?Wanem Nao Bae Mi Mekem Sapos Mi Filim Se Mi No Sef O Wan Man I Save Mekem Nogud long Mi?

Ol sista misinari oli stap tingting hevi

1. Luksave mo admitim ol tingting, filing, mo fasin blong yu. Andastanem olsem wanem oli save mekem yu filim se yu no sef mo no yusum gud teknoloji long stret wei.

2. Jusum blong tekem aksen. Ansa long ol wei we i stret mo gud, long wanem we yu stap filim.

3. Lan mo kam moa gud. Yusum eksperiens blong yuwan blong gohed blong stap lan mo kam antap moa long fiuja.

ol elda misinari oli stap stanap

Blong stap lan blong laef folem ol sef step ia i no simpol tumas olsem we taem yu stap talem blong mekem; hem i tekem efot mo praktis. Iven afta we ol sef step ia i kam wan fasin blong yu long olsem wanem yu stap tingting mo tekem aksen, bae yu gat ol taem we bae yu filim se yu no sef o wan i save mekem nogud long yu. Maet yu bin gat sam fasin we i no strong tumas blong yusum gud teknoloji bifo long misin blong yu we i bin had blong yu lego. Sam misinari oli bin traehad wetem ponografi bifo oli kasem misin kol blong olgeta mo maet oli save fesem temtesen blong foldaon bakegen i go long ol olfala fasin blong olgeta. Wanem situesen we i kam, proses we i stap antap bae i help blong stretem yu blong laef folem ol sef step ia mo mekem yu kam strong agensem temtesen. Tingbaot se yu no nid blong winim ol jalenj ia yuwan. Dipen long paoa we i kam tru long Atonmen blong Kraes taem yu traehad blong laef folem ol sef step ia mo winim ol wiknes blong yuwan.

• 1. Luksave mo Admitim

• 2. Jusum blong Tekem Aksen

• 3. Lan mo Kam Moa Gud