Filipino women walking on the street while visiting teaching a sister.
Փրկիչին հաճախ էին քննադատում փարիսեցիները և այլ հրեա առաջնորդները նրա համար, թե ինչպես էր Նա պահում Հանգստության օրը: Հիսուսի պատասխանները այդ առաջնորդներին կօգնեն ձեզ ավելի լավ հասկանալ Հանգստության օրվա նպատակը, և թե ինչպես լիարժեք ձեր կյանք հրավիրել Տիրոջ օրհնությունները:
Ուսանողի պատրաստում. Ուսանողներին առաջարկեք մտածել, թե նրանք ինչպես են ավելի շատ մոտենում Փրկիչին Հանգստության օրը՝ անհատապես կամ իրենց ընտանիքների հետ:
Հնարավոր ուսումնական վարժություններ
Հանգստության օրվա նպատակը
Հետևյալ վարժության շրջանակներում յուրաքանչյուր ուսանողի համար նշանակեք մեկական զուգընկեր և առաջարկեք զուգընկերներից յուրաքանչյուրին արձագանքել իրավիճակներից մեկին:
Պատկերացրեք հետևյալ երկու իրավիճակները: Մի իրավիճակում ինչ-որ մեկը ձեզ ասում է, որ Հանգստության օրն ունի շատ պարտականություններ և արգելքներ, և եթե դուք չեք հետևում բոլորին, ապա խախտում եք Աստծո պատվիրանները: Մյուս իրավիճակում մեկ ուրիշը ձեզ ասում է, որ կիրակին չի տարբերվում այլ օրերից, և կիրակի օրը դուք պետք է անեք այն, ինչ ուզում եք:
Որքանո՞վ եք ձեզ հարմարավետ զգում՝ արձագանքելով այս իրավիճակներին:
Ի՞նչ հարցեր ունեք Հանգստության օրվա մասին:
Երբ ուսանողները կիսվեն իրենց հարցերով, գրեք դրանք գրատախտակին: Եթե ուսանողների համար անհարմար է իրենց հարցերով կիսվել դասարանի հետ, առաջարկեք նրանց գրել իրենց հարցերը իրենց օրագրերում: Մի փորձեք այս պահին պատասխանել հարցերին, այլ ուսանողներին հորդորեք պատասխաններ փնտրել ուսումնասիրության ընթացքում:
Երբ ուսումնասիրեք, թե ինչպես է Փրկիչը պահել Հանգստության օրը, փնտրեք ձեր հարցերի պատասխանները: Առաջնորդություն խնդրեք Երկնային Հորից:
Մովսեսի օրենքն ուսուցանում էր, որ Իսրայելի ժողովուրդը չպետք է աշխատի Հանգստության օրը (տես Ելից 31.14-15): Դպիրները և փարիսեցիները Մովսեսի օրենքին ավելացրել էին իրենց մեկնաբանությունները՝ փոխելով օրենքի սկզբնական նպատակը:
Կարդացեք հետևյալ հատվածները՝ նշելով այն արտահայտությունները, որոնք ցույց են տալիս, թե ինչպես է Հիսուսը տեսնում Հանգստության օրը:
Մարկոս 2.23-28 . Փարիսեցիները կասկածի տակ էին դնում Հանգստության օրը ցորեն հավաքելու և ուտելու պատեհությունը:
Մարկոս 3.1-6 . Փարիսեցիները կասկածի տակ էին դնում Հանգստության օրը որևէ մեկին բժշկելու պատեհությունը:
Ուսանողներին խնդրեք կիսվել, թե ինչ են նշել և ինչու:
Մատթեոս 11-12 և Ղուկաս 11 գլուխների համառոտ շարադրանքը Եկ, հետևիր ինձ. Անհատների և ընտանիքների համար. Նոր Կտակարան 2023 ձեռնարկում քննարկում է Հանգստության օրը: Եթե այսօրվա դասի ժամկետները համապատասխանում են Եկ, հետևիր ինձ ձեռնարկի համառոտ շարադրանքի ժամկետներին, կարող եք ուսանողներին խնդրել կիսվել, թե ինչ են սովորել տանը: Կարող եք նաև հորդորել ուսանողներին իրենց ընտանիքների հետ կիսվել դասարանում ստացած գաղափարներով:
Նախագահ Ռասսել Մ. Նելսոնը կիսվել է Հանգստության օրվա նպատակի մասին հետևյալ մտքերով.
Նկար
Official portrait of President Russell M. Nelson taken January 2018
Ի՞նչ նկատի ուներ Փրկիչը, երբ Նա ասաց, որ «Շաբաթը մարդի համար եղաւ, եւ ոչ թէ մարդը շաբաթի համար»։ [ Մարկոս 2.27 ] Կարծում եմ, որ Նա ցանկանում էր, որ մենք հասկանանք, որ Հանգստության օրը Նրա պարգևն էր մեզ, որը տրամադրում է հանգիստ [կամ սփոփանք] ամենօրյա կյանքի դժվարություններից, և հնարավորություն՝ հոգևոր և ֆիզիկական նորոգման համար։ Աստված մեզ այդ հատուկ օրը տվել է ոչ թե զվարճանքի կամ ամենօրյա աշխատանքի համար, այլ ֆիզիկականի և հոգևորի միջոցով պարտականություններից հանգստանալու համար։
Ի՞նչ իմացաք Հանգստության օրվա վերաբերյալ Տիրոջ նպատակների մասին:
Ի՞նչ կարող ենք սովորել Տիրոջ մասին Հանգստության օրվա Նրա գործողություններից և վարքից:
Օգնեք ուսանողներին բացահայտել նամանատիպ սկզբունքներ. Տերը մեզ տվեց Հանգստության օրը՝ բարիք գործելու և առօրյա կյանքի դժվարություններից հանգստանալու համար:
Ձեր կարծիքով, Հանգստության օրը սուրբ պահելու Աստծո պատվիրանն ինչպե՞ս է ապացուցում Նրա սերը մեր նկատմամբ:
Ինչպե՞ս կարող եք պատվել Հանգստության օրը
Հասկանալով Հանգստության օրվա նպատակները և այն օրհնությունները, որ Աստված ունի ձեզ համար, դուք ավելի մեծ ոգևորությամբ սուրբ կպահեք Հանգստության օրը:: Սովորելով, թե ինչպես կարելի է ավելի լավ պատվել Հանգստության օրը, դուք սովորում եք լիարժեք կերպով ձեր կյանք հրավիրել Փրկիչի բժշկությունն ու օգնությունը:
Թերթիկի միջոցով ուսանողներին տրամադրեք հետևյալ տեղեկությունները կամ ցուցադրեք դրանք դասարանին: Ուսանողները կարող են այս տեղեկություններն ուսումնասիրել անհատապես կամ փոքր խմբերով:
Ուսումնասիրեք հետևյալ աղբյուրները, որպեսզի ավելին սովորեք Հանգստության օրվա և այն մասին, թե ինչ օրհնություններ կարող եք ստանալ այդ օրը պատվելով:
Նախագահ Ռասսել Մ. Նելսոնը հետևյալն է ուսուցանել Հանգստության օրը մեր սերը Աստծու նկատմամբ ցույց տալու մասին:
Նկար
Official portrait of President Russell M. Nelson taken January 2018
Իմ երիտասարդության վաղ տարիներին ես ուսումնասիրել եմ այն մարդկանց աշխատությունները, ովքեր կազմել են այն գործերի ցուցակը, որոնք պետք է անել և չպետք է անել Հանգստության օրը։ Միայն ավելի ուշ սուրբ գրություններից ես իմացա, որ իմ վարքն ու վերաբերմունքը Հանգստության օրվա հանդեպ նշան է իմ և Երկնային Հոր միջև [տես Ելից 31.13 , Եզեկիել 20.12, 20 ]: Դա իմանալով՝ ես այլևս այդ ցուցակի կարիքը չունեի։ Երբ պետք է որոշում կայացնեի՝ արդյոք միջոցառումը համապատասխանում էր Հանգստության օրվան, թե՝ ոչ, ես պարզապես ինքս ինձ հարց էի տալիս․ «Ի՞նչ նշան եմ ցանկանում փոխանցել Աստծուն»։ Այդ հարցը Հանգստության օրվա վերաբերյալ իմ որոշումները պարզից էլ պարզ էր դարձնում։
Ի՞նչ եք սովորել Հանգստության օրվա նպատակի և օրհնությունների մասին:
Դիտեք «Կիսվեք ձեր Հանգստության օրով» տեսանյութը (0:53), որը ցույց է տալիս, թե ինչպես կարելի է «բարիք գործել» Հանգստության օրը:
Հետևյալ հարցը կարող է ուսանողներին հնարավորություն տալ կիսվել իրենց մտքերով ուսանողի պատրաստման առաջարկված վարժությունից:
Որո՞նք են Հանգստության օրը Հիսուս Քրիստոսին ավելի շատ մոտենալու ձեր նախընտրած եղանակները:
Երբ ուսանողները կիսվեն, ընդունեք այն փաստը, որ նրանք կարող են ունենալ տարբեր տեսակետներ այն մասին, թե ինչ պետք է անել կամ չանել Հանգստության օրը: Անհրաժեշտության դեպքում ուսանողներին հիշեցրեք, որ նրանք պետք է հասկացող և հարգալից լինեն ուրիշների տեսակետների նկատմամբ:
Այս դասից ձեր սովորածն ինչպե՞ս օգնեց պատասխանել Հանգստության օրվա մասին ձեր հարցերին:
Եթե դուք չգտաք պատասխաններ ձեր հարցերին, ի՞նչ կարող եք անել, որպեսզի շարունակեք փնտրել դրանք:
Ի՞նչ տպավորություններ եք ստացել այն մասին, թե ինչ կարող եք անել՝ Հանգստության օրը պատվելու օրհնությունները լիարժեք վայելելու համար:
Կարող եք վկայել Հանգստության օրը սուրբ պահելու կարևորության մասին: Ուսանողներին առաջարկեք կիսվել իրենց վկայություններով, եթե կամենան:
Բացատրական և պատմական տեղեկություններ
Ինչո՞ւ էին փարիսեցիները քննադատում աշակերտներին՝ Հանգստության օրը «հասկ պոկել[ու]» համար:
Մովսեսի օրենքի համաձայն անձը կարող էր ցորեն հավաքել, եթե նա դա անում էր ձեռքով, այլ ոչ թե մանգաղով (տես Երկրորդ Օրինաց 23.25): Մինչդեռ փարիսեցիների բանավոր օրենքն ավելի հեռու էր գնում, քան Մովսեսի օրենքը, և ասում էր, որ Հանգստության օրը ձեռքով ցորեն հավաքելն արգելված է:
Երախտագիտությունն ինչպե՞ս կարող է օրհնել հաղորդության և Հանգստության օրվա ձեր փորձառությունը:
«Երախտագիտություն հայտնեք Հանգստության օրը» տեսանյութում (3:38) նախագահ Հենրի Բ. Այրինգը հրավիրում է մարդկանց թույլ տալ, որ երախտագիտության զորությունը մուտք գործի Հանգստության օրվա իրենց փորձառության մեջ: Տեսանյութը հասանելի է ChurchofJesusChrist.org կայքում:
Ուրիշ ի՞նչ կարող եմ անել՝ Հանգստության օրվա օրհնությունները հրավիրելու համար
«Կիրակին բերկրանք է» ելույթում Նախագահ Ռասսել Մ. Նելսոնը կիսվել է մի քանի մտքերով, թե ինչպես կարելի է հրավիրել Հանգստության օրվա հոգուն (Ensign կամ Լիահոնա, մայիս 2015, 129–132):«Կիրակի օրը դարձրեք բերկրանք՝ գտնելով ձեր նախնիներին» տեսանյութը (2:57) լուսաբանում է, որ Կիրակի օրը ընտանեկան պատմության աշխատանքի համար ժամանակ գտնելով՝ կարող ենք մեծ ազդեցություն ունենալ մեր օրվա և կյանքի վրա: Տեսանյութը հասանելի է ChurchofJesusChrist.org կայքում:
Պատվելով Հանգստության օրը՝ ինչպե՞ս կարող եմ օրհնություններ բերել իմ ընտանիքին:
«Թե ինչպես մենք փոխվեցինք. Սաիսոպայի ընտանիքը և Հանգստության օրը» տեսանյութը (5:03) ChurchofJesusChrist.org կայքում պատմում է մի ընտանիքի փորձառության մասին, որի անդամների զբաղված առօրյան փոխվեց, երբ նրանք ընդունեցին ավետարանը և պատվեցին Հանգստության օրը:
Օժանդակ ուսումնական վարժություն
Ինչպես կարող եք պատրաստվել Հանգստության օրվան
Ուսանողների համար օգտակար կլինի լսել միմյանց գաղափարներն այն մասին, թե շաբաթվա ընթացքում ինչպես պատրաստվել Հանգստության օրվան: Կարող եք դասարանին հարցնել. «Ի՞նչ օգտակար պատրաստություն եք տեսնում շաբաթվա ընթացքում՝ Հանգստության օրը ավելի օրհնյալ դարձնելու համար»:
