« លោកុប្បត្តិ ២៤–៣៣ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៦ )
« លោកុប្បត្តិ ២៤–៣៣ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
លោកុប្បត្តិ ២៤–៣៣
លោកុប្បត្តិ ២៤–៣៣
ទិដ្ឋភាពទូទៅ
ព្រះអម្ចាស់បានរៀបចំផ្លូវសម្រាប់អ៊ីសាក ដើម្បីទទួលអាពាហ៍ពិពាហ៍ដ៏អស់កល្បជានិច្ច ។ នៅទីបំផុត លោក និងរេបិកាបានមានកូនភ្លោះមួយគូដែលមានឈ្មោះថា យ៉ាកុប និងអេសាវ ។ ទោះជាយ៉ាងណាក៏ដោយ នៅពេលអេសាវធំឡើង គាត់មិនបានផ្តល់អាទិភាពដល់ការទទួលអំណាចមរតកនៃបងច្បង ឬពរជ័យដ៏នៅអស់កល្បជានិច្ចរបស់គាត់ទេ ។ យ៉ាកុបបានទទួលអំណាចមរតកនៃបងច្បង ហើយធ្វើដំណើរទៅស្រុកកំណើតរបស់ម្ដាយគាត់ ដើម្បីរកភរិយា ។ ពេលកំពុងធ្វើដំណើរ គាត់មានការនិមិត្តមួយដែលនាំគាត់ឲ្យធ្វើសេចក្ដីសញ្ញាអ័ប្រាហាំជាមួយនឹងព្រះ ។ គាត់បានខិតខំយ៉ាងខ្លាំង ដើម្បីរៀបអាពាហ៍ពិពាហ៍នៅក្នុងសេចក្ដីសញ្ញា ទទួលបានពរជ័យពីព្រះអម្ចាស់ក្នុងកិច្ចការប្រចាំថ្ងៃរបស់គាត់ និងធ្វើអ្វីដែលព្រះបានបង្គាប់ឲ្យគាត់ធ្វើ ដើម្បីផ្សះផ្សារទំនាក់ទំនងគ្រួសាររបស់គាត់ ។
សូមលើកទឹកចិត្តសិស្សឲ្យចែកចាយសេចក្តីពិតដែលពួកគេកំពុងរៀន ។ ការអញ្ជើញសិស្សឲ្យចែកចាយជាមួយគ្នាទៅវិញទៅមកនូវអ្វីដែលពួកគេកំពុងរៀន អាចជួយឲ្យពួកគេមានអារម្មណ៍ថាមានទំនុកចិត្តជាងមុននៅក្នុងថ្នាក់ ។ ដើម្បីស្វែងយល់បន្ថែម សូមមើល « ព្រះអង្គសង្គ្រោះបានលើកទឹកចិត្តអ្នកដទៃឲ្យចែកចាយសេចក្ដីពិតដែលពួកគេកំពុងរៀន » ( ការបង្រៀនតាមរបៀបរបស់ព្រះអង្គសង្គ្រោះ ទំព័រ ២៦ ) ។ ឧទាហរណ៍មួយអំពីរបៀបធ្វើបែបនេះ អាចរកបាននៅក្នុងមេរៀនទី ៣១ ៖ « លោកុប្បត្តិ ២៨ » ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗ អំពីអ្វីដែលអ្នកអាចត្រូវរៀបចំខ្លួនសម្រាប់មេរៀននីមួយៗ ។
លោកុប្បត្តិ ២៤
គោលបំណងមេរៀន ៖ ដើម្បីជួយសិស្សឲ្យយល់អំពីសារៈសំខាន់នៃសេចក្តីសញ្ញានៃអាពាហ៍ពិពាហ៍ដ៏អស់កល្បជានិច្ច នៅក្នុងផែនការរបស់ព្រះវរបិតាសួគ៌ ។
-
ការរៀបចំសិស្ស ៖ សូមអញ្ជើញសិស្សឲ្យសរសេរសំណួរដែលពួកគេ ឬនរណាម្នាក់ដែលពួកគេស្គាល់អាចមានអំពីអាពាហ៍ពិពាហ៍ក្នុងព្រះវិហារបរិសុទ្ធ ហើយមករៀនប្រកបដោយការអធិស្ឋានដើម្បីស្វែងរកចម្លើយចំពោះសំណួរនោះ ។
-
រូបភាព ៖ អាពាហ៍ពិពាហ៍ក្នុងព្រះវិហារបរិសុទ្ធ « រេបិកានៅឯអណ្ដូង » ជារូបគំនូរដ៏សាមញ្ញនៃព្រះវិហារបរិសុទ្ធ
-
