Սեմինարիա
Մատթեոս 6–7

Մատթեոս 6–7

Ակնարկ

Հիսուսը շարունակեց Լեռան քարոզը՝ ուսուցանելով, որ մենք պետք է բարի գործեր կատարենք՝ Երկնային Հորը գոհացնելու, այլ ոչ թե ուրիշների ուշադրությունը գրավելու համար: Նա Իր աշակերտներին ուսուցանեց նաև «առաջ Աստուծոյ արքայութիւնը … խնդրե[լ]» (Մատթեոս 6.33) և արդար դատել: Այս շաբաթվա նյութերը ներառում են վարդապետության սերտման վարժություն, որը կօգնի ուսանողներին գտնել և մտապահել Նոր Կտակարանի վարդապետության սերտման սուրբ գրությունների առաջին 11 հատվածները, ինչպես նաև մի դաս, որը կօգնի նրանց գնահատել իրենց սովորածը և առաջընթացը:

Մատթեոս 6․1-18

Դասի նպատակը. Այս դասի ընթացքում ուսանողները հնարավորություն կունենան գնահատել բարի գործեր կատարելու իրենց շարժառիթները և որոշել, թե ինչպես կուզենային ավելի լավը դառնալ:

  • Ուսանողի պատրաստում. Առաջարկեք ուսանողներին մտածել դասից 24 ժամ առաջ կատարած իրենց գործողությունների շարժառիթների մասին:

  • Ցուցադրելու բովանդակություն. Բարի գործերի մասին աղյուսակ

  • Տեսաֆիլմ. «Անկեղծ լինելու մասին» (17:51, դիտեք 15:34-16:29-ը):

Մատթեոս 6․19-34

Դասի նպատակը. Այս դասն ուսանողներին հնարավորություն կտա խորհել և կիսվել Աստծուն իրենց կյանքում առաջին տեղում դնելու կարևորությամբ:

  • Ուսանողի պատրաստում. Առաջարկեք ուսանողներին խորհել, թե նրանք ինչպես կարող են ուրիշների հետ կիսվել Աստծուն իրենց կյանքում առաջին տեղում դնելու կարևորությամբ:

  • Առցանց ուսուցման առաջարկ. Կարգավորեք ձեր էկրանը սրահի ռեժիմին կամ դիտման որևէ ռեժիմի, որը կարող է միանգամից հնարավորինս շատ ուսանողներ ցուցադրել: Երբ առաջին ուսանողը կիսվի իր առցանց տեսանյութով, կարող եք խնդրել նրան ցույց տալ վերև, ներքև, աջ կամ ձախ: Այն ուսանողը, որը էկրանի վրա կլինի վերևում, ներքևում, աջից կամ ձախից, կշարունակի վարժությունը: (Օգտակար կլինի իմանալ, որ ձեր էկրանին ուսանողների ցուցադրման եղանակը միշտ չէ, որ համապատասխանում է ուսանողների տեսածին):

Մատթեոս 7․1-5

Դասի նպատակը. Այս դասն ուսանողներին հնարավորություն կտա իմանալ, թե ինչպես կարելի է արդար դատողություններ անել:

  • Ուսանողի պատրաստում. Առաջարկեք ուսանողներին խորհել, թե ինչ գիտեն այն մասին, թե որ դատողությունները պետք է անեն, իսկ որոնք՝ ոչ: Հորդորեք նրանց մտածել, թե ինչ հարցեր ունեն դատելու մասին:

  • Առցանցուսուցման առաջարկ. Դասի վերջում ուսանողների ընտրությամբ ցուցադրեք չորս սցենար՝ քննարկման համար: Առաջարկեք մեկ կամ մի քանի ուսանողի օգտագործել իրենց նկարելու գործիքը, որպեսզի շրջանակով նշեն առնվազն մեկ սցենար՝ դասարանով քննարկելու համար կամ հարցաթերթ ստեղծել, որտեղ կարող են նշել իրենց ընտրությունը:

Վարդապետության սերտման կրկնություն 1

Դասի նպատակը. Այս դասը կօգնի ձեզ գտնել և փորձել մտապահել սուրբ գրությունների հղումները և սուրբ գրությունների հիմնական արտահայտությունները Նոր Կտակարանի վարդապետության սերտման սուրբ գրությունների առաջին 11 հատվածների համար:

  • Ցուցադրելու բովանդակություն. Վարդապետության սերտման սուրբ գրությունների առաջին 11 հատվածները պարունակող աղյուսակ

  • Առցանց ուսուցման առաջարկ. Կարող եք օգտագործել խմբային քննարկումների սենյակները, որպեսզի ուսանողներն ավելի լավ ճանաչեն միմյանց՝ սուրբ գրությունները փնտրելիս և հիմնական արտահայտությունները անգիր սովորելիս:

Գնահատեք ձեր գիտելիքները 2

Դասի նպատակը. Այս դասի նպատակն է օգնել ձեզ գնահատել ձեր նպատակները, ձեր սովորածը, ինչպես նաև ձեր աճը Նոր Կտակարանի այս տարվա ուսումնասիրության ընթացքում:

  • Ուսանողի պատրաստում. Առաջարկեք ուսանողներին մտածել Հիսուս Քրիստոսի հանդեպ հավատքի օգնությամբ գայթակղությանը դիմադրելու և այն հաղթահարելու իրենց ջանքերի մասին:

  • Ուսանողների համար նախատեսված նյութեր. Եթե դուք ընտրում եք կառույց սարքելու վարժությունը, ձեզ պետք կլինեն բաժակներ, նաև կայուն և անկայուն մակերեսներ:

  • Առցանց ուսուցման առաջարկ. Հանձնարարեք որևէ ուսանողի համադասարանցիների առջև բաժակներից մի հասարակ կառույց սարքել՝ սկզբում կայուն մակերեսի (հատակի կամ սեղանի) վրա, ապա անկայուն մակերեսի, օրինակ՝ մահճակալի, ծալված վերմակի կամ բարձի վրա: