“Noe ug ang Iyang Pamilya,” Mga Istorya sa Daang Tugon (2022)
“Noe ug ang Iyang Pamilya,” Mga Istorya sa Daang Tugon
Genesis 6–9; Moises 8
Noe ug ang Iyang Pamilya
Arka, lunop, ug ang mga saad sa Ginoo
Si Noe ug ang iyang pamilya misunod sa Ginoo. Ang tanang uban nga mga tawo hilabihan ka mga dautan. Ang Ginoo misulti ni Noe nga usa ka lunop motabon sa yuta kon ang mga katawhan dili maghinulsol.
Genesis 6:5–13; Moises 8:13–17
Gitudloan ni Noe ang mga katawhan nga ang Ginoo nahigugma kanila ug gusto kanila nga maghinulsol ug magbaton og hugot nga pagtuo ni Jesukristo. Dili sila maminaw.
Naguol si Noe nga ang mga katawhan dili maghinulsol. Gisultihan sa Ginoo si Noe sa paghimo og dakong barko nga gitawag og arka. Ang arka mopahimutang sa pamilya ni Noe nga luwas sa panahon sa lunop.
Ang pamilya ni Noe midala og mga pagkaon ngadto sa arka. Mipadala ang Ginoo og dili mominos sa duha ka mga hayop sa matag matang kang Noe. Ang mga hayop miadto sulod sa arka, ug pito ka mga adlaw human niana kini misugod sa pag-ulan.
Ingon lamang nga ang Ginoo mipasidaan, kini miulan sulod sa 40 ka mga adlaw ug 40 ka mga gabii. Usa ka lunop mitabon sa yuta.
Ang pamilya ni Noe ug ang tanang mga hayop diha sa arka milutaw nga luwas diha sa tubig.
Sa dihang natapos ang lunop, ang arka milandig sa uga nga yuta. Si Noe ug ang iyang pamilya mitukod og altar aron sa pagsimba sa Ginoo ug sa pagpasalamat Kaniya alang sa pagpanalipod kanila. Ang Ginoo misaad nga dili na gayud mopalunop sa yuta pag-usab. Mipadala Siya og bangaw isip pahinumdom sa Iyang saad.