3. Lan mo Kam Moa Gud

Pikja

Momon i raetem sot ol toktok we oli stap long ol buk we oli wokem long gol

Taem yu wok blong folem ol sef step ia, lan aot long ol eksperiens blong yu. Blong lanem mo kam antap i blong sakem sin, we i karem yu kam kolosap long Kraes taem yu yusum Atonmen blong Hem. Sapos yu go long Hem, bae Hem i helpem yu kam antap. Hem i bin promes se,“sapos [ol pikinini blong mi] oli kam long mi, bae mi soem long olgeta, wiknes blong olgeta. … Gladhat blong mi, i naf blong [olgeta] we i putum tingting blong olgeta i stap daon long fored blong mi; from sapos oli putum tingting blong olgeta i stap daon long fored blong mi, mo gat fet long mi, nao ol samting ia we oli no strong long olgeta, bae mi mekem olgeta oli winim mo kam strong long olgeta.” (Ita 12:27). God bae i helpem yu lanem mo kam moa gud long ol mistek blong yu blong bifo, blong mekem se yu kasem paoa ova long ol samting we yu no strong long hem. Tru long Atonmen blong Jisas Kraes, God i fogivim mo fogetem ol mistek blong bifo.

Pikja

tu sista misinari we i stap lukluk long ol mobael fon

Taem yu fesem temtesen blong yusum nogud teknoloji, yu save lan aot long eksperiens blong yu taem yu stap lukluk moa long ol joes ia we yu mekem mo ol risal we i kam tru ol joes ia. Rekodem ol eksperiens mo ol filing blong yu long jenol blong yu. Lanem blong luksave ol paten insaed long ol tingting blong yu, ol filing, o ol fasin we i mekem i had long yu blong yusum teknoloji wetem fasin we i stret mo gud. Yu save stap longwe long temtesen taem yu stap stap longwe long ol paten ia. Eksampol, yu save faenem yuwan blong lus moa long medel blong lektronik tul blong yu taem yu nogat ol stret plan mo we i gat mining blong dei ia. Taem yu stap jus blong oltaem planem ol aktiviti we i gat mining, bae yu no save lus tumas long lektronik tul blong yu.

Ol kompanion mo misin lida bae oli helpem yu tu blong lan mo kam moa gud. Tingbaot, taem we devel i yusum ol sikret wei mo mekem yu stap yuwan blong lidim ol pipol i go long tudak, Lod i leftemap tingting blong yumi blong lukaotem laet tru long onesti mo trutok. Stap bildim strong, ol rilesensip we oli stret mo gud wetem ol kompanion blong yu mo ol distrik memba, i wan long ol bes proteksen mo i letem yu blong gat wan kalja blong stret mo gud fasin mo fasin we i gat mining long hem.