Pisikal ug Emosyonal nga Kahimsog

Pisikal ug Emosyonal nga Kahimsog

Kinatibuk-ang Pagpasabot

Isip usa ka normal nga parte sa atong mortalidad, kita nag-atubang og daghang mga hagit sa hunahuna, emosyonal, ug sa pisikal. Samtang makakuha kita og kalig-on gikan sa Langitnong Amahan ug ni Jesukristo, Sila motabang nato nga mahimong lig-on sa emosyonal nga paagi, magkat-on og maayo nga mga kahanas sa pagsagubang sa bisan unsa nga atong masinati. Ang mosunod nga mga leksiyon moawhag sa mga estudyante nga atimanon ang ilang pisikal nga mga lawas, pag-ugmad og maayong mga sumbanan sa paghunahuna, ug tinguhaon ang tabang sa Ginoo kalabot mga emosyon sama sa kaugtas, grabeng kabalaka, kaguol, depresyon, kasuko, ug sa pagpalambo og maayong mga gawi sa kahimsog.

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong kinahanglan nga andamon alang sa matag leksiyon.

Sugyot sa gipaspason: Kini nga mga leksiyon pwedeng itudlo sa bisan unsang panahon sa tuig ting-eskwela o sa bisan unsang semana diha sa Dali, Sunod Kanako nga eskedyul. Hinuon, ang Leksiyon 181: “Pagtukod og Emosyonal nga Kalig-on diha sa Ginoo” ug sa Leksiyon 183: “Pagpalambo og mga Sumbanan sa Himsog nga Panghunahuna” naghatag og pundasyon sa pagsabot ug sa mga kahanas alang sa nagsunod niini nga leksiyon niini nga kategoriya. Ang pagtudlo niini nga mga leksiyon sa dili pa ang uban niini nga seksiyon makatabang sa mga estudyante nga makakat-on og mga kahanas nga mahimo nilang mapraktis samtang nagkat-on mahitungod sa himsog nga mga paagi sa pag-atubang sa ilang mga emosyon.

Pagtukod og Emosyonal nga Kalig-on diha sa Ginoo

Sugyot sa gipaspason: Pwede nimong ikonsiderar ang pagtudlo niini nga leksiyon sa samang higayon nga imong itudlo ang Leksiyon 61: “Josue 1.” Ang bersikulo 8 nagdapit kanato sa pagdawat sa kalig-on ug kaisog nga gisaad sa Ginoo niadtong mamalandong sa Iyang mga pulong kon mag-atubang og lisod nga mga hagit.

Katuyoan sa leksiyon: Aron tabangan ang mga estudyante nga makakuha og kalig-on gikan sa Langitnong Amahan ug ni Jesukristo sa pagsagubang sa ilang emosyonal nga mga hagit.

• Pagpangandam sa estudyante: Dapita ang mga estudyante sa paghunahuna o pagpangutana og usa ka tawo nga ilang nailhan bahin sa ilang mga kasinatian sa pagsagubang sa lisod nga mga pagbati. Kon angay, mahimo silang mopakigbahin sa kasinatian diha sa klase.

• Mga butang nga ipakita: Mga hulagway sa duha ka kahoy—usa nga naibot tungod sa kusog nga hangin, ug ang usa nga nagpabilin nga lig-on nga natanom diha sa yuta; pamahayag gikan ni Elder Neil L. Andersen

• Mga bidyo: “Espirituhanong mga Alimpulos,” time code 0:00 hangtod 1:10 ug time code 1:33 hangtod 2:12; “Espirituhanong mga Alimpulos” time code 3:45 hangtod 4:12 ug time code 4:12 hangtod 4:48

Pag-atiman sa Atong Pisikal nga Lawas

Katuyoan sa leksiyon: Aron tabangan ang mga estudyante nga masabtan kon sa unsang paagi makaapekto ang atong mga pagpili sa atong pisikal ug emosyonal nga kahimsog.

• Pag-andam sa estudyante: Dapita ang mga estudyante nga hunahunaon ang ilang pagpili sa kahimsog (pagkaon, pagkatulog, pag-ehersisyo, ug uban pa) sa miaging semana. Awhaga sila nga timbang-timbangon kon sa unsang paagi kadtong mga pagpili nakaapekto sa ilang gibati sa pisikal ug emosyonal nga paagi.

• Mga aytem nga ipakita: Usa ka litrato sa tin-edyer nga naghimo og pipila ka dili maayo nga mga pagpili

• Handout: “Pag-atiman sa Atong Pisikal nga Lawas”

Pag-ugmad og Maayong mga Sumbanan sa Panghunahuna

Katuyoan sa leksiyon: Aron tabangan ang mga estudyante nga motan-aw sa Manluluwas samtang mag-establisar sila og maayo nga sundanan nga paghunahuna.

• Pagpangandam sa estudyante: Dapita ang mga estudyante sa paghatag og pagtagad sa ilang mga gihunahuna sa tibuok adlaw. Mahimo gani silang mamalandong niadtong mga panghunahuna nga ilang gibati.

