aw mabiaybiayon gumikan nga ang iyang kauban sa kwarto adunay daghang problema nga mga resulta sa iyang mga pagpili sa istilo sa kinabuhi. Usa ka adlaw ang kauban ni Marda sa kwarto miingon, “Ang inyong simbahan nagpugong kaninyo nga magmalipayon. Sama kamo sa usa ka binilanggo sa kinaraan nga mga sumbanan.” Si Marda mitubag, …

Taposa kini nga kalihokan pinaagi sa pagpangutana og usa o duha ka estudyante sa pagpakigbahin kon unsa ang ilang nakat-onan.

Pagdapit ug Pag-follow Up

Awhaga ang mga estudyante sa paggamit niini nga kahanas sa pagsupak nga dili mahimong masinupakon diha sa ilang mga panagsultihanay sa ebanghelyo. Hinumdomi ang pag-follow up pinaagi sa pagdapit sa mga estudyante sa pagpakigbahin sa ilang mga kasinatian ngadto sa klase. Mahimo nimong pangutan-on ang mga estudyante kon unsay maayon nga nahitao ug unsa ang malisod. Pangita og mga oportunidad sa pagpadayon sa pagpraktis niini nga kahanas diha sa klase.