Thawj Pawg Thawj Tswj Hwm tsab Xov

Nyob Zoo rau tus Tub Txib:

Peb zoo siab uas koj muaj cib fim no ua ib tug tub txib rau Yexus Khetos lub Koom Txoos ntawm Tsoom Haiv Neeg Ntseeg hauv Hnub Nyoog Kawg. Tsis muaj ib txoj hauj lwm uas zoo los sis tseem ceeb npaum li kev muab Ixayees sau los ua ke.

Phau Qhia Kuv txoj Moo Zoo no los twb sau kom koj npaj ua ib tug tub txib zoo dua, kom koj sab ntsuj plig muaj zog ntxiv. Phau no kuj yuav pab koj ua ib tug uas txawj qhia zoo dua. Peb yaum kom koj siv phau no txhua hnub thaum koj kawm ntawm koj tus kheej thiab nrog koj tus khub. Peb kuj hais kom koj siv hauv koj koog chaw tej pawg sab laj thiab thaj chaw tej rooj sab laj. Cia li kawm cov vaj lug kub thiab kawm txog cov lus qhuab qhia thiab cov ntsiab cai.

Peb caw koj ua zoo dua ntxiv kom cog lus tias koj yuav pab ua peb Leej Txiv Saum Ntuj Ceeb Tsheej txoj hauj lwm uas muaj yeeb koob. Txhua tus tub txib muaj ib txoj hauj lwm tseem ceeb kom pab tus Tswv ua Nws txoj hauj lwm kom “tib neeg txais tau txoj sia tsis txawj tuag thiab txoj sia nyob mus ib txhis” (Mauxes 1:39).

Tus Tswv yuav foom koob hmoov rau koj thaum koj txo hwj chim rau siab ua hauj lwm rau Nws. Peb thov kom koj yuav muaj kev xyiv fab thiab kev zoo siab thaum koj ua hauj lwm pab Leej Txiv Saum Ntuj Ceeb Tsheej cov me nyuam.

Thawj Pawg Thawj Tswj Hwm