Faafesootaiga o Mau ma Isi Aoaoga o le Talalelei

Faamatala

Faamalamalama atu o le faafesootaiga o se auala aoga e faatulaga ai fuaitau o mau e fiafia i ai, aoaoga mai taitai o le Ekalesia, ma isi anotusi o le Ekalesia. O le faafesootaiga e mafai ai ona tatou fatuina se potutusi o autu patino ma faapitoa o le talalelei ina ia faigofie ai ona tatou maua fuaitau o mau e fiafia i ai ma aoaoga pe a tatou manaomiaina. O le sailia o a tatou fesootaiga e mafai ona fesoasoani ia i tatou pe a suesue pe faasoa atu le talalelei ma pe a saunia se lauga po o se lesona.

Faataitaiga

Faataitai faapuupuu le auala e faafesootai ai mau e ala i le valaaulia o tagata aoga o e iloa pe faapefea ona faafesootai mau i le Gospel Libary e faaali atu ai lenei tomai i a latou uo i vaega toalaiti.

Manatua: E mafai ona e maua punaoa faaopoopo, fesoasoaniga, ma vitio i le vaega o le “Help” o le polokalama o le Gospel Library, e aofia ai le “Gospel Library User Guide (iOS)” ma le “Gospel Library User Guide (Android).”

Fesili i le vasega pe mafai faapefea e se tasi e faaaogaina tusitusiga paia lolomi ona faafesootai fuaitau o mau e ala i autu. O nisi o manatu latou te faasoa mai e ono aofia ai mea nei:

• Tusiina o autu i autafa o fuaiupu

• Faailogaina po o le tusia o mau faasino i le Topical Guide

• Faaaogaina o se api (po o itulau avanoa i a latou tusitusiga paia) e faavasega ai mau ma upusii

• Tuu ni tamai pepa pipii lanu po o ni sitika (e faatusa i ni autu faapitoa) i pito o a latou itulau

Faataitai

Filifili se fuaitau mai le suesueina o tusitusiga paia o lenei vaiaso pe faaaoga se tasi o manatu nei e valaaulia ai tagata aoga e faataitai lenei tomai. E mafai e tagata aoga ona faailoga upu, fasifuaitau, po o upumoni e tulaga ese ia i latou ona fai lea o se faafesootaiga mo le fuaitau o le mau pe faaopoopo le fuaitau i se fesootaiga o loo i ai. E mafai e tagata aoga ona fefaasoaai i paga mea sa latou faafesootaia ma pe na faapefea ona latou faafesootaiina.

Manatu faaopoopo mo le faataitaia o lenei tomai:

• Valaaulia tagata aoga e mafaufau faapea ua talosagaina i latou e tuuina atu se lauga e uiga i le salamo. Fai atu ia i latou e fatu se fesootaiga e ta’ua o le “Salamo” ma faaopoopo ia lē itiiti ifo ma le lua ni mau ma se faamatalaga se tasi mai se taitai o le Ekalesia. E mafai e tagata aoga ona saili le upu “salamo” i le Topical Guide, index to the triple combination, o le Taiala i Tusitusiga Paia, po o le Gospel Library.

• Valaaulia tagata aoga e fatu se fesootaiga e ta’ua o “Suafa ma Faalaniga mo Keriso.” Tuu atu ia i latou se lisi o fuaitau o mau o loo i ai nisi o igoa ma faalaniga mo Iesu Keriso (mo se faataitaiga, Iopu 19:25; Isaia 7:14; Ioane 15:1; 1 Timoteo 4:10; Eperu 9:15; Faaaliga 1:8; Mosaea 3:8; ma le Mataupu Faavae ma Feagaiga 93:8–9). Fai i le vasega e filifili ni fuaitau se fa pe lima e faitau, ma valaaulia i latou e faafesootai o latou suafa ma faalaniga o Iesu e sili ona fiafia i ai. Ona mafai lea ona latou faasoa mai se tasi o suafa po o faalagiga sa latou faafesootaia ma faamatala mai pe o le a se mea o aoao mai e lena suafa po o le faalaniga ia i tatou e uiga ia te Ia.

• Fai atu i tagata aoga e o i le sauniga aupito lata mai o le konafesi aoao i le Gospel Library. Valaaulia i latou e filifili se lauga e fiafia i ai i latou ma faitau se vaega. Fautuaina i latou e faafesootai soo se faamatalaga latou te iloa e faapitoa le anoa. E mafai ona latou faasoa atu i se tasi i le vasega mea sa latou faafesootaia ma pe aisea.

Valaaulia ma Toe Tulitatao

Fautuaina tagata aoga e fatu ni fesootaiga i le taimi o a latou suesuega faaletagata lava ia o tusitusiga paia ma i le taimi o talanoaga a le vasega. Manatua e tulitatao i vasega e sosoo ai e ala i le valaaulia o tagata aoga e faasoa mai fuaitau o mau ma aoaoga mai taitai o le Ekalesia na latou faafesootaiina. E mafai foi ona e fai atu i tagata aoga e faasoa mai ni auala na latou faaaogaina ai le fesootaiga ia latou suesuega faaletagata lava ia ma i le faasoaina atu po o le aoaoina atu o le talalelei. Vaavaai mo ni auala e faaauau ai le iloiloina ma le faataitaiina o lenei tomai i le vasega.