Pagpangandam alang sa Templo

Pagpangandam alang sa Templo

Kinatibuk-ang Pagpasabot

Ang templo maoy usa ka balaang dapit nga gipahinungod ug gilain gikan sa kalibotan aron tabangan kita nga mas maduol sa Langitnong Amahan ug ni Jesukristo. Ang sentro sa atong pagsimba sa templo makita diha sa nasulat sa kada templo: “Ang Balay sa Ginoo.” Samtang andam na kita ug takos nga mosulod sa templo, maghimo kita og mga pakigsaad sa Langitnong Amahan. Kita usab adunay kahigayonan nga moapil sa Manluluwas diha sa Iyang buluhaton ingon nga “mga manluluwas” (tan-awa ang Abdias 1:21) samtang atong himoon ang family history nga buhat.

Sugyot sa gipaspason: Kini nga mga leksiyon pwedeng itudlo sa bisan unsang panahon sa tuig sa pag-eskwela o sa bisan unsang semana sa Dali, Sunod Kanako nga gipaspason. Gilista sa ubos ang pipila ka posibilidad para sa pihong mga leksiyon.

Pangandam sa pagtudlo

Ang mosunod nga impormasyon mohatag nimo og mga ideya kon unsay kinahanglan nimong andamon daan para sa matag leksiyon.

Si Jesukristo anaa sa Sentro sa Tanang Pagsimba diha sa Templo

Sugyot sa Gipaspason: Ingon nga kini nga leksiyon gigamit sa unsay gisaad sa Ginoo ngadto sa iyang katawhan sa pakigsaad samtang nagtukod silag balay para Kaniya, pwede nimong ikonsiderar ang pagtudlo niini duol sa “Leksiyon 52: Exodo 25; 35–40”; “Leksiyon 79: 1 Mga Hari 6–9”; o “Leksiyon 155: Hageo.”

Katuyoan sa leksiyon: Aron tabangan ang mga estudyante nga mobati og mas dakong tinguha nga mapaduol ni Jesukristo diha sa Iyang balay.

• Pagpangandam sa estudyante: Aron tabangan ang mga estudyante nga mangandam alang niini nga leksiyon, dapita ang mga estudyante nga pamalandongan ang mga panalangin nga nadawat nila, o sa ilang kaila, pinaagi sa pagtambong sa templo.

• Sulod nga ipakita: Usa ka ligid sa bisikleta, o uban pang butang nga naay lahi nga sentro; usa ka sukdanan para sa pagsukod sa kaugalingon sa estudyante; mga imahe sa tabernakulo sa Daang Tugon ug templo ni Solomon

• Mga Bidyo: “Usa ka Simbolo ni Jesukristo” (1:11)

Ang mga Balaod sa Pagkamasulundon ug Sakripisyo

Sugyot sa Gipaspason: Gigamit niini nga leksiyon ang Abraham 3:24–25 nga nagtudlo bahin sa balaod sa pagkamasulundon ug Moises 5:4–9 nga nagtudlo bahin sa balaod sa sakripisyo. Ikonsiderar ang pagtudlo niini nga leksiyon duol sa “Leksiyon 3: Abraham 3” o “Leksiyon 12: Moises 4:5–32; 5:1–15, Bahin 2.”

Katuyoan sa leksiyon: Aron tabangan ang mga estudyante nga masabtan ang mga balaod sa pagkamasulundon ug sakripisyo nga atong gipakigsaad aron tumanon diha sa ordinansa.

• Pagpangandam sa estudyante: Dapita ang mga estudyante nga maghunahuna bahin niining pangutanaha sa dili pa mosulod sa klase: Sa unsang paagi mapanalanginan ang akong kinabuhi pinaagi sa paghimog dugang nga mga pakigsaad sa Langitnong Amahan?

• Mga aytem nga dad-on: Tulo ka mainat-inat nga band nga pag-ehersisyo [elastic exercise bands] para sa leksiyon nga gigamita og butang

• Mga bidyo: “Mas Lig-on ug Mas Suod nga Koneksiyon ngadto sa Dios Pinaagi sa Daghang Pakigsaad” (28:13) gikan sa time code 4:13 hangtod 5:44

• Handout: “Ang Balaod sa Pagkamasulundon ug Sakripisyo”

Pagpangandam nga Takos Mosulod sa Templo

Katuyoan sa leksiyon: Aron tabangan ang mga estudyante nga mamalandong sa ilang pagkatakos nga mosulod sa balaang templo sa Langitnong Amahan ug ni Jesukristo.

• Pagpangandam sa estudyante: Aron tabangan ang mga estudyante nga mangandam sa pagkat-on og dugang bahin sa mga sumbanan nga gitakda sa Ginoo aron makasulod sa templo, dapita sila nga basahon ang mga pangutana sa rekomend sa templo nga anaa sa apendiks sa Alang sa Kalig-on sa mga Kabatan-onan: Usa ka Giya sa Paghimo og mga Pagpili [2022]. Dapita sila nga mosulod sa klase nga adunay bisan unsa nga mga pangutana bahin niini nga mga sumbanan.

• Mga Aytem nga dad-on: Mga kopya sa Alang sa Kalig-on sa mga Kabatan-onan: Usa ka Giya sa Paghimo og mga Pagpili aron rebyohon sa mga estudyante ang mga pangutana sa rekomend sa templo

• Handout: “Mga Pangutana sa Rekomend sa Templo”

• Mga video: “Ang Tuyo sa Dios Mao ang Pagdala Kaninyo Balik sa Panimalay” (11:34) gikan sa time code 2:15 hangtod 3:01

Pag-apil sa Buhat sa Templo ug sa Family History

Sugyot sa gipaspason: Gigamit niini nga leksiyon ang mga bersikulo gikan sa Abdias aron itudlo ang bahin sa buhat sa templo ug family history. Ikonsiderar ang pagtudlo niini nga leksiyon duol sa Dali Sunod Kanako nga hut-ong sa Amos, Abdias, ug Jonas.

Katuyoan sa leksiyon: Tabangi ang mga estudyante sa pagtakda og tumong nga mahimong mas mahisama sa Manluluwas pinaagi sa pag-apil sa buhat sa templo ug sa family history.

• Pagpangandam sa estudyante: Dapita ang mga estudyante nga mohimo og usa ka butang nga may kalabutan sa buhat sa templo ug family history, sama sa usa sa mosunod:

  Paghimog account sa FamilySearch.org.

  Paggahin og pipila ka minuto sa pagsusi sa impormasyon bahin sa imong pamilya sa FamilySearch.org.

  Pangitaa ang usa ka ngalan sa imong mga katigulangan nga nagkinahanglan pang kompletohon ang mga ordinansa diha sa templo.

  Pangutana sa ginikanan o apohan nga ipakigbahin ang usa ka butang bahin sa ilang kinabuhi o bahin sa usa ka katigulangan.

• Sulod nga ipakita: Imahe sa Martin o Willie handcart nga mga pioneer nga nagkinahanglan kaayog tabang, imahe nga nagrepresentar sa mga katigulangan, imahe sa bukid ug templo

• Mga bidyo: “Labaw Pa sa usa ka Bayani” (10:12) gikan sa time code 0:54 hangtod 1:30

• Handout: “Upat ka Paagi sa Pag-apil sa Buhat sa Templo ug sa Family History”