Genesis 17; 21–22

Abraham ug Isaac

Usa ka amahan, usa ka anak, ug usa ka sakripisyo

Si Abraham ug si Sara adunay usa ka batang lalaki nga masuso, ingon lamang sa gisaad sa Ginoo. Ginganlan nila siya og Isaac.

Genesis 17:9; 21:1–3

Gihigugma nila si Isaac. Ilang gitudloan siya sa pagpili sa matarung ug sa pagsalig sa Ginoo.

Genesis 21:8

Ang Ginoo misaad ni Abraham ug Sara nga pinaagi ni Isaac ang ilang pamilya modaghan aron sa pagpanalangin sa tibuok yuta. Apan usa ka adlaw niana misulti ang Ginoo kang Abraham sa pagdala ni Isaac ngadto sa Bukid sa Moria ug ihalad si Isaac isip usa ka sakripisyo.

Genesis 17:1–8; 22:1–2

Sa ilang pagpadulong ngadto sa bukid, nangutana si Isaac kon hain ang karnero alang sa sakripisyo. Miingon si Abraham nga ang Ginoo mohatag niini.

Genesis 22:4–8

Sa Bukid Moria, mihimo si Abraham og altar ug mibutang og kahoy ibabaw niini.

Genesis 22:8–9

Ingon sa sugo sa Ginoo, gihangyo ni Abraham si Isaac sa paghigda ibabaw sa altar. Misalig si Isaac ni Abraham sama lamang nga ang Manluluwas misalig sa Iyang Amahan.

Genesis 22:9

Sa dihang hapit na isakripisyo ni Abraham si Isaac, usa ka anghel sa Ginoo mipugong kaniya. Si Abraham mipakita sa iyang hugot nga pagtuo diha sa Ginoo. Nahibalo si Abraham nga siya sa kanunay mosunod sa Ginoo.

Genesis 22:10–12

Mihangad si Abraham ug nakita ang usa ka karnero nga laki nga nagapos sa mga kasapinitan. Ang Ginoo mihatag sa karnerong laki alang sa sakripisyo.

Genesis 22:13

Nahibaloan ni Abraham ug Isaac ang mahitungod sa unsa nga paagi ang Langitnong Amahan mohalad sa Iyang Anak nga si Jesukristo isip usa ka sakripisyo. Ang Ginoong Jesukristo misalig ni Abraham tungod kay siya misunod. Misalig si Abraham sa saad sa Ginoo nga usa ka adlaw niana ang iyang pamilya modaghan labaw sa gidaghanon sa mga bitoon sa langit.

Genesis 22:17–18; Jacob 4:5