« លោកុប្បត្តិ ៥; ម៉ូសេ ៦ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់សម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៦ )
« លោកុប្បត្តិ ៥; ម៉ូសេ ៦ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់សម្រាប់គ្រូបង្រៀនថ្នាក់សិក្ខាសាលា
លោកុប្បត្តិ ៥; ម៉ូសេ ៦
លោកុប្បត្តិ ៥; ម៉ូសេ ៦
ទិដ្ឋភាពទូទៅ
ព្រះអម្ចាស់បានត្រាស់ហៅហេណុក ឲ្យផ្សាយពីការប្រែចិត្តដល់ក្រុមមនុស្សអាក្រក់ ។ ទោះជាហេណុកមានអារម្មណ៍ថានៅខ្វះខាតក៏ដោយ ក៏ព្រះអម្ចាស់បានពង្រឹងលោកដែរ ។ ហេណុកបានបង្រៀនប្រជាជនពីមូលហេតុដែលពួកគេត្រូវការព្រះអង្គសង្គ្រោះ និងរបៀបដែលពួកគេអាចមករកទ្រង់ ហើយទទួលបានពរជ័យដែលមានតែទ្រង់ប៉ុណ្ណោះទើបអាចប្រទានឲ្យបាន ។
លើកទឹកចិត្តសិស្សឲ្យចែកចាយសេចក្តីពិតដែលពួកគេកំពុងរៀន ។ ការផ្តល់នូវសំណួរពិភាក្សាល្អៗអាចបង្កើនទំនុកចិត្តរបស់សិស្សក្នុងការចូលរួមក្នុងការសន្ទនាអំពីដំណឹងល្អ ។ ដើម្បីស្វែងយល់បន្ថែម សូមមើល « ព្រះអង្គសង្គ្រោះបានលើកទឹកចិត្តអ្នកដទៃឲ្យចែកចាយសេចក្តីពិតដែលពួកគេកំពុងរៀន » ( ការបង្រៀនតាមរបៀបរបស់ព្រះអង្គសង្គ្រោះ [ ឆ្នាំ ២០២២ ] ទំព័ ២៦ ) ។ ឧទាហរណ៍មួយនៃរបៀបលើកទឹកចិត្តអ្នកដទៃឲ្យចែកចាយ អាចរកបាននៅក្នុងមេរៀនទី ១៣ ៖ « ម៉ូសេ ៦:១–៣៩ » ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
ម៉ូសេ ៦:១–៣៩
គោលបំណងមេរៀន ៖ ដើម្បីជួយសិស្សឲ្យមានអារម្មណ៍ជឿជាក់លើព្រះអម្ចាស់ និងព្រះចេស្ដារបស់ទ្រង់ក្នុងការជួយ និងពង្រឹងពួកគេ ។
-
ការរៀបចំរបស់សិស្ស ៖ សូមអញ្ជើញសិស្សឲ្យគិតអំពីគ្រាដែលមនុស្សបានដកពិសោធន៍នូវព្រះចេស្ដារបស់ព្រះអម្ចាស់ នៅពេលទ្រង់បានជួយពួកគេយកឈ្នះលើការលំបាកនានា ។ សូមលើកទឹកចិត្តពួកគេឲ្យរកមើលឧទាហរណ៍នៅក្នុងព្រះគម្ពីរ ។
-
មាតិកាដែលត្រូវបង្ហាញ ៖ សេចក្តីថ្លែងការណ៍ដែលមាននៅក្រោមចំណងជើង « អារម្មណ៍នៃភាពមិនគ្រប់គ្រាន់ »
-
សំណៅមេរៀន ៖ « ហេណុកបានទទួលបទពិសោធន៍នៃអំណាចរបស់ព្រះអម្ចាស់ »
-
វីដេអូ ៖ « Becoming True Millennials » ( ៣០:២៩ សូមមើលពីនាទីទី ៩:០៥ ដល់ ១២:២៩ )
ម៉ូសេ ៦:៤៧–៦៨
គោលបំណងមេរៀន ៖ ដើម្បីជួយសិស្សយល់ពីរបៀបមករកព្រះយេស៊ូវគ្រីស្ទ និងដើម្បីទទួលបានពរជ័យដែលមានតែទ្រង់ទើបអាចប្រទានឲ្យបាន ។
-
ការរៀបចំរបស់សិស្ស ៖ សូមអញ្ជើញសិស្សឲ្យសួរសមាជិកគ្រួសារ ឬមិត្តថា ហេតុអ្វីបានជាព្រះយេស៊ូវគ្រីស្ទមានសារៈសំខាន់ចំពោះពួកគេ និងការមករកទ្រង់មានអត្ថន័យដូចម្ដេចសម្រាប់ពួកគេ ។
-
រូបភាព ៖ រូបភាពព្រះយេស៊ូវគ្រីស្ទ
-
មាតិកាដែលត្រូវបង្ហាញ ៖ ស្វ័យវាយតម្លៃនៅក្នុងផ្នែកដែលមានចំណងជើងថា « មករកព្រះគ្រីស្ទ » តារាងសម្រាប់សកម្មភាពសិក្សា
ការអនុវត្តតាមចំណេះចំណានខាងគោលលទ្ធិទី ១
គោលបំណងមេរៀន ៖ ដើម្បីផ្តល់ឱកាសឲ្យសិស្សទន្ទេញសេចក្ដីយោងចំណេះចំណានខាងគោលលទ្ធិ និងឃ្លាបទគម្ពីរគន្លឹះរបស់វា ក៏ដូចជារៀន និងអនុវត្តតាមគោលការណ៍ដ៏ទេវភាពនៃការទទួលបានចំណេះដឹងខាងវិញ្ញាណផងដែរ ។
-
ការរៀបចំរបស់សិស្ស ៖ សូមពិចារណាអញ្ជើញសិស្សឲ្យជ្រើសរើសវគ្គចំណេះចំណានខាងគោលលទ្ធិ ហើយធ្វើការទន្ទេញសេចក្ដីយោងបទគម្ពីរ និងឃ្លាបទគម្ពីរគន្លឹះ ។ បន្ទាប់មក ពួកគេអាចពិចារណាពីតម្លៃនៃការទន្ទេញទាំងនោះ ។
-
សម្ភារសម្រាប់សិស្ស ៖ បន្ទះក្រដាសសម្រាប់សកម្មភាពទន្ទេញ
-
មាតិកាដែលត្រូវបង្ហាញ ៖ វគ្គចំណេះចំណានខាងគោលលទ្ធិ និងឃ្លាបទគម្ពីរគន្លឹះ ការណែនាំសម្រាប់សកម្មភាពទន្ទេញ សំណួរពិភាក្សាសម្រាប់ការទទួលបានចំណេះដឹងខាងជំនឿ