• Mga aytem nga ipakita: Duha ka drowing gikan sa leksiyon; duha ka stick figure, mga dalan, lungag, mga thought bubble

• Bidyo: “Filling Our Minds with the Power of Jesus Christ” (2:07)

Pagdumala sa Kaugtas ug Kabalaka

Sugyot sa gipaspason: Kini nga leksiyon naggamit sa mga kahanas nga gihulagway sa tambag ni Jetro ngadto ni Moises sa Exodo 18 sa pagtabang nato nga madumala ang mga pagbati sa kaugtas ug kabalaka. Mahimo nimong ikonsiderar ang pagtudlo niini nga leksiyon panahon sa Dali, Sunod Kanako nga semana sa Exodo 14–18.

Katuyoan sa leksiyon: Aron tabangan ang mga estudyante nga mapraktis ang mga kahanas nga naggamit sa gahom sa Manluluwas sa pagdumala sa kaugtas ug kabalaka.

• Pagpangandam sa estudyante: Dapita ang mga estudyante nga maghunahuna og mga sitwasyon dihang mibati sila nga naugtas o nabalaka ug mga paagi nga makadangop sila sa Ginoo alang sa tabang.

• Mga aytem nga ipakita: Pamahayag gikan ni Presidente Russell M. Nelson

• Bidyo: “The Temple and Your Spiritual Foundation” gikan sa time code 5:33 hangtod 5:55

• Handout: “Kaugtas ug Kabalaka”

Pagsagubang sa Kaguol ug Depresyon

Sugyot sa gipaspason: Ang porsiyon niini nga leksiyon nagtudlo og pipila ka paagi nga ang Ginoo makatabang sa mga estudyante nga nagsagubang sa kaguol ug depresyon, sama sa Iyang gibuhat ni Elias. Mahimo nimong ikonsiderar ang pagtudlo niini nga leksiyon sa sama nga oras nga imong itudlo ang Leksiyon 82: “1 Mga Hari 18.”

Katuyoan sa leksiyon: Aron tabangan ang mga estudyante nga masabtan kon sa unsang paagi ang Langitnong Amahan ug si Jesukristo motabang nila nga makalahutay sa mga pagbati sa kaguol ug depresyon.

• Pagpangandam sa estudyante: Dapita ang mga estudyante nga mangita og kasulatan o kinutlo gikan sa usa ka lider sa Simbahan nga makatabang sa usa ka tawo nga makatutok sa Langitnong Amahan ug ni Jesukristo dihang ilang gibati ang kaguol o depresyon. Pwede silang mangandam sa pagpakigbahin sa ilang kasulatan diha sa klase.

• Mga aytem nga ipakita: Usa ka litrato sa mga nagbaktas nagdala og bug-at nga mga backpack; pamahayag gikan ni Presidente Russell M. Nelson; usa ka hulagway ni Elias

• Mga bidyo: “Because Jesus Christ died …” (1:06); “Rise,” (1:42); “Mental Health: Compassion for Those Who Struggle” (2:26)

• Handout: “Ang Ginoo Motabang Nato nga Makalahutay”

Pagdumala sa Kasuko

Sugyot sa gipaspason: Kini nga leksiyon naggamit sa istorya ni Jacob ug Esau sa paghulagway sa panginahanglan sa pagtubag sa tukma nga mga pagbati sa kasuko. Mahimong makatabang ang pagtudlo niini nga leksiyon duol sa Leksiyon 30: “Genesis 25–27.”

Katuyoan sa leksiyon: Aron tabangan ang mga estudyante sa pagsunod sa ehemplo ni Jesukristo dihang makasinati og mga pagbati sa kasuko.

• Pagpangandam sa estudyante: Dapita ang mga estudyante sa paglista sa mga sitwasyon diin mahimo silang matental nga motubag sa kasuko. Mahimo usab nilang susihon kon unsa ka sagad sila nga masuko ug giunsa nila pagdumala kini nga mga pagbati.

• Mga aytem nga ipakita: Usa ka lata sa soda o litrato sa lata sa soda; litrato sa giuyog nga lata sa soda nga ablihan; usa ka hulagway ni Esau

• Bidyo: “Jacob and Esau” time code 1:10 hangtod 1:53

• Handout: “Mga Lakang sa Pagdumala sa Kasuko”

Pagpalambo og Maayong mga Gawi sa Kahimsog

Katuyoan sa leksiyon: Aron tabangan ang mga estudyante nga tinguhaon ang tabang sa Langitnong Amahan ug ni Jesukristo sa pagpalambo og maayong mga gawi sa kahimsog.

• Pagpangandam sa estudyante: Dapita ang mga estudyante sa paghunahuna sa mga butang nga ilang gibuhat kada adlaw nga nabatasan na. Pwede usab nilang pamalandongan kon sa unsang paagi kini nga mga gawi, maayo ug daotan, nakaapekto sa ilang espirituhanon nga paglambo.

• Mga butang nga ipakita: Mga hulagway sa usa ka sagbot, usa ka garden, usa ka bulak, ug usa ka sagbot; pamahayag gikan ni Presidente Jeffrey R. Holland

• Handout: “Pag-establisar og Maayo nga mga Gawi sa Kahimsog”