សំណៅមេរៀន ៖ សំណៅមេរៀនដែលមានចំណងជើងថា « អាពាហ៍ពិពាហ៍ដ៏អស់កល្បជានិច្ច »
លោកុប្បត្តិ ២៥–២៧
គោលបំណងមេរៀន ៖ ដើម្បីជួយសិស្សផ្ដល់តម្លៃលើពរជ័យដ៏នៅអស់កល្បជានិច្ចរបស់ព្រះអម្ចាស់ជាងសេចក្តីប្រាថ្នាចង់បានខាងលោកិយ ។
-
ការរៀបចំសិស្ស ៖ សូមលើកទឹកចិត្តសិស្សឲ្យវាយតម្លៃតុល្យភាពក្នុងជីវិតរបស់ពួកគេ ដោយអធិស្ឋានរវាងការណ៍ទាំងឡាយនៃព្រះ ( ឧ. ការអធិស្ឋាន ការសិក្សាព្រះគម្ពីរ សកម្មភាពសាសនាចក្រ ) និងការណ៍ទាំងឡាយនៃពិភពលោក ។ សូមអញ្ជើញពួកគេឲ្យស្វែងរកការរំខានខាងលោកិយណាមួយដែលអាចនឹងមានអាទិភាពលើការណ៍ដ៏អស់កល្បជានិច្ចទាំងឡាយ ។
-
វីដេអូ ៖ « Jacob and Esau » ( ២:០៦ ), « No Regrets » ( ៥:៣៨ )
លោកុប្បត្តិ ២៨
គោលបំណងមេរៀន ៖ ដើម្បីជួយសិស្សទទួលអារម្មណ៍ថាមានបំណងប្រាថ្នាធ្វើសេចក្ដីសញ្ញាជាមួយនឹងព្រះនៅក្នុងព្រះវិហារបរិសុទ្ធកាន់តែខ្លាំងឡើង ។
-
ការរៀបចំសិស្ស ៖ សូមពិចារណាអញ្ជើញសិស្សឲ្យមើលឡើងវិញនូវការសន្យានៃសេចក្ដីសញ្ញាអ័ប្រាហាំ ( អ័ប្រាហាំ ២:៨–១១ ) ។ អាចលើកទឹកចិត្តសិស្សឲ្យព្យាយាម និងពន្យល់ដល់សមាជិកគ្រួសារម្នាក់របស់ពួកគេអំពីសេចក្ដីសញ្ញាអ័ប្រាហាំ និងមូលហេតុដែលសេចក្តីសញ្ញានេះសំខាន់ចំពោះពួកគេ ។
-
រូបភាព ៖ រូបភាពព្រះវិហារបរិសុទ្ធ
លោកុប្បត្តិ ២៩–៣៣
គោលបំណងមេរៀន ៖ ដើម្បីជួយសិស្សបង្កើនឆន្ទៈរបស់ពួកគេ ដើម្បីទុកឲ្យព្រះឈ្នះក្នុងជីវិតរបស់ពួកគេ ។
-
ការរៀបចំសិស្ស ៖ សូមពិចារណាអញ្ជើញសិស្សឲ្យរាយបញ្ជីនូវរបៀបដែលព្រះជាឥទ្ធិពលក្នុងជីវិតរបស់ពួកគេ ។ ប្រសិនបើសិស្សចង់រៀនបន្ថែមលើប្រធានបទនេះ នោះពួកគេអាចស្តាប់ មើល ឬអានផ្នែកនានានៃសុន្ទរកថារបស់ប្រធាន រ័សុល អិម ណិលសុន « ទុកឲ្យព្រះឈ្នះ » ( ១៨:៥១ ) ។
ប្រសិនបើអ្នកសម្រេចចិត្តឲ្យសិស្ស ឬសិស្សជាក្រុមៗបង្រៀនឯកសារនៅលើសំណៅមេរៀនទាំងបីក្នុងមេរៀននេះ សូមផ្តល់សំណៅមេរៀនទាំងនោះទៅសិស្ស យ៉ាងហោចណាស់ឲ្យបានរយៈពេលមុនមួយថ្នាក់បន្ទាប់មកដល់ ។ សម្រាប់ការរៀបចំសិស្សរបស់ពួកគេ សូមអញ្ជើញពួកគេឲ្យសិក្សាឯកសារនោះ ហើយរៀបចំខ្លួនដើម្បីដឹកនាំថ្នាក់ ។
-
វីដេអូ ៖ « ទុកឲ្យព្រះឈ្នះ » ( ១៨:៥១ ) ចាប់ពីនាទីទី ១២:១៨ ដល់ ១៣:០២ « Jacob and His Family » ( ៣:០០ )
-
សំណៅមេរៀន ៖ « យ៉ាកុបធ្វើការពលិកម្មដ៏មហិមាដើម្បីរៀបការក្នុងសេចក្ដីសញ្ញា » « ពរជ័យក្នុងជីវិតខាងសាច់ឈាមរបស់យើង » និង « យ៉ាកុបត្រៀមខ្លួនដើម្បីជួបអេសាវ »