Welcome sa Daang Tugon

Welcome sa Daang Tugon

Kinatibuk-ang Pagpasabot

Girekord sa Daang Tugon ang kinaunhang pagpakiglabot sa Dios sa Iyang mga anak sa yuta. Niining sagradong basahon sa kasulatan, makakat-on kita bahin ni Jesukristo pinaagi sa Iyang mga pagtulun-an isip Jehova sa kinabuhi sa wala pa dinhi sa yuta. Makakat-on usab kita sa mga panagna ug mga simbolo nga nagpamatuod Kaniya.

Pagtudlo mahitungod sa mga Titulo, mga Tahas, ug mga Hiyas ni Jesukristo. Adunay daghang titulo, mga tahas, ug mga hiyas si Jesukristo nga motabang nato sa pagsabot kon nganong Siya ang sentro sa plano sa Langitnong Amahan. Pagtabang sa mga estudyante sa pag-ila ug pagsabot niini makatabang aron mas masuod sila sa Manluluwas. Aron makakat-on og dugang kon nganong importante kini, tan-awa ang seksiyon nga “Pagtudlo mahitungod sa mga Titulo, Tahas, ug Hiyas ni Jesukristo” sa “Pagtudlo mahitungod ni Jesukristo Bisan Unsa pa ang Inyong Gitudlo” diha sa Pagtudlo sumala sa Pamaagi sa Manluluwas. Ang usa ka ehemplo sa paghimo niini anaa sa leksiyon nga “Ang Plano sa Kaluwasan.”

Pangandam sa pagtudlo

Timan-i: Wala tingaliy klase sa imong seminary sa pipila o tanang semana diin tun-an ni nga mga leksiyon isip bahin sa eskedyul nga Dali, Sunod Kanako. Ikonsiderar ang pagtudlo sa “Pasiuna sa Daang Tugon” sa unang adlaw sa kurso, bisag kanus-a man kini mahitabo. Pwede nimong itudlo ang “Ang Plano sa Kaluwasan” kon mas komportable, bisan pa tingali sa tunga-tunga na sa kurso.

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Pasiuna sa Daang Tugon

Katuyoan sa leksiyon: Aron tabangan ang mga estudyante nga molambo ang ilang tinguha nga maduol sa Langitnong Amahan ug ni Jesukristo pinaagi sa ilang pagtuon sa Daang Tugon

• Pagpangandam sa estudyante: Ikonsiderar ang pagdapit sa mga estudyante sa pagrebyo sa ilang paboritong istorya gikan sa Daang Tugon ug pamalandongan kon unsay gitudlo sa maong istorya bahin sa Langitnong Amahan o ni Jesukristo.

• Bidyo: “Focus Test” (1:02)

• Mga Imahe: Imahe ni Jesukristo, uban sa lainlaing mga imahe nga nagpakita sa mga asoy sa Daang Tugon

Ang Plano sa Kaluwasan

Katuyoan sa leksiyon: Aron tabangan ang mga estudyante nga masabtan ang plano sa kaluwasan sa Langitnong Amahan ug ang mahinungdanong tahas ni Jesukristo

• Pagpangandam sa estudyante: Dapita ang mga estudyante sa pagpamalandong sa unsay ilang nahibaloan bahin sa plano sa kaluwasan sa Langitnong Amahan ug sa mahinungdanong tahas sa Manluluwas sa atong mahangtoron nga pag-uswag. Pwedeng isulat sa mga estudyante ang mga elemento sa plano sa kaluwasan nga pamilyar nila ug praktisan ang pagpatin-aw niini ngadto sa usa ka sakop sa pamilya o sa higala.

• Sulod nga ipakita: Ang tulo ka pangutana ni Jonathan nga gilista sa sinugdanan sa leksiyon

• Imahe: “Ang Plano sa Kaluwasan sa Langitnong Amahan pinaagi sa Iyang Anak si Jesukristo”

• Handout: “Ang Plano sa Kaluwasan sa Langitnong Amahan”