« ហូសេ ១–៦; ១០–១៤; យ៉ូអែល ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« ហូសេ ១–៦; ១០–១៤; យ៉ូអែល ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
ហូសេ ១–៦; ១០–១៤; យ៉ូអែល
ហូសេ ១–៦; ១០–១៤; យ៉ូអែល
ទិដ្ឋភាពទូទៅ
នៅក្នុងគម្ពីរហូសេ ព្រះអម្ចាស់បានប្រើអាពាហ៍ពិពាហ៍របស់ហូសេ និងកូមើរធ្វើជានិមិត្តសញ្ញាមួយដើម្បីបង្រៀនអ៊ីស្រាអែលអំពីសេចក្តីស្រឡាញ់នៃសេចក្តីសញ្ញាដ៏ពិតប្រាកដរបស់ទ្រង់ ។ តាមរយៈព្យាការីយ៉ូអែល ព្រះអម្ចាស់បានសន្យាថា « យើងនឹងចាត់វិញ្ញាណរបស់យើងទៅលើគ្រប់ទាំងមនុស្ស » ( យ៉ូអែល ២:២៨; សូមមើលផងដែរ យ៉ូសែប ស្មីធ—ប្រវត្តិ ១:៤១ ) ។
ជួយសិស្សឲ្យស្វែងរក ស្គាល់ និងធ្វើសកម្មភាពតាមវិវរណៈផ្ទាល់ខ្លួន ។ យើងទាំងអស់គ្នាត្រូវការជំនួយក្នុងការស្គាល់វិវរណៈផ្ទាល់ខ្លួនមកពីព្រះវិញ្ញាណបរិសុទ្ធ ។ នៅពេលអ្នកស្វែងរកការបង្រៀនមកពីព្រះវិញ្ញាណ សូមរកមើលវិធីដើម្បីជួយសិស្សឲ្យស្គាល់វិធីដែលព្រះវិញ្ញាណមានបន្ទូលទៅកាន់ពួកគេ ។ ដើម្បីរៀនបន្ថែមទៀតអំពីការណ៍នេះ សូមមើល « ព្រះអង្គសង្គ្រោះបានជួយអ្នកដទៃឲ្យស្វែងរក ទទួលស្គាល់ និងអនុវត្តតាមវិវរណៈផ្ទាល់ខ្លួន » ( ការបង្រៀនតាមរបៀបរបស់ព្រះអង្គសង្គ្រោះ [ ឆ្នាំ២០២២ ] ទំព័រ ១៨ ) ។ ឧទាហរណ៍មួយនៃរបៀបដែលអ្នកអាចជួយអ្នកដទៃឲ្យស្គាល់ព្រះវិញ្ញាណ សូមមើលមេរៀនទី ១៤៨ ៖ « វាយតម្លៃការរៀនសូត្ររបស់អ្នកទី ៩ » ។
រៀបចំខ្លួនដើម្បីបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវការដើម្បីរៀបចំទុកជាមុនសម្រាប់មេរៀននីមួយៗ ។
ហូសេ
គោលបំណងមេរៀន ៖ ដើម្បីជួយសិស្សយល់ដឹងអំពីសេចក្ដីស្រឡាញ់ និងសេចក្ដីមេត្តាករុណាដ៏ពិតប្រាកដរបស់ព្រះអម្ចាស់ដែលមានសម្រាប់ពួកគេ ។
-
ការរៀបចំសិស្ស ៖ សូមអញ្ជើញសិស្សឲ្យគិតអំពីបទពិសោធន៍ដែលធ្លាប់បានជួយពួកគេឲ្យទទួលអារម្មណ៍នូវសេចក្ដីស្រឡាញ់ និងសេចក្ដីមេត្តាករុណារបស់ព្រះអម្ចាស់ ។
-
សំណៅមេរៀន ៖ « ការយល់ដឹងអំពីសេចក្ដីស្រឡាញ់ និងសេចក្ដីមេត្តាករុណារបស់ព្រះអម្ចាស់ »
យ៉ូអែល
គោលបំណងមេរៀន ៖ ដើម្បីជួយសិស្សឲ្យបង្កើនសមត្ថភាពរបស់ពួកគេដើម្បីទទួលវិវរណៈផ្ទាល់ខ្លួនមកពីព្រះអម្ចាស់តាមរយៈព្រះវិញ្ញាណបរិសុទ្ធ ។
-
ការរៀបចំសិស្ស ៖ ផ្តល់ឲ្យសិស្សនូវសំណួរ « តើខ្ញុំអាចធ្វើអ្វីខ្លះ ដើម្បីទទួលបានវិវរណៈផ្ទាល់ខ្លួនកាន់តែច្រើននៅក្នុងជីវិតរបស់ខ្ញុំ ? » សូមអញ្ជើញពួកគេឲ្យគិតពិចារណាអំពីរបៀបខុសគ្នាដែលពួកគេអាចឆ្លើយទៅនឹងសំណួរនេះ ។ ពួកគេក៏អាចមើលបទគម្ពីរ ឬការបង្រៀនរបស់ថ្នាក់ដឹកនាំក្នុងសាសនាចក្រ ឬសួរមនុស្សដែលពួកគេទុកចិត្តដើម្បី រកចម្លើយចំពោះសំណួរនេះ ។
-
សំណៅមេរៀន ៖ « ការបង្កើនសមត្ថភាពរបស់អ្នកដើម្បីទទួលវិវរណៈ »
-
សម្ភារ ៖ ពែងតូចមួយ ថូទឹកមួយ ធុងទឹកធំមួយ ក្រដាសមួយសន្លឹក
-
សម្ភារដែលត្រូវបង្ហាញ ៖ សេចក្ដីណែនាំសម្រាប់ជម្រើសផ្សេងគ្នាចំនួនបួនក្នុងការពិភាក្សាអំពីរបៀបដើម្បីជួយយើងទទួលវិវរណៈផ្ទាល់ខ្លួន
វាយតម្លៃការរៀនសូត្ររបស់អ្នកទី ៩
គោលបំណងមេរៀន ៖ ដើម្បីជួយសិស្សឲ្យគិតពិចារណាពីគោលដៅដែលពួកគេបានដាក់ និងការរីកចម្រើនដែលពួកគេបានដកពិសោធន៍ក្នុងអំឡុងពេលសិក្សារបស់ពួកគេអំពី យេរេមា–យ៉ូអែល ។
-
ការរៀបចំសិស្ស ៖ សូមអញ្ជើញសិស្សឲ្យមករៀនដោយបានរៀបចំខ្លួនដើម្បីចែកចាយវគ្គបទគម្ពីរដែលមានអត្ថន័យសម្រាប់ពួកគេចេញពីការសិក្សាព្រះគម្ពីរសញ្ញាចាស់របស់ពួកគេ ។ សូមឲ្យពួកគេគិតអំពីរបៀបដែលវគ្គបទគម្ពីរនោះជួយពួកគេឲ្យធ្វើតាមព្រះយេស៊ូវគ្រីស្ទ ។
-
សម្ភារដែលត្រូវបង្ហាញ ៖ រូបភាពព្រះអង្គសង្គ្រោះ ការរំឭកដើម្បីជួយសិស្សវាយតម្លៃជំនឿរបស់ពួកគេអំពីបេសកកម្មដ៏ទេវភាពរបស់ពួកគេ ក្រាហ្វិកមួយដើម្បីជួយសិស្សវាយតម្លៃផែនការរបស់ពួកគេក្នុងការចែកចាយដំណឹងល្អរបស់ព្រះអង្គសង្គ្រោះ