« សាំយូអែល ទី១ ១៧–១៨; ២៤–២៦; សាំយូអែល ទី២ ៥–៧ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៦ )
« សាំយូអែល ទី១ ១៧–១៨; ២៤–២៦; សាំយូអែល ទី២ ៥–៧ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
សាំយូអែល ទី១ ១៧–១៨; ២៤–២៦; សាំយូអែល ទី២ ៥–៧
សាំយូអែល ទី១ ១៧–១៨; ២៤–២៦; សាំយូអែល ទី២ ៥–៧
ទិដ្ឋភាពទូទៅ
ពួកសាសន៏អ៊ីស្រាអែលបានប្រឈមមុខនឹងពួកភីលីស្ទីនក្នុងសមរភូមិ ហើយកូលីយ៉ាតដែលមានមាឌធំសម្បើមបានតតាំងនឹងពួកគេ ។ ស្ដេចសូល និងកងទ័ពរបស់ទ្រង់ភ័យខ្លាចក្នុងការប្រឈមនឹងកូលីយ៉ាត ។ ពេលដេវីឌមកដល់សមរភូមិដើម្បីចែកគ្រឿងបរិក្ខារដល់បងប្អូនរបស់គាត់ក្នុងជួរទ័ព នោះគាត់បានឮអំពីការបបួលប្រកួតរបស់កូលីយ៉ាត ។ ដេវីឌបានស្ម័គ្រប្រយុទ្ធជាមួយកូលីយ៉ាត ។ ដេវីឌបានយកឈ្នះកូលីយ៉ាត ដោយប្រដាប់ដោយខ្សែដង្ហក់មួយ ក្រួសប្រាំដុំ និងសេចក្ដីជំនឿលើព្រះ ។ ប៉ុន្មានឆ្នាំក្រោយមក ដេវីឌត្រូវរត់គេចពីស្តេចសូលចូលទៅក្នុងទីរហោស្ថាន ។ កាលនៅទីរហោស្ថាន ដេវីឌ និងទ័ពរបស់គាត់មានចិត្តសប្បុរសចំពោះបុរសម្នាក់ឈ្មោះណាបាល ។ ពេលណាបាលមិនព្រមជួយពួកគេ ដេវីឌបានធ្វើការសងសឹក ។ ភរិយារបស់ណាបាល អ័ប៊ីកែល បានអង្វរជំនួសស្វាមីរបស់នាង ហើយបានធ្វើឲ្យដេវីឌស្ងប់ចិត្ត ។
ផ្តោតលើសេចក្តីពិតដែលដឹកនាំទៅរកការប្រែចិត្តជឿ និងស្ថាបនាសេចក្ដីជំនឿលើព្រះយេស៊ូវគ្រីស្ទ ។ នៅពេលព្រះអង្គសង្គ្រោះបង្រៀន ទ្រង់បានផ្ដោតលើសេចក្ដីពិតដែលចង្អុលបង្ហាញដល់អ្នកស្តាប់របស់ទ្រង់ទៅកាន់ទ្រង់ និងព្រះវរបិតារបស់ទ្រង់ ។ គំរូនៃការប្រែចិត្តជឿលើសេចក្តីពិតរួមមានការផ្តោតលើផែនការរបស់ព្រះវរបិតាសួគ៌ ដង្វាយធួនរបស់ព្រះយេស៊ូវគ្រីស្ទ និងបទបញ្ញត្តិក្នុងការស្រឡាញ់ព្រះ និងអ្នកជិតខាងរបស់យើង ។ នៅពេលយើងបង្រៀនសេចក្តីពិតដ៏សាមញ្ញទាំងនេះអំពីដំណឹងល្អ យើងជួយអ្នកដទៃឲ្យស្ថាបនាសេចក្ដីជំនឿរបស់ពួកគេលើព្រះយេស៊ូវគ្រីស្ទ ហើយប្រែចិត្តជឿលើទ្រង់ ។ ដើម្បីរៀនបន្ថែមទៀត សូមមើល « ព្រះអង្គសង្គ្រោះបានបង្រៀនសេចក្តីពិតដែលនាំទៅការប្រែចិត្តជឿ និងស្ថាបនាសេចក្ដីជំនឿ » ( ការបង្រៀនតាមរបៀបរបស់ព្រះអង្គសង្គ្រោះ [ ឆ្នាំ២០២២ ] ទំព័រ ២២ ) ។ ឧទាហរណ៍មួយនៃរបៀបធ្វើបែបនេះ អាចមាននៅក្នុងមេរៀនទី ៧៤ ៖ « សាំយូអែល ទី១ ១៧ » ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
សាំយូអែល ទី១ ១៧
គោលបំណងមេរៀន ៖ ដើម្បីជួយសិស្សពឹងផ្អែកលើព្រះអម្ចាស់ នៅពេលពួកគេប្រឈមមុខនឹងបញ្ហារបស់ពួកគេ ។
-
ការរៀបចំសិស្ស ៖ សូមអញ្ជើញសិស្សឲ្យគិតអំពីស្ថានភាពនានា នៅពេលយុវជនម្នាក់ត្រូវបង្ហាញសេចក្ដីក្លាហាន ។ សិស្សអាចសួរសមាជិកគ្រួសារ ឬមិត្តភក្តិសម្រាប់បទពិសោធន៍ដែលពួកគេមានដែលតម្រូវឲ្យមានសេចក្ដីក្លាហាន ។
-
សម្ភារ ៖ ស្កត់ ឬហ្វឺតមួយប្រភេទផ្សេងទៀត ដើម្បីបង្ហាញពីកម្ពស់របស់កូលីយ៉ាត
-
រូបភាព ៖ ដេវីឌ និងកូលីយ៉ាត
-
វីដេអូ ៖ « David and Goliath » ( ២:៣៦ ) ចាប់ពីនាទីទី ០:០០ ដល់ ១:២០ និងចាប់ពីនាទីទី ១:២០ ដល់ ២:៣៦ « The Lord Will Deliver Me » ( ៣:២៣ ) ចាប់ពីនាទីទី ០:៤៧ ដល់ ១:៥៩ និងចាប់ពីនាទីទី ១:៥៩ ដល់ ៣:២៣ « ព្រះយេស៊ូវគ្រីស្ទគឺជាកម្លាំងនៃយុវជន » ( ១៤:១១ ) ចាប់ពីនាទីទី ១៣:០០ ដល់ ១៣:២៤
-
សម្ភារដែលត្រូវបង្ហាញ ៖ ក្រួសប្រាំដុំ
-
មាតិកាដែលត្រូវបង្ហាញ ៖ សេចក្តីណែនាំនៅចុងបញ្ចប់នៃមេរៀននេះ
សាំយូអែល ទី១ ២៥
គោលបំណងមេរៀន ៖ ដើម្បីជួយសិស្សឲ្យយល់អំពីរបៀបដែលព្រះយេស៊ូវគ្រីស្ទអាចជួយពួកគេឲ្យអភ័យទោសដល់អ្នកដទៃ ។
-
ការរៀបចំសិស្ស ៖ សូមអញ្ជើញសិស្សឲ្យអាន មើល ឬស្ដាប់ « ភួងលម្អជំនួសផេះ ៖ គន្លងព្យាបាលនៃការអភ័យទោស » ដោយស៊ីស្ទើរ គ្រីស្ទីន អិម យី ( លីអាហូណា ខែវិច្ឆិកា ឆ្នាំ២០២២ ទំព័រ ៣៦–៣៨ ) ។ ពួកគេអាចសិក្សាសុន្ទរកថាទាំងមូល ឬផ្នែកដែលអ្នកបានជ្រើសរើសជាមុន ។ សូមអញ្ជើញសិស្សឲ្យមករៀនដោយរៀបចំដើម្បីចែកចាយការយល់ដឹងដែលពួកគេទទួលបានអំពីការទទួលបានជំនួយរបស់ព្រះអង្គសង្គ្រោះដើម្បីអភ័យទោសដល់អ្នកដទៃ ។
-
រូបភាព ៖ រូបភាពព្រះយេស៊ូវគ្រីស្ទ
-
មាតិកាដែលត្រូវបង្ហាញ ៖ សេចក្តីថ្លែងការណ៍ដោយប្រធាន រ័សុល អិម ណិលសុន
-
វីដេអូ ៖ « អំណោយទានចំនួនបួនដែលព្រះយេស៊ូវគ្រីស្ទប្រទានដល់បងប្អូន » ( ១៥:០៣ ) ចាប់ពីនាទីទី ៦:៤២ ដល់ ៧:១៨
ការអនុវត្តចំណេះចំណានខាងគោលលទ្ធិទី ៥
គោលបំណងមេរៀន ៖ ដើម្បីជួយសិស្សទន្ទេញឃ្លាបទគម្ពីរគន្លឹះនៅក្នុងវគ្គបទគម្ពីរចំណេះចំណានខាងគោលលទ្ធិ ហើយអនុវត្តគោលការណ៍ដ៏ទេវភាពនៃការទទួលបានចំណេះដឹងខាងវិញ្ញាណ ។
-
ការរៀបចំសិស្ស ៖ សូមពិចារណាអំពីការអញ្ជើញសិស្សឲ្យជ្រើសរើស ហើយចាប់ផ្តើមទន្ទេញវគ្គបទគម្ពីរចំណេះចំណានខាងគោលលទ្ធិ ។ កម្មវិធីចំណេះចំណានខាងគោលលទ្ធិអាចជាធនធានដ៏មានប្រយោជន៍ ។ បញ្ជីនៃវគ្គបទគម្ពីរអាចរកបាននៅក្នុង ឯកសារគោលនៃចំណេះចំណានខាងគោលលទ្ធិ ( ឆ្នាំ២០២៣ ) ។
-
មាតិកាដែលត្រូវបង្ហាញ ៖ បញ្ជីនៃវគ្គបទគម្ពីចំណេះចំណានខាងគោលលទ្ធិដែលបានសិក្សាកន្លងមក
-
វីដេអូ ៖ « Bullying—Stop It » ( ១០:២៣ ) ចាប់ពីនាទីទី ០:០០ ដល់ ៦:៥០ និងចាប់ពីនាទីទី ៦:៥១ ដល់ ១០:២